1 तिमिथियुस 5:9 - मंडयाली नंऊँआं नियम

⁹ विधवा जनानिया रे नांऊँआ री सूची मन्झ, जिन्हों विस्वासी लोक लगातार मदद करहे, तेता मन्झ सिर्फ तिन्हा विधवा रे नाऊँ लिखे जाये, जो साठ साला री उम्रा ले ज्यादा हो, होर जेसरा एक ई लाड़ा हो।

1 तिमिथियुस 5:9 Iomraidhean Croise

1 तिमिथियुस 3:12

कलीसिया रे सेऊआदारा री एक ई लाड़ी हो, होर से आपणे बाल बच्चे साउगी आपणे घरा रे बाकि सदस्या जो ठीक ढंगा किन्हें चलाणे वाल़ा हो।

1 तिमिथियुस 3:2

होर इधी कठे ये जरूरी आ कि कलीसिया रे अगुवे वाले ये सारे गुण हो-कि से बेकसूर हो, होर तेसरी एक ई लाड़ी हो, होर समझदारी किन्हें काम करणे वाल़ा होर आपणे आपा पर काबू रखणे वाल़ा हो। होर से एह्ड़ा हो कि दूजे लोक तेसरी इज्जत करदे हो, होर आपणे घरा मन्झ प्रोहणेया रा आदर-खातर करणे वाल़ा, होर परमेसरा रे वचना जो सही ढंगा किन्हें स्खाणे वाल़ा हो।

1 तिमिथियुस 5:11

पर जुआन विधवा रे नांऊँ तेस्सा सूची मन्झ मत लिखदे जिन्हों विस्वासी लोक लगातार मदद करहे, क्यूंकि जेबे तिन्हारी सरीरा री इच्छा बड़ी जाईं होर विधवा हुंदे हुए भी मसीह री सेऊआ करणे री इच्छा तेता रे मुकाबले कम हुई जाईं, ता स्यों दबारा ब्याह करणा चाहीं।

1 तिमिथियुस 5:14

इधी कठे मुंजो ये ठीक लगहा कि, जुआन विधवा ब्याह करी ले; होर बच्चे जणे होर घर-बार संभाले, तेबे दुस्मणा जो तिन्हा जो बदनाम करणे रा मौका नी मिलणा।

1 तिमिथियुस 5:16

अगर केसी विस्वासी बैहणा रे घरा मन्झ कोई विधवा हो, ता सेई तिन्हारी मदद करहे, होर कलीसिया रे विस्वासिया ले मददा रे कठे नी बोले, ताकि कलीसिया रे लोक तिन्हा विधवा री मदद करी सके, जिन्हारी देखभाल करणे रे कठे कोई नी आ।