1 तिमिथियुस 5:7 - मंडयाली नंऊँआं नियम

⁷ सारे विस्वासी लोका जो इन्हा बिधिया रे बारे मन्झ दस, ताकि हर कोई इन्हा जो बेकसूर पाए।

1 तिमिथियुस 5:7 Iomraidhean Croise

फिलिप्पियो 2:15

ताकि तुस्से बेकसूर होर भोले हुई किन्हें संसारा रे टेढ़े होर ढीठ लोका रे बीचा मन्झ परमेसरा रे सिद्ध बच्चे बणी किन्हें रैहया। एस संसारा रे लोका रे बीचा मन्झ आसमाना रे तारे साहीं चमकदे हुए तिन्हो परमेसरा रा बचन सुणाऊआ जो तिन्हो अनंत जिन्दगी देआ।

1 तिमिथियुस 1:3

इफिसुस सैहरा जो छाडी किन्हें मकीदुनिया ईलाके जो जाणे रे टैमा मन्झ जो गल्ला मैं तेरे किन्हें दिला ले बोलिरी थी तेस्सा गल्ला जो हांऊँ दबारा बोली करहा कि, इफिसुस सैहरा मन्झ कुछ लोक एह्ड़े जो गलत उपदेसा जो सखाई करहे, तू तेथी रही किन्हें तिन्हो एह्ड़ा समझा कि स्यों एह्ड़ी गल्ला नी स्खाये।

1 तिमिथियुस 4:11

विस्वासी लोका जो इन्हा गल्ला जो सखा, होर तिन्हो इन्हा गल्ला जो मनणे रा आदेस दे।

1 तिमिथियुस 6:17

एस संसार रे अमीर लोका जो ये आदेस दे कि, स्यों घमंडी नी बणे, होर स्यों धना पर भरोसा नी रखे, जो हमेसा रे कठे नी आ, पर परमेसरा पर ई भरोसा रखे जो आस्सा रे सुखा रे कठे सभ कुछ भरपूरी किन्हें देहां।

2 तिमिथियुस 4:1

जेबे मसीह यीसू राजेया साहीं राज करदे आऊंणा, तेबे तेस जिउंदेया रा होर मरिरे दुहीं रा न्याय करणा। होर इधी कठे परमेसर होर मसीह जो गुआह मनी किन्हें हांऊँ तुजो आदेस देआ,

तितुस 1:13

क्रेते टापू मन्झ रैहणे वाले लोका रे कठे ये गल ऐबे भी सच्ची ई, इधी कठे तिन्हा जो कड़ी चेतावनी देआ कर कि, स्यों यीसू मसीह रे बारे मन्झ सच्चे उपदेसा पर विस्वासा करहे।

तितुस 2:15

इधी कठे हे तितुस, हांऊँ चाहां कि ये गल्ला जो मैं तेरे किन्हें कितिरी क्रेते टापू रे विस्वासी लोका जो सखा, तिन्हो हिम्मत दे कि स्यों इन्हा गल्ला जो इंहां ही करहे, होर जेथी जरूरत ई तिन्हो सुधारे, एह्ड़ा करणे रा तुजो पूरा हक आ। एस गल्ला जो पक्का करी ले कि जो तू सखा, तेता जो कोई बेकार नी जाणे।