1 तिमिथियुस 5:6 - मंडयाली नंऊँआं नियम

⁶ पर जो विधवा आपणा पूरा टैम भोग विलासा मन्झ लाई रखा ई, से एक मरिरे आदमी साहीं, हालांकि तिन्हारा सरीर जिउंदा पर स्यों आत्मिक रूपा ले मरी गईरी।

1 तिमिथियुस 5:6 Iomraidhean Croise

मत्ती 8:22

यीसूए तेस किन्हें बोल्या, “तू मेरे चेला बणने रे कठे मेरे साउगी चल; होर मरिरे या जो आपणे मुर्दे आपु दबाणे दे।”

लूका 12:19

होर तेता ले बाद मां आपणे आपा किन्हें बोलणा, तेरे वाले बौह्त साला रे कठे बौह्त जायदाद रखिरी; अराम कर, खा-पी, सुख चैना किन्हें रैह।’

लूका 15:13

कुछ ध्याड़े रे बाद जेबे छोटे मह्ठे सभ कुछ कठा करी किन्हें एक दूर देसा जो चली गया होर तेथी तिन्हें बुरे कामा मन्झ आपणी सारी जायदाद खर्च करी दिती।

लूका 15:24

क्यूंकि हांऊँ सोच्हा था कि मेरा ये मह्ठा मरी गईरा था, पर से जिउंदा आ: जो गुआही गईरा था, ऐबे से मिली गया; होर स्यों खुसी मणान्दे लगे।”

लूका 15:32

पर ऐबे खुसी मनाणी होर मगन हूंणां चहिए क्यूंकि आस्से सोच्हा ऐं थे कि तेरा ये भाई मरी गईरा था, पर से जिउंदा आ। गुआही गईरा था, पर ऐबे मिली गया।’”

लूका 16:19

“एक अमीर माह्णुं था जो हमेसा कीमती होर बांके कपड़े पैहना था। होर हर रोज राजाओं साहीं बांका खाणा खांहां था।

लूका 7:25

ता फेरी तुस्से क्या देख्दे गईरे थे? जिन्हें मैहंगे कपड़े पैहनीरे थे? नी, जो मैहंगे कपड़े पैन्हां ऐं होर सुख विलासा किन्हें रैंहयां ऐं, स्यों राजमहला मन्झ रैंहयां ऐं।

इफिसियो 2:1

तुस्से पैहले आपणे अपराध होर पापा री वजहा ले मरिरे लोका साहीं थे; परमेसरा ले मिलणे वाली जिदंगी तुस्सा वाले नी थी।

इफिसियो 2:5

जेबे आस्से पापा री वजहा ले मरिरे लोका साहीं थे, ता मानो परमेसरे आस्से मसीह साउगी दबारा जिउंदे किते। परमेसरा रे अनुग्रहा री वजहा ले आस्सा रा उद्धार हुईरा।

इफिसियो 5:14

एस वजहा ले लोक बोल्हे कि, “हे सोणे वाले जागी जा, होर मरिरे या मन्झा ले उठी जा; ता मसीह तुस्सा जो आपणा प्रयासा देणा।”

कुलुस्सियो 2:13

होर परमेसरे तुस्से भी, मसीह साउगी जिउंदा करी दिते, जेबे तुस्से आपणे पापा मन्झ मरिरे थे, होर तुस्सा रे बुरे स्वभावा रा खतना नी हुईरा था। होर परमेसरे आस्सा रे सभ पापा जो माफ कितेया।

2 तिमिथियुस 3:6

इन्हा मन्झ ई कुछ लोक दूजेया रे घरा मन्झ बड़ी जाहें, होर तिन्हा नर्क्कली ज्नानिया जो पूरी तरहा आपणे बसा मन्झ करी लैहां ऐं, जिन्हारा दिल तिन्हारे पापा रे बोझा किन्हें दभिरा होर हर तरहा री इच्छा रे काबू मन्झ ऐं।

याकूब 5:5

धरती पर तुस्सा री जिन्दगी बौह्त मजे वाली रही होर बौह्त सुख भोगेया, एह्ड़ा करी किन्हें तुस्से आपणे आपा जो तेस डांगरे साहीं पाली पोसी किन्हें मोटा तगड़ा करी लईरा जेहड़ा नी जाणदा कि से काटी देणा।

प्रकासना री गल्ला 18:7

तेसरी बडयाई होर भोग विलास ले भरी जिन्दगी री वजहा ले तेस जो तितना ही दुःख होर पीड़ा देआ। से आपणे मना मन्झ बोल्हा ई, ‘मां राणी बणी किन्हें लोका पर राज करणा, होर हांऊँ विधवा नी हाई, होर मुंजो कधी दुःखा नी हूंणा।’

प्रकासना री गल्ला 3:1

तिन्हें मेरे किन्हें ये बोल्या कि, “सरदीस सैहरा री कलीसिया रे दूत जो ये संदेस लिख कि: हांऊँ ई आ जेस वाले परमेसरा री सात आत्मा ई होर जिन्हें आपणे हाथा मन्झ सात तारे लितिरे। हांऊँ तुस्सा किन्हें ये बोल्हा कि: हांऊँ जाणहां कि तू क्या काम करहा, होर तुस्से मेरे पर आपणे विस्वासा जो लेई किन्हें जिउंदे ता सूझा, पर मेरा हुक्म नी मनणे री वजहा ले असली मन्झ तुस्से मरी गईरे।”