1 तिमिथियुस 5:5 - मंडयाली नंऊँआं नियम

⁵ जेस्सा विधवा री देखभाल करणे रे कठे कोई नी हो; से सिर्फ परमेसरा पर आस रख्हा ई, होर राती ध्याड़ी विनती होर प्रार्थना मन्झ लगी रैंहीं कि परमेसर तेस्सा री मदद करहे।

1 तिमिथियुस 5:5 Iomraidhean Croise

लूका 18:1

फेरी एक ध्याड़े यीसूए आपणे चेले जो उदाहरण देई किन्हें बोल्या कियां हमेसा प्रार्थना करणा होर हिम्मत नी छाडणी चहिए।

लूका 18:7

एता कठे क्या परमेसरा आपणे चुणिरे लोका रा न्याय नी चुकाणा, जो राती ध्याड़ी तेसरी दुहाई देहां ऐं, होर क्या तेस तिन्हारे बारे मन्झ देर करणी?

लूका 2:37

हन्नाह चुरासी साला ले एक विधवा री जिन्दगी जिया करहा ई थी; होर तेस्से हमेसा मन्दरा मन्झ रही किन्हें परमेसरा री राती ध्याड़ी अराधना किती, होर से हमेसा ब्रत होर प्रार्थना करदी रैंहयां थी।

चुणिरे चेले रे काम 26:7

तेस्सा वाचा रे पुरे हूंणे री आस लगाए हुए, आस्सा रे बारा गोत्र आपणे सारे मना ले राती ध्याड़ी परमेसरा री अराधना करदे आईरे। हे राजा, एस ई उम्मीदा रे बारे मन्झ यहूदी लोक मुंजो पर इल्जाम ल्गाहें।

चुणिरे चेले रे काम 6:1

तिन्हा ध्याड़े जेबे चेलेया री गिणती बौह्त बढ़दी लगी, ता यूनानी भासा बोलणे वाल़े यहूदी चेले, इब्रानी भासा बोलणे वाल़े यहूदी चेलेया पर बड़बड़ करदे लगे कि, हर रोज जेबे खाणा बांडया जाहाँ, तेबे आस्सा री विधवा रा ख्याल नी रख्या जांदा।

चुणिरे चेले रे काम 9:39

तेबे पतरस उठी किन्हें तिन्हा साउगी चली गया, होर जेबे से पुज्ही गया, ता स्यों तेस जो उपरले कमरे मन्झ लई गये; होर सभ विधवा रोंदी हुई तेस्सा वाले आई किन्हें खड़ी गयी होर जो कुरते होर कपड़े दोरकासे तिन्हा साउगी रैहन्दे हुए बणाईरे थे दसदी लगी।

चुणिरे चेले रे काम 9:41

होर तिन्हें तेस्सा जो आपणा हाथ देई किन्हें उठाया होर परमेसरा रे पवित्र लोक होर विधवा जो सादी किन्हें तेस्सा जो जिउंदी सौंपी दितेया।

रोमियो 1:12

जेबे आस्सा एक दूजे किन्हें मिलणा, ता हांऊँ तुस्सा जो तुस्सा रे विस्वासा मन्झ मजबूत करणा चांहा, पर हांऊँ ये भी चांहा कि तुस्से मुंजो भी मेरे विस्वासा मन्झ मजबूत करो।

रोमियो 1:5

मसीह रे ज्रीए परमेसरे आस्सा जो चुणिरे चेले हूंणे रा सौभाग्य होर हक दितिरा कि आस्से मसीह रे कठे सारे जातिया रे लोका जो ये दसी सके कि परमेसरे तिन्हारे कठे क्या कितिरा। जेसरे ज्रीए स्यों मसीह पर विस्वास करी किन्हें तेसरे हुक्मा जो मने।

1 कुरिन्थियो 7:32

हांऊँ चाहां कि तुस्से संसारा री रोजकी जिन्दगी री फिकरा ले अजाद रहो। कुआरा आदमी प्रभु री सेऊआ रे बारे मन्झ सोच्दा रैंहयां कि से प्रभु जो किहाँ खुस करहे।

1 कुरिन्थियो 7:34

होर इधी कठे से दो गल्ला रे बारे मन्झ सोचदा रैहया, एक तेस जो आपणी लाड़ी जो खुस करणा होर दूजा प्रभु जो खुस करणा। ब्याहिरी होर कुआरी मन्झ भी फर्क आ: कुआरी प्रभु री सेऊआ रे बारे मन्झ सोच्दी रैंहयां ईं, ताकि किहाँ से सरीरा होर आत्मा दुंहीं किन्हें परमेसरा जो खुस करी सके; पर ब्याहिरी ज्नाने, संसारा री चीजा रे बारे मन्झ सोच्दी रैंहयां ईं कि, से आपणे लाड़े जो किहाँ खुस रखे।

इफिसियो 6:18

होर हर टैम होर हर तरहा आस्सो तिहां प्रार्थना होर अर्ज करणी चहिए जिहां पवित्र आत्मा बोल्या। इधी कठे त्यार रैहया कि, तुस्से सभ परमेसरा रे पवित्र लोका रे कठे हमेसा प्रार्थना करदे रहो।

फिलिप्पियो 4:6

केसी भी गल्ला री फिकर नी करा; पर हर एक हालात मन्झ आपणी विनती, प्रार्थना होर अर्ज रे ज्रीए धन्यावादा समेत परमेसरा किन्हें बोल्हा।

1 तिमिथियुस 2:1

सभी गल्ला ले बड़ी किन्हें हांऊँ आपणे दिला ले तुस्सा किन्हें बोलणा चाहां कि, सभ माह्णुंआं रे कठे परमेसरा ले अर्ज होर प्रार्थना होर निवेदन होर धन्यावाद कितेया जाए।

1 तिमिथियुस 5:16

अगर केसी विस्वासी बैहणा रे घरा मन्झ कोई विधवा हो, ता सेई तिन्हारी मदद करहे, होर कलीसिया रे विस्वासिया ले मददा रे कठे नी बोले, ताकि कलीसिया रे लोक तिन्हा विधवा री मदद करी सके, जिन्हारी देखभाल करणे रे कठे कोई नी आ।

1 तिमिथियुस 5:3

तिन्हा विधवा रा आदर कर, जिन्हारी देखभाल रे कठे होर जरूरता जो पूरा करणे रे कठे कोई नी आ।

2 तिमिथियुस 1:3

हांऊँ तेस परमेसरा रा धन्यावाद करहा, जेसरी मैं होर मेरे बापदादे जिन्हारी सेऊआ सुद्ध अंतरात्मा किन्हें कितिरी। राती ध्याड़ी जेबे भी हांऊँ प्रार्थना करहा, ता तुस्सा रे कठे याद करी किन्हें प्रार्थना करहा।

1 पतरस 3:5

होर बौह्त पैहले जो ज्नानिया परमेसरा पर आस रखी थी होर जिन्हों भरोसा था कि तेस आपणे वादे पुरे करणे; स्यों ज्नानिया आपणे आपा जो एस तरहा ही सजाई थी। होर इधी कठे स्यों आपणे लाड़े रे अधीन भी रही थी।