1 तिमिथियुस 5:3 - मंडयाली नंऊँआं नियम

³ तिन्हा विधवा रा आदर कर, जिन्हारी देखभाल रे कठे होर जरूरता जो पूरा करणे रे कठे कोई नी आ।

1 तिमिथियुस 5:3 Iomraidhean Croise

मत्ती 15:6

एस तरहा तुस्से बोल्हे कि तेस जो आपणे माऊ-बापू रा आदर करणे री ज्रूरत नी हाई। इंहां करी किन्हें तुस्से आपणे रूआजा जो मनणे रे कठे ले परमेसरा रा वचन टाल्ली देहां ऐं।

मत्ती 23:13

हे व्यवस्था स्खाणे वाल़े होर फरीसी लोको तुस्से पाखंडी ऐं, तुस्सा जो बौह्त सजा मिलणी! तुस्से माह्णुं रे कठे स्वर्गा रे राजे रे दुराजे बन्द करहा ऐं। तुस्से ना ता आपु ई तेस मन्झ दाखल हुंहाँ ऐं, होर ना तेस मन्झ होरी जो दाखल हूंणां देहां ऐं।

लूका 2:37

हन्नाह चुरासी साला ले एक विधवा री जिन्दगी जिया करहा ई थी; होर तेस्से हमेसा मन्दरा मन्झ रही किन्हें परमेसरा री राती ध्याड़ी अराधना किती, होर से हमेसा ब्रत होर प्रार्थना करदी रैंहयां थी।

लूका 7:12

जेबे से गांऊँआं रे फाटका वाले पुज्हेया, ता लोके एक मरिरे जो अर्थी पर चक्की किन्हें बाहर लई जाया करहा ऐं थे। से आपणी माऊआ रा कल्हा-कल्हा मह्ठा था, होर से जन्नानी एक विधवा थी, होर गांऊँआं रे बौह्त सारे लोक तेस्सा साउगी थे।

यहून्ना 1:47

यीसूए नतनएल जो आपणी तरफ आऊंदे देखी किन्हें तेसरे बारे मन्झ बोल्या, “देखा, ये सच्चे इस्राएल देसा रे लोक आ: एस मन्झ पाखंड नी आ।”

चुणिरे चेले रे काम 6:1

तिन्हा ध्याड़े जेबे चेलेया री गिणती बौह्त बढ़दी लगी, ता यूनानी भासा बोलणे वाल़े यहूदी चेले, इब्रानी भासा बोलणे वाल़े यहूदी चेलेया पर बड़बड़ करदे लगे कि, हर रोज जेबे खाणा बांडया जाहाँ, तेबे आस्सा री विधवा रा ख्याल नी रख्या जांदा।

चुणिरे चेले रे काम 9:39

तेबे पतरस उठी किन्हें तिन्हा साउगी चली गया, होर जेबे से पुज्ही गया, ता स्यों तेस जो उपरले कमरे मन्झ लई गये; होर सभ विधवा रोंदी हुई तेस्सा वाले आई किन्हें खड़ी गयी होर जो कुरते होर कपड़े दोरकासे तिन्हा साउगी रैहन्दे हुए बणाईरे थे दसदी लगी।

चुणिरे चेले रे काम 9:41

होर तिन्हें तेस्सा जो आपणा हाथ देई किन्हें उठाया होर परमेसरा रे पवित्र लोक होर विधवा जो सादी किन्हें तेस्सा जो जिउंदी सौंपी दितेया।

1 थिस्सलुनकियो 2:6

आस्से माह्णुंआं ले आदर नी चाहंदे थे, होर ना तुस्सा ले, होर ना केसी होरी ले, जेब्की मसीह रे चुणिरा चेला हूंणे रे नाते तुस्सा ले मदद लैणी आस्सा रा हक था।

1 तिमिथियुस 5:2

आपणे ले उम्रा मन्झ बडी ज्नानिया किन्हें आपणी माऊआ साहीं बर्ताव कर; होर तुस्सा ले कम उम्रा वाल़ेया किन्हें आपणी बैहणा साहीं बर्ताव कर। एह्ड़ा तू एक पवित्र मना किन्हें कर।

याकूब 1:27

आस्सा रे बापू परमेसरा रे साम्हणें सच्ची होर सुद्ध भक्ति येई कि, अनाथा होर विधवा रे दुःखा मन्झ तिन्हारा ख्याल रखे, होर संसारा मन्झ हूंणे वाले बुरे कामा ले आपणे आपा जो दूर रखा।

1 पतरस 2:17

सभिरा आदर करा, सारे विस्वासी भाई बैहणा किन्हें प्यार रखा, परमेसरा ले डरा, राजे री इज्जत करा।

1 पतरस 3:7

तिहां ईं हे लाड़ेयो, तुस्से भी आपणी-आपणी लाड़ीया साउगी बड़ी समझदारी किन्हें जिन्दगी बिताऊआ। याद रखा की स्यों तुस्सा ले कमजोर ईं, इधी कठे तिन्हारी इज्जत करा, क्यूंकि तुस्से दुहें तेस अनंत जिन्दगी रे दान रे साझीदार हो, जो परमेसरे बड़े अनुग्रहा किन्हें दितिरा। एह्ड़ा इधी कठे करहा की जेबे तुस्से दुहें प्रार्थना करहे ता परमेसर तुस्सा री सुणी ले।