1 तिमिथियुस 5:23 - मंडयाली नंऊँआं नियम

²³ तू सिर्फ पाणी मत पी, पर आपणे पेटा रे होर आपणे बार-बार ब्मार हूंणे री वजहा ले थोह्ड़ा-थोह्ड़ा अंगूरा रा रस भी इस्तेमाल करेया कर।

1 तिमिथियुस 5:23 Iomraidhean Croise

चुणिरे चेले रे काम 18:5

जेबे सिलास होर तिमिथियुस मकीदुनिया ईलाके ले आये, ता पौलुसे आपणा काम धंधा बंद करी दितेया होर बचना रे प्रचारा मन्झ लगी रैंहयां था, से यहूदी लोका जो गुआही देई किन्हें साबित करहा था कि यीसू ई मसीह आ।

इफिसियो 5:18

होर सराब पी किन्हें मुताली मत जाऊआ, क्यूंकि एता ले तुस्सा बेसरमा साहीं लुचपन करणे मन्झ पई जाणा, एता रे बजाय पवित्र आत्मा किन्हें भरी जाऊआ।

1 तिमिथियुस 3:3

से दारुबाज या मारपीट करणे वाल़ा नी हो; बल्की दूजेया पर दया करणे वाल़ा हो। होर ना झगड़ा करणे वाल़ा हो होर ना पैसे रा लालच करणे वाल़ा हो।

1 तिमिथियुस 3:8

कलीसिया रे अगुवे साहीं कलीसिया रे सेऊआदार भी एह्ड़े लोक हो जिन्हारी लोक इज्जत करदे हो, होर जो कुछ स्यों बोलदे हो तेता मन्झ इमानदार हो, सराबी होर दूजेया जो धोखा देई किन्हें पैसे कमाणे वाले नी हो।

1 तिमिथियुस 4:4

क्यूंकि परमेसरा री रचिरी हर एक चीज खरी ई; होर आस्से कुछ भी खाई सके, पर सिर्फ इतना हो कि स्यों चीजा परमेसरा जो धन्यावाद देई किन्हें खाई जाए।

तितुस 1:7

होर एक कलीसिया रा अगुवा परमेसरा रा भंडारी हूंणे री वजहा ले बेकसूर हूंणां चहिए; ना हठी, ना गुस्सा करणे वाल़ा, ना दारुबाज, ना मारपीट करणे वाल़ा हो, होर ना दूजेया जो धोखा देई किन्हें पैसे कमाणे री इच्छा रखदा हो।

तितुस 2:3

इंहां ही खपरी ज्नानिया रा स्वभाव भी पवित्र लोका साहीं हो। दूजेया जो बदनाम करणे वाली नी हो, होर ना सराबी नी हो; पर दूजेया जो खरा काम करणे रे कठे स्खाणे वाली हो।