1 तिमिथियुस 5:13 - मंडयाली नंऊँआं नियम

¹³ होर एता साउगी-साउगी स्यों घर-घर फिरि किन्हें आलसी हूंणां सीखी जाहीं, होर सिर्फ आलसी ई नी, पर दूजेया रे बारे मन्झ गलांण करी, होर दूजेया रे कामा मन्झ टांग अड़ाई होर एह्ड़ी गल्ला बोल्हा ई जो तिन्हा जो नी बोलणी चहिए।

1 तिमिथियुस 5:13 Iomraidhean Croise

लूका 10:7

तेस घरा मन्झ ई रहुआ, होर जो कुछ तिन्हा ले मिले, सेई खाऊआ पिऊआ, क्यूंकि मजदूरा जो आपणी मजदूरी मिलणी चहिए। होर एक घरा ले दूजे घरा मत फिरदे।

चुणिरे चेले रे काम 20:20

होर जो-जो गल्ला तुस्सा रे फायदे री ई थी, तिन्हा जो दसणे होर लोका रे साम्हणें होर घरा-घरा जाई किन्हें सिखाणे ले कधी नी झिझ्केया।

चुणिरे चेले रे काम 20:30

तुस्से जे विस्वासी ऐं तुस्सा रे बीचा मन्झा ले भी एह्ड़े-एह्ड़े टेढ़े लोक उठणे, जिन्हा विस्वासिया जो आपणा चेला बनाणे रे कठे चलाकी वाली गल्ला करणी।

1 तिमिथियुस 5:12

होर दबारा ब्याह करणे ले परमेसरा तिन्हारा न्याय करणा, क्यूंकि तिन्हें आपणा पैहल्के वादे जो यानि दबारा ब्याह नी करणे रे वादे जो पूरा नी कितेया।

तितुस 1:11

इन्हारा मुंह बन्द करणा चहिए; कि ये लोक एह्ड़ा नी स्खायें, क्यूंकि जेबे स्यों एह्ड़ा स्खायें, ता स्यों सभ परिवारा रे विस्वासा जो बगाड़ी दे। स्यों पैसे कमाणे रे कठे एह्ड़ा स्खायें।

याकूब 3:10

एक ई मुंहा ले धन्यावाद होर स्राप दोन्हो निकल्हा ऐं। हे भाईयो होर बैहणो, एह्ड़ा नी हूंणां चहिए।

1 पतरस 4:15

तुस्सा मन्झा ले कोई आदमी हत्यारा या चोर, या बुरे काम करणे वाल़ा, या दूजे रे कामा मन्झ हाथ पाणे री वजहा ले दुःख नी सहे।

3 यहून्ना 1:10

इधी कठे जेबे मां आऊंणा ता मां कलीसिया रे लोका किन्हें सीधे गल करणी कि से क्या करी करहा। से आस्सा पर झूठा दोस लगा कि आस्से बुरे काम करहा ऐं। इतना ही नी से सफर करी किन्हें खुसी री खबरा रा प्रचार करणे वाले विस्वासी लोका रा स्वागत भी नी करदा, होर से तिन्हा लोका जो कलीसिया री सभा ले बाहर काढी देआ।