1 तिमिथियुस 5:12 - मंडयाली नंऊँआं नियम

¹² होर दबारा ब्याह करणे ले परमेसरा तिन्हारा न्याय करणा, क्यूंकि तिन्हें आपणा पैहल्के वादे जो यानि दबारा ब्याह नी करणे रे वादे जो पूरा नी कितेया।

1 तिमिथियुस 5:12 Iomraidhean Croise

1 कुरिन्थियो 11:34

अगर कोई भूखा हो, ता से आपणे घरा ई खाई ले, ताकि जेबे तुस्से कठे हो ता तुस्से सब कुछ खरे ढंगा किन्हें करहा, ताकि परमेसर तुस्सा जो सजा नी दे। होर बाकि गल्ला रे बारे मन्झ जो तुस्से लिखिरा था, स्यों मां तेथी आई किन्हें समझाई देणी।

गलातियो 1:6

मुंजो हरानी एस गल्ला री कि जिन्हें परमेसरे तुस्से आपणे लोक हूंणे रे कठे मसीह रे अनुग्रह रे ज्रीए सादे, तुस्से इतनी जल्दी तेस परमेसरा ले दूर हुई गये, होर “कोई दूजे उपदेसा” जो मनदे लगे जेस जो कुछ लोक खुसी री खबर बोल्हे।

1 तिमिथियुस 5:11

पर जुआन विधवा रे नांऊँ तेस्सा सूची मन्झ मत लिखदे जिन्हों विस्वासी लोक लगातार मदद करहे, क्यूंकि जेबे तिन्हारी सरीरा री इच्छा बड़ी जाईं होर विधवा हुंदे हुए भी मसीह री सेऊआ करणे री इच्छा तेता रे मुकाबले कम हुई जाईं, ता स्यों दबारा ब्याह करणा चाहीं।

1 तिमिथियुस 5:13

होर एता साउगी-साउगी स्यों घर-घर फिरि किन्हें आलसी हूंणां सीखी जाहीं, होर सिर्फ आलसी ई नी, पर दूजेया रे बारे मन्झ गलांण करी, होर दूजेया रे कामा मन्झ टांग अड़ाई होर एह्ड़ी गल्ला बोल्हा ई जो तिन्हा जो नी बोलणी चहिए।

याकूब 3:1

हे भाईयो होर बैहणो, कलीसिया मन्झ तुस्सा मन्झा ले बौह्त उपदेसक देख्या बणदे, क्यूंकि तुस्से जाणहां ऐं कि, आस्से जो उपदेसक ऐं आस्सा रा होरी ले भी ज्यादा सख्ती किन्हें न्याय कितेया जाणा।

1 पतरस 4:17

परमेसरा रा न्याय करणे रा टैम आई गईरा, पैहले आस्सा विस्वासी लोका रा न्याय हूंणा। जेब्की परमेसरा पैहले आस्सा विस्वासी लोका रा न्याय करणा ता तिन्हा लोका पर आऊणें वाली खरतनाक गल्ला रे बारे मन्झ सोचा, जो परमेसरा री दितिरी खुसी री खबरा जो नी मन्नदे।