1 तिमिथियुस 5:11 - मंडयाली नंऊँआं नियम

¹¹ पर जुआन विधवा रे नांऊँ तेस्सा सूची मन्झ मत लिखदे जिन्हों विस्वासी लोक लगातार मदद करहे, क्यूंकि जेबे तिन्हारी सरीरा री इच्छा बड़ी जाईं होर विधवा हुंदे हुए भी मसीह री सेऊआ करणे री इच्छा तेता रे मुकाबले कम हुई जाईं, ता स्यों दबारा ब्याह करणा चाहीं।

1 तिमिथियुस 5:11 Iomraidhean Croise

1 तिमिथियुस 4:3

स्यों स्खायें कि लोक ब्याह नी करहे, होर स्यों खाणे पीणे री चीजा ले भी रोक्हा ऐ। पर परमेसरे युयां चीजा तिन्हा विस्वासी लोका रे कठे बणाईरी, जो सच्चे उपदेसा जो जाणांहे कि, स्यों प्रार्थना करी किन्हें धन्यावादा रे साउगी इन्हा चीजा जो खाई सके।

1 तिमिथियुस 5:12

होर दबारा ब्याह करणे ले परमेसरा तिन्हारा न्याय करणा, क्यूंकि तिन्हें आपणा पैहल्के वादे जो यानि दबारा ब्याह नी करणे रे वादे जो पूरा नी कितेया।

1 तिमिथियुस 5:14

इधी कठे मुंजो ये ठीक लगहा कि, जुआन विधवा ब्याह करी ले; होर बच्चे जणे होर घर-बार संभाले, तेबे दुस्मणा जो तिन्हा जो बदनाम करणे रा मौका नी मिलणा।

1 तिमिथियुस 5:9

विधवा जनानिया रे नांऊँआ री सूची मन्झ, जिन्हों विस्वासी लोक लगातार मदद करहे, तेता मन्झ सिर्फ तिन्हा विधवा रे नाऊँ लिखे जाये, जो साठ साला री उम्रा ले ज्यादा हो, होर जेसरा एक ई लाड़ा हो।

याकूब 5:5

धरती पर तुस्सा री जिन्दगी बौह्त मजे वाली रही होर बौह्त सुख भोगेया, एह्ड़ा करी किन्हें तुस्से आपणे आपा जो तेस डांगरे साहीं पाली पोसी किन्हें मोटा तगड़ा करी लईरा जेहड़ा नी जाणदा कि से काटी देणा।

2 पतरस 2:18

जेबे स्यों लोको स्खायें, स्यों बेकार होर बडयाई री गल्ला जो बोल्हे। स्यों बोल्हे कि स्यों आपणी सरीरा री इच्छा रे मताबक बेज्जत करणे वाली सारी गल्ला जो करही सक्हा ऐं। होर जिन्हें लोके ऐबे-ऐबे बुरे काम करणा छाडी किन्हें विस्वासी बणिरे, स्यों तिन्हा जो धोखा देई किन्हें वापस पाप करणे रे कठे हिम्मत दे।

प्रकासना री गल्ला 18:7

तेसरी बडयाई होर भोग विलास ले भरी जिन्दगी री वजहा ले तेस जो तितना ही दुःख होर पीड़ा देआ। से आपणे मना मन्झ बोल्हा ई, ‘मां राणी बणी किन्हें लोका पर राज करणा, होर हांऊँ विधवा नी हाई, होर मुंजो कधी दुःखा नी हूंणा।’

प्रकासना री गल्ला 18:9

“धरती रे राजा जिन्हें तेस्सा साउगी व्यभिचार होर भोग विलास कितिरा, जेबे तिन्हें देखेया कि से आगी रे धुएँ किन्हें फुखदी लगिरी, ता तिन्हा छाती पिटी-पिटी किन्हें रोणा, होर तेस्सा रे कठे मातम बनाणा।