1 तिमिथियुस 5:10 - मंडयाली नंऊँआं नियम

¹⁰ होर दूजे लोक तिन्हारे बारे मन्झ ये बोलदे हो कि तेस्से हमेसा भले काम कितिरे, जिहां कि तेस्से आपणे बच्चे रा पालन पोसण खरे किन्हें कितिरा। सफर करणे वाले विस्वासी लोका जो आपणे घरा मन्झ सादी किन्हें तिन्हारी आदर-खातर कितिरा, तिन्हें परमेसरा रे पवित्र लोका री बड़ी नम्रता किन्हें सेऊआदारा साहीं तिन्हारी सेऊआ कितिरी, जो लोक दुखा मन्झ थे तिन्हारी मदद कितिरी। होर तिन्हें हर एक भले कामा जो मन ल्गाईरा किन्हें कितिरा।

1 तिमिथियुस 5:10 Iomraidhean Croise

मत्ती 25:17

इंहां ईं जेस जो दो मिलिरे थे, तिन्हें भी दो होर कमाए।

मत्ती 5:16

इंहां करी किन्हें तुस्सा रा जीवन प्रयासा साहीं ऐं माह्णुं रे साम्हणें चम्के ताकि स्यों तुस्सा रे भले कामा जो देखी किन्हें तुस्सा रे बापू री जो स्वर्गा मन्झ आ, बड़ाई करहे।

लूका 7:38

होर आई किन्हें यीसू रे पीछे खड़ी हुई गई, होर रोंदे हुए तेसरे पैरा जो आपणी हाखिया रे पाणी किन्हें सग्दी होर आपणे मूंडा रे बाला किन्हें पुन्झ्दी लगी। होर तेस्से तेसरे पैर बार-बार चूमी किन्हें पैरा गास इत्र मल्या।

लूका 7:44

होर यीसूए तेस्सा ज्नाने री तरफा मुड़ी किन्हें समौना किन्हें बोल्या, “क्या तू देखा कि एस्से ज्नाने क्या कितेया? हांऊँ तेरे घरा मन्झ आया पर आस्सा रे रुआजा रे मताबक तैं मेरे पैरा धोणे रे कठे पाणी नी दितेया। पर एस्से जन्नाने मेरे पैर हाखिया रे आंसू किन्हें सगे, होर आपणे बाला किन्हें पुन्झे।”

चुणिरे चेले रे काम 10:22

तिन्हें जवाब दितेया, “कुरनेलियुस सूबेदार जो धर्मी होर परमेसरा ले डरने वाल़ा एक भक्त माह्णुंआं होर हरेक जो तेसरे बारे मन्झ जाणहां ऐं स्यों तेस जो एक नेक माह्णुं समझ्हा ऐं। यहूदी लोका मन्झ तेसरी बड़ी इज्जत ई; तिन्हें एक पवित्र स्वर्गदूता ले एक चेतावनी पाईरी कि, तुजो आपणे घरा सादी किन्हें तुध ले बचन सुणे।”

चुणिरे चेले रे काम 22:12

दमिस्क सैहरा मन्झ हनन्याह नांऊँआं रा एक आदमी था, जो मूसा री व्यवस्था रा पालन करणे वाल़ा होर परमेसरा रा डर मनणे वाल़ा माह्णुं था। जो तेथी रे रैहणे वाले सभ यहूदी लोका मन्झ इज्जतदार था।

चुणिरे चेले रे काम 6:3

इधी कठे हे भाईयो बैहणो, आपणे मन्झा ले सात खरे आदमिया जो, जो पवित्र आत्मा होर बुद्धि किन्हें भर्हिरे हो, चुणी लऊआ कि, आस्से तिन्हा जो एस कामा पर ल्गाई दे।

चुणिरे चेले रे काम 9:36

याफा सैहरा मन्झ एक तबीता (जेस्सा जो यूनानी भासा दोरकास बोल्हे) नांऊँआं री एक विस्वासण रैंहयां ईं थी। से बौह्त सारे भले-भले काम होर गरीबा जो दान देहां ईं थी।

चुणिरे चेले रे काम 9:39

तेबे पतरस उठी किन्हें तिन्हा साउगी चली गया, होर जेबे से पुज्ही गया, ता स्यों तेस जो उपरले कमरे मन्झ लई गये; होर सभ विधवा रोंदी हुई तेस्सा वाले आई किन्हें खड़ी गयी होर जो कुरते होर कपड़े दोरकासे तिन्हा साउगी रैहन्दे हुए बणाईरे थे दसदी लगी।

रोमियो 12:13

परमेसरा रे पवित्र लोका जो जिन्हा चीजा री कमी हो, तेता जो पूरी करणे मन्झ तिन्हारी मदद करा; अजनबीया रा आदर-खातर करणे मन्झ लगी रैहया।

इफिसियो 2:10

क्यूंकि आस्से परमेसरा रे हाथा री सभी ले बढ़िया रचना ई; होर मसीह यीसू साउगी एक हूंणे री वजहा ले आस्से भले काम करणे रे कठे बणाये गईरे, जिन्हा जो परमेसरे पैहले ले आस्सा रे करणे रे कठे त्यार कितिरा।

कुलुस्सियो 1:10

ताकि तुस्से परमेसरा री इच्छा रे मताबक आपणी जिन्दगी जी सको। तेबे तुस्सा हर गल्ला मन्झ प्रभु खुस करणा। जेस ले तुस्सा हमेसा हर किस्मा रे भले काम करी सको, होर तुस्से हमेसा परमेसरा जो जाणने मन्झ बढ़दे जाओ।

1 तिमिथियुस 2:10

रे बजाय, दूजे लोका रे कठे खरे काम करी किन्हें आपणे आपा जो जचाणा तिन्हारे कठे खरा आ।

1 तिमिथियुस 3:2

होर इधी कठे ये जरूरी आ कि कलीसिया रे अगुवे वाले ये सारे गुण हो-कि से बेकसूर हो, होर तेसरी एक ई लाड़ी हो, होर समझदारी किन्हें काम करणे वाल़ा होर आपणे आपा पर काबू रखणे वाल़ा हो। होर से एह्ड़ा हो कि दूजे लोक तेसरी इज्जत करदे हो, होर आपणे घरा मन्झ प्रोहणेया रा आदर-खातर करणे वाल़ा, होर परमेसरा रे वचना जो सही ढंगा किन्हें स्खाणे वाल़ा हो।

1 तिमिथियुस 3:7

होर कलीसिया रे बाहरवाले मन्झ भी तेसरा नाम खरा हो, केते एह्ड़ा नी हो कि लोक तेसरे बारे मन्झ बुरी गल्ला करहे होर सैतान तेस जो फसाई ले।

1 तिमिथियुस 5:16

अगर केसी विस्वासी बैहणा रे घरा मन्झ कोई विधवा हो, ता सेई तिन्हारी मदद करहे, होर कलीसिया रे विस्वासिया ले मददा रे कठे नी बोले, ताकि कलीसिया रे लोक तिन्हा विधवा री मदद करी सके, जिन्हारी देखभाल करणे रे कठे कोई नी आ।

1 तिमिथियुस 5:25

तिहां ईं जेबे कोई भला काम करहा ता सभी लोका जो जल्दी सूझी जाहाँ। होर भले ही स्यों एक बारी मन्झ नी सूझे, पर मजे-मजे सभ लोक इन्हा गल्ला जो पछयाणी ले।

1 तिमिथियुस 6:18

होर तिन्हा किन्हें बोला कि स्यों भलाई करहे, होर बौह्त सारे भले काम करहे, होर दूजेया जो जेस भी चीजा री जरूरत हो तेस जो उदारता किन्हें बांडी दे।

2 तिमिथियुस 1:5

तेरी माऊ युनिके रे अंदर जो भरपूर विस्वास था से मुंजो याद आ, होर तेरी नानी लोईस रा भी तेह्ड़ा विस्वास था। होर मुंजो भरोसा आ कि सेई भरपूर विस्वास तेरे मन्झ भी हाया।

2 तिमिथियुस 2:21

एस तरीके किन्हें जो कोई विस्वासी आपणे आपा जो इन्हा बुरी गल्ला ले दूर रखा, ता से तेस कीमती भांडे साहीं हूंणा जो खास कामा रे कठे हुआ, जेसरा जिन्दगी पवित्र हुंगी; होर तेस आपणे माल्का रे काम आऊंणा, होर हर भले कामा रे कठे त्यार हूंणां।

2 तिमिथियुस 3:15

होर जेबे तू एक बच्चा ई था ता तैं पवित्र सास्त्रा जो सिख्या, जो तुस्सा री एस गल्ला जो समझणे मन्झ मदद करहा कि, जेबे तुस्से मसीह यीसू पर विस्वास करहे, ता परमेसर तुस्सा रा उद्धार करहा।

2 तिमिथियुस 3:17

ताकि परमेसरा रे लोक हर भले काम करणे रे कठे त्यार हुई जाये, होर सिद्ध बणी जाये।

तितुस 2:14

इन्हें यीसू मसीहे आपणे आपा जो आस्सा रे कठे बलिदान करी दितेया, ताकि आस्सा जो हर किस्मा रे पापा ले छुड़ाई ले; होर आस्सो सुद्ध करी दे ताकि आस्से तेसरे खास लोक बणी जाये जो खरे काम करणे री बड़ी इच्छा रखे।

तितुस 2:7

होर हर गल्ला मन्झ आपणे भले कामा रा उदाहरण दे कि दूजे लोक भी तुस्सा जो देखी किन्हें आपणे आपा जो बदली दे, जेबे तू विस्वासी लोका जो परमेसरा रे बारे मन्झ सखाई करहा ता खरे मकसद साउगी सखा, जेता ले स्यों तुस्सा री इज्जत करहे।

तितुस 3:1

विस्वासी लोका जो याद दिलाया कर कि, हाकमा होर अधिकारिया री इज्जत करहा, होर तिन्हारे अधीन रेहा, होर दूजे कठे खरे काम करणे रे कठे त्यार रैहया।

तितुस 3:14

इतना ही नी पर विस्वासी लोका जो ये भी स्खान्दे रैहया कि स्यों दूजेया री ज्रूरता जो पूरा करणे रे कठे खरे कामा मन्झ हमेसा लगे रैंहे। एह्ड़ा करणे ले तिन्हारी जिन्दगी बेकार नी हूणीं।

तितुस 3:8

ये जो कुछ मैं ऐबे तुस्सा जो लिखिरा ये भरोसे करणे रे लायक गल्ला ई, हांऊँ ये चाहां कि तू इन्हा गल्ला रे बारे मन्झ मजबूती किन्हें विस्वासी लोका जो सखा, इधी कठे कि जिन्हें लोके परमेसरा पर विस्वास कितिरा, स्यों आपणा ध्यान भले काम करणे रे मन्झ लगाई रखे। ये सखाईरी गल्ला सब लोका रे कठे खरी होर फायदेमंद ई।

इब्रानियो 10:24

आस्से एस गल्ला रा ध्यान रखे कि आस्से एक दूजे किन्हें प्यार करणे रे कठे होर खरे कामा करणे रे कठे एक दूजे जो हिम्मत दे।

इब्रानियो 13:2

अजनबीया रा भी आदर-खातर करहा, क्यूंकि एह्ड़ा करदे हुए कई लोके अनजाणे मन्झ स्वर्गदूता रा आदर-खातर कितेया।

1 पतरस 2:12

तुस्सा रे ओरे परे रैहणे वाले लोक जो परमेसरा पर विस्वास नी करदे बोली सके कि तुस्सा रे काम बुरे। एह्ड़ी खरी जिन्दगी जीया ताकि स्यों तुस्सा रे भले कामा जो देखी किन्हें मसीह रे दबारा वापस आऊणें रे ध्याड़े परमेसरा जो महिमा दे।

1 पतरस 4:9

बगैर केसी सिकायत किन्हें तुस्सा रे घरा मन्झ आईरे मैहमाना री आदर-खातर करहा।

3 यहून्ना 1:12

कलीसिया रे सभ लोक बोल्हे कि दिमेत्रियुस एक खरा आदमी आ क्यूंकि से सच्चाई रे मताबक जिया होर आस्से भी बोल्हे की से एक खरा माह्णुं आ; होर तू जाणहां कि आस्से जो बोल्या करहे से सच्च आ।