1 तिमिथियुस 5:1 - मंडयाली नंऊँआं नियम

¹ आपणे ले उम्रा मन्झ बड़े आदमी जो बेज्जत करणे रे कठे मत प्रुआच; पर तेस जो आपणा बापू समझी किन्हें समझाई दे, होर आपणे ले कम उम्रा वाले किन्हें आपणा भाई साहीं बर्ताव कर।

1 तिमिथियुस 5:1 Iomraidhean Croise

मत्ती 23:8

पर, तुस्से गुरु देख्या बणदे, क्यूंकि तुस्सा रा एक ई गुरु आ: होर तुस्से सारे भाई बैहण एक ऐं।

चुणिरे चेले रे काम 14:23

होर तिन्हें हर एक कलीसिया मन्झ तिन्हारे कठे कलीसिया रे अगुवे नियुक्त किते, होर ब्रता साउगी प्रार्थना करी किन्हें, तिन्हा जो प्रभु रे हवाले सौम्पेया जेस पर जे तिन्हें विस्वास कितेया था।

चुणिरे चेले रे काम 15:4

जेबे यरुस्लेम सैहरा मन्झ पौहुंचे, ता कलीसिया होर चुणिरे चेले होर कलीसिया रे अगुवे तिन्हा किन्हें खुसी साउगी मिले, होर पौलुस होर बरनबासे दसेया कि परमेसरे तिन्हा साउगी केह्ड़े-केह्ड़े काम किते थे।

चुणिरे चेले रे काम 15:6

तेबे चुणिरे चेले होर कलीसिया रे अगुवे एस गल्ला रे बारे मन्झ विचार करणे रे कठे, कठे हुए।

चुणिरे चेले रे काम 20:17

होर तिन्हें मीलेतुस सैहरा मन्झ पूजी किन्हें ले इफिसुस सैहरा रे कलीसिया रे अगुवे जो संदेस भेजेया होर सादे।

रोमियो 13:7

इधी कठे हर केसी जो जितना तिन्हारा हक आ, तितना देणा जरूरी आ, होर सब प्रकारा रे करा जो भरी देआ; होर तिन्हा अधिकारिया रा डर मनी किन्हें तिन्हारा आदर करा।

गलातियो 6:1

हे भाईयो होर बैहणो, तुस्से जो आपणी जिन्दगी आत्मा रे मताबक जीये, अगर ये पता चले कि कोई विस्वासी अपराध मन्झ पखड़ी गईरा, ता बड़ी नम्रता साउगी तेस जो सही रस्ते पर आऊणें रे कठे तेसरी मदद करहा। होर आपणी भी चौकसी करा कि, तुस्से आपु भी एह्ड़ी परीक्सा मन्झ नी पई जाए।

1 तिमिथियुस 5:17

जो कलीसिया रे अगुवा आपणा सारा काम खरे ढंगा किन्हें करदा हो, खास करी किन्हें जो परमेसरा रे बचना जो सुनाणे होर स्खाणे रे कठे मैहनत करहा हो, स्यों आदर होर पूरी मजदूरी, इन्हा दुहीं जो पाणे रे लायक समझे जाएं।

1 तिमिथियुस 5:2

आपणे ले उम्रा मन्झ बडी ज्नानिया किन्हें आपणी माऊआ साहीं बर्ताव कर; होर तुस्सा ले कम उम्रा वाल़ेया किन्हें आपणी बैहणा साहीं बर्ताव कर। एह्ड़ा तू एक पवित्र मना किन्हें कर।

तितुस 2:2

खपरे आदमिया जो सखाया कि स्यों आपणे आपा पर काबू रखे होर तिन्हारा स्वभाव एह्ड़ा हो कि सब तिन्हारी इज्जत करहे, होर समझदारी किन्हें काम करणे वाले हो। परमेसरा पर मजबूत विस्वास करणे वाले, दूजेया किन्हें सच्चा प्यार करणे वाले होर सभ गल्ला मन्झ धीरज रखणे वाले हो।

तितुस 2:6

होर इंहां ही जुआना ले अर्ज करा कि स्यों आपणे आपा पर काबू रखी सके।

याकूब 3:17

पर जो ज्ञान परमेसर देआ से पैहले ता पवित्र हुंहाँ, फेरी सांति फैलाणे वाल़ा, कोमल होर विचारसील होर दया होर भले कामा किन्हें भरीरा होर तेस मन्झ पाखंडा होर कपट नी हुंदा।

याकूब 5:14

अगर तुस्सा मन्झ कोई ब्मार हो, ता कलीसिया रे अगुवे जो सादे होर स्यों प्रभु रे नांऊँआं ले तेल मली किन्हें तेसरे कठे प्रार्थना करहे।

1 पतरस 5:1

एक होर गल ई जो हांऊँ तुस्सा लोका किन्हें यानि कलीसिया रे अगुवे किन्हें बोलणा चाहां, क्यूंकि हांऊँ भी तिन्हा साहीं एक कलीसिया रा अगुवा। मैं आपु स्यों दुःख देखिरे जो मसीहे बौह्त पैहले काटीरे। जेबे तेस दबारा वापस आऊंणा मां तेसरी महिमा रा भी साझीदार बणना। तुस्सा साहीं अगुवा हूंणे रे नाते हांऊँ तुस्सा किन्हें अर्ज करहा,

2 यहून्ना 1:1

हांऊँ यहून्ना एस्सा चिठ्ठी जो लिख्दा लगिरा। हांऊँ कलीसिया रा अगुवा आ। हांऊँ ये चिठ्ठी परमेसरा री चुणिरी तेस्सा बैहणा रे कठे होर तेस्सा रे बच्चे रे कठे लिख्या करहा। हांऊँ तुस्सा सभी किन्हें सच्चे प्यार रखा, हांऊँ ही नी स्यों सब लोक भी तुस्सा किन्हें प्यार रखे, जो सच्चाई जो जाणांहे।

3 यहून्ना 1:1

हांऊँ यहून्ना एस्सा चिठ्ठी जो लिख्दा लगिरा। हांऊँ कलीसिया रा अगुवा आ। होर हांऊँ ये चिठ्ठी आपणे लाडले दोस्त गयुसा रे कठे लिखी करहा, जेस जो हांऊँ सच्चा प्यार करहा।

प्रकासना री गल्ला 4:4

होर तेस्सा राजगद्दी रे चारो वखा जो दूजी चौबी राजगद्दिया थी; होर इन्हा राजगद्दिया पर चौबी अगुवे चिटे कपड़े पैन्ही किन्हें बैठिरे थे। होर तिन्हारे मूंडा पर सोने रा ताज था।