1 तिमिथियुस 4:8 - मंडयाली नंऊँआं नियम

⁸ क्यूंकि सारीरिक व्यायाम ले थोह्ड़ा ई फायदा हुंहाँ, पर भक्ति सभ गल्ला रे कठे फायदेमंद ई, क्यूंकि एस जिन्दगी मन्झ होर आऊणें वाले जिन्दगी मन्झ भी परमेसरा री वादा कितिरी जिन्दगी तुस्सा जो मिलाईं।

1 तिमिथियुस 4:8 Iomraidhean Croise

मत्ती 12:32

जो कोई माह्णुं रे मह्ठे रे बारे मन्झ कोई गल बोल्घा, तेसरा ये अपराध माफ कितेया जाणा, पर जो कोई पवित्र आत्मा रे बरखलाफ मन्झ कुछ बोल्घा, तेसरा अपराध ना ता एस लोका मन्झ होर ना परलोका मन्झ माफ कितेया जाणा।”

मत्ती 19:29

होर जेस केसिए घर-बार या भाई-बैहण या माऊ-बापू या बाल बच्चे या डोर्हीया मेरे चेले हूंणे रे नाते छाडी दितिरे, तिन्हा जो सौ गुणा मिलणा, होर तेस अनंत जिन्दगी रा अधिकारी हूंणां।

मत्ती 6:33

पर सभ गल्ला ले पैहले तुस्से परमेसरा रे राज्या री होर तेसरी धार्मिकता जो तोप्हा, ता तेस ये सारी चीजा तुस्सा जो देणी जेता री तुस्सा जो ज्रूरत ई।

मरकुस 10:30

तिन्हा जो एस युगा मन्झ घर-बार होर भाई-बैहण होर माऊ, बाल-बच्चे होर जमीन, सौ गुणा वापस मिलणे। हलांकि मेरे चेले हूंणे री वजहा ले एस संसारा मन्झ रैहन्दे हुए स्यों स्ताए जाणे, आऊणें वाले युगा मन्झ तिन्हा जो अनंत जिन्दगी मिलणी।

लूका 5:38

पर नंऊँआं अंगूरा रा रस नौंईं चामड़े रे थैलूया मन्झ भरणा चहिए।

रोमियो 8:28

होर आस्से जाणहां ऐं कि जो लोक परमेसरा किन्हें प्यार रख्हा ऐं, होर जो परमेसरा री इच्छा रे मताबक चुणिरे तिन्हारे कठे सब गल्ला मिली किन्हें भलाई पैदा करहा ई।

1 कुरिन्थियो 8:8

पर खाणा आस्सा जो परमेसरा रे नेडे नी पुजान्दा, अगर आस्से नी खान्घे, ता तेता ले आस्से परमेसरा जो कम खुस नी करदे, होर अगर खाई भी ले, तेबे बी परमेसरा री नजरा मन्झ आस्से कुछ खास नी बणदे।

1 तिमिथियुस 4:7

मन घड़न्त होर नर्क्कली काह्णियां रे कठे आपणा टैम बर्बाद नी करा, जेता ले जे परमेसरा जो इज्जत नी मिल्दी; होर भक्ति री जिन्दगी जीणे रे कठे आपणे आपा जो लगातार कोसिस करदा रेह।

1 तिमिथियुस 6:3

अगर कोई गलत उपदेसा जो सखा; होर आस्सा रे प्रभु यीसू मसीह रे दितिरे सही उपदेस होर परमेसरा री भक्ति री बिधिया ले राजी नी हुंदा,

1 तिमिथियुस 6:5

एह्ड़े माह्णुंआं हमेसा एक दूजे किन्हें लड़ने मन्झ लगी रैहया, होर तिन्हारी बुद्धि खराब हुई गईरी। होर ऐबे स्यों कधी नी समझी सकदे कि सच्चाई क्या ई। स्यों समझे कि परमेसरा री सेऊआ करणा पैसे कमाणे रा जरिया।

1 तिमिथियुस 6:6

पर परमेसरा री सेऊआ करणा होर जो कुछ से आस्सा जो देआ तेता मन्झ संतुस्ट रेहणा, येई सभी ले बडी कमाई ई।

2 तिमिथियुस 3:5

तिन्हा लोका परमेसरा रे भक्त हूंणे रा भेस ता धरणा, पर तेसरी सामर्थ जो नकारी देणी; जो सच्चे तिन्हा जो परमेसरा रा भक्त बणाई सकी, एह्ड़े लोका ले दूर रैंह्णां।

तितुस 3:8

ये जो कुछ मैं ऐबे तुस्सा जो लिखिरा ये भरोसे करणे रे लायक गल्ला ई, हांऊँ ये चाहां कि तू इन्हा गल्ला रे बारे मन्झ मजबूती किन्हें विस्वासी लोका जो सखा, इधी कठे कि जिन्हें लोके परमेसरा पर विस्वास कितिरा, स्यों आपणा ध्यान भले काम करणे रे मन्झ लगाई रखे। ये सखाईरी गल्ला सब लोका रे कठे खरी होर फायदेमंद ई।

इब्रानियो 13:9

क्यूंकि यीसू मसीह कधी नी बदल्दा कोई तुस्सा जो कई किस्मा रे अजीब उपदेसा रे ज्रीए खरे रस्ते ले नी भड़काए, क्यूंकि तुस्सा रे मना रे कठे ये खरा आ कि स्यों अनुग्रहा रे ज्रीए पक्के बणे, ना कि खाणे पीणे री चीजा रे बिधिया रे मनणे ले, क्यूंकि इन्हा गल्ला जो मनणे ले तिन्हारा भी कोई फायदा नी आ, जो इन्हा गल्ला जो मन्हें थे।

1 यहून्ना 2:25

परमेसरे आस्सा जो अनंत जिन्दगी देणे रा वादा कितिरा।

प्रकासना री गल्ला 3:12

जो लोक जीत हासिल करहे। से मां आपणे परमेसरा रे मन्दरा मन्झ एक खम्भे साहीं बनाणा, होर तेस जो तेथी ले फेरी कधी बाहर नी निकल्ना पऊणा। होर मां तेस पर आपणे परमेसरा रा नांऊँ लिखणा (ये दसणे रे कठे कि से परमेसरा रा), होर परमेसरा रे सैहरा रा नाऊँ, जेस जो नंऊँआं यरुस्लेम बोले। ये सेई सैहर आ, जो परमेसरा री वखा ले स्वर्गा ले उतरणे वाल़ा आ। होर मां तेस पर आपणा नांऊँ भी लिखणा। (ये दसणे रे कठे कि से मेरा)

प्रकासना री गल्ला 3:21

जो लोक जीत हासिल करहे, तिन्हा मेरे साउगी मेरी राजगद्दी पर बैठणा, जिहां हांऊँ भी जीत हासल करी किन्हें आपणे बापू साउगी बापू री राजगद्दी पर बैठी गया।