1 तिमिथियुस 4:7 - मंडयाली नंऊँआं नियम

⁷ मन घड़न्त होर नर्क्कली काह्णियां रे कठे आपणा टैम बर्बाद नी करा, जेता ले जे परमेसरा जो इज्जत नी मिल्दी; होर भक्ति री जिन्दगी जीणे रे कठे आपणे आपा जो लगातार कोसिस करदा रेह।

1 तिमिथियुस 4:7 Iomraidhean Croise

चुणिरे चेले रे काम 24:16

इधी कठे हांऊँ भी परमेसर होर लोका रे साम्हणें हमेसा आपणी अंतरात्मा जो सुद्ध रखणे री कोसिस करहा।”

1 तिमिथियुस 1:4

होर लोका किन्हें बोल कि स्यों पुराणी मन घड़न्त काह्णियां, होर तिन्हारे बापदादेया री नांऊँआ री लम्बी सूची रे बारे री गल्ला पर आपणा टैम बर्बाद नी करहे। इन्हा गल्ला ले सिर्फ बैहस हुंहाँ ईं; होर बैहस करणे ले आस्सा री जिन्दगी मन्झ परमेसरा री योजना पूरी नी हुन्दी, होर एह्ड़ी योजना सिर्फ तेस पर विस्वासा करणे वाले रे ज्रीए ही पूरी हुईं।

1 तिमिथियुस 1:9

ये जाणी किन्हें कि मूसा री व्यवस्था धर्मी माह्णुं रे कठे नी, पर तिन्हा लोका रे कठे ई जो परमेसरा री व्यवस्था जो भूली जाएं, होर तेसरे हुकमा जो नी मनदे; होर जो लोक परमेसरा री भक्ति नी करदे होर हमेसा पाप करहे; होर जो दुस्ट काम करहे, होर स्यों जो परमेसरा री इज्जत नी करदे; होर स्यों जो आपणे माऊ-बापू होर दूजे लोका जो मारी दे।

1 तिमिथियुस 2:10

रे बजाय, दूजे लोका रे कठे खरे काम करी किन्हें आपणे आपा जो जचाणा तिन्हारे कठे खरा आ।

1 तिमिथियुस 3:16

होर एता मन्झ कोई सक नी आ कि, परमेसरे जो सच्ची खबर जाहिर कितिरी, से पूरी तरहा ले सच्च ई, मसीह जो माह्णुं रे रूपा मन्झ जाहिर हुआ, पवित्र आत्मे तेस जो हर कामा मन्झ धर्मी ठैहर्या, स्वर्गदूते से देखेया, होर स्वर्गा री महिमा री वखा जो से चकी लितेया गया, लोके तेसरे बारे मन्झ जाति-जाति मन्झ प्रचार कितेया, संसारा रे लोके तेस पर विस्वास कितेया।

1 तिमिथियुस 4:8

क्यूंकि सारीरिक व्यायाम ले थोह्ड़ा ई फायदा हुंहाँ, पर भक्ति सभ गल्ला रे कठे फायदेमंद ई, क्यूंकि एस जिन्दगी मन्झ होर आऊणें वाले जिन्दगी मन्झ भी परमेसरा री वादा कितिरी जिन्दगी तुस्सा जो मिलाईं।

1 तिमिथियुस 6:11

पर हे तिमिथियुस, तू जो परमेसरा रा जण आ, तू इन्हा गल्ला ले दूर रेह। हर एक कोसिस कर कि तू धर्मा रे काम करी सके। परमेसरा री भक्ति करणे वाली जिन्दगी जी। मसीह पर विस्वास रख। दूजे लोका किन्हें प्यार कर। मुस्किल हालात मन्झ धीरज रख। होर दूजे लोका ले नम्रता साउगी बर्ताव कर।

1 तिमिथियुस 6:20

हे तिमिथियुस, परमेसरे जो काम तुजो सौंपी रा, तू तेता जो पूरा कर। जो गल्ला आत्मिक नी, होर बेकारा री बैहसा ले दूर रह, होर तिन्हा ले भी जो परमेसरा रे सच्चे उपदेसा रे व्रोधा मन्झ ई, जिन्हा जो स्यों गलती किन्हें “ज्ञान” बोले।

1 तिमिथियुस 6:3

अगर कोई गलत उपदेसा जो सखा; होर आस्सा रे प्रभु यीसू मसीह रे दितिरे सही उपदेस होर परमेसरा री भक्ति री बिधिया ले राजी नी हुंदा,

1 तिमिथियुस 6:5

एह्ड़े माह्णुंआं हमेसा एक दूजे किन्हें लड़ने मन्झ लगी रैहया, होर तिन्हारी बुद्धि खराब हुई गईरी। होर ऐबे स्यों कधी नी समझी सकदे कि सच्चाई क्या ई। स्यों समझे कि परमेसरा री सेऊआ करणा पैसे कमाणे रा जरिया।

2 तिमिथियुस 2:16

सांसारिक होर बेकारा री गल्ला ले दूर रैहया, क्यूंकि एह्ड़े लोक होर भी ज्यादा परमेसरा ले दूर हुई जाहें।

2 तिमिथियुस 2:23

पर नर्क्कली, होर बेकारा री बैहसा ले दूर रैहया। क्यूंकि तुस्से जाणहां ऐं कि इन्हा ले लड़ाई-झगड़े हुंहाँ ऐं।

2 तिमिथियुस 3:12

पर ये गल्ला सच्च ई कि जितने लोक मसीह यीसू साउगी एक हुई किन्हें भक्ति री जिन्दगी जीणा चाहें, स्यों सभ सताए जाणे।

2 तिमिथियुस 3:5

तिन्हा लोका परमेसरा रे भक्त हूंणे रा भेस ता धरणा, पर तेसरी सामर्थ जो नकारी देणी; जो सच्चे तिन्हा जो परमेसरा रा भक्त बणाई सकी, एह्ड़े लोका ले दूर रैंह्णां।

2 तिमिथियुस 4:4

तिन्हा सच्चाई नी सुणनीं, पर झूठी मन घड़ंत काह्णियां सुणनीं।

तितुस 1:14

यहूदी लोका री काह्णियां पर होर तिन्हा माह्णुंआं रे हुक्मा पर मन नी ल्गाऊआ, जो सच्चाई ले भटकी जाहें।

तितुस 2:12

एस अनुग्रहा ले परमेसर आस्सो सखा कि, आस्से संसारा री चीजा रे कठे इच्छा जो छाडी दे, होर परमेसरा जो खुस नी करणे वाली गल्ला जो करणा छाडी दे। एता रे बजाय ऐबे रे टैमा मन्झ परमेसरा जो खुस करणे वाली धार्मिक होर आपु पर काबू रखणे वाली जिन्दगी जीए।

तितुस 3:9

बन्सावली किन्हें जुड़ीरे विवाद, मूसा री व्यवस्था किन्हें जुड़ीरे रगड़े झगड़े होर मूर्खतापूर्ण मतभेदा री गल्ला मन्झ नी पया; क्यूंकि इन्हा बैहसा ले कोई फायदा नी आ, ये सभ बेकार ऐं।

इब्रानियो 5:14

पर नाजा रा खाणा विस्वासा मन्झ स्याणेया रे कठे आ, जिन्हें आपणे अनुभवा ले भले बुरे मन्झ फर्क करणा सीखी लईरा।