1 तिमिथियुस 4:6 - मंडयाली नंऊँआं नियम

⁶ अगर तू विस्वासी भाई बैहणा जो इन्हा गल्ला जो याद कुरांदा रहे, जो मैं ऐबे तुस्सा जो करणे रे कठे बोलिरी। होर विस्वासा रे संदेसा रे ज्रीए होर खरे उपदेसा रे ज्रीए जेस जो तू मनदा आईरा, तू मजबूत बनाई गईरा, ता तुध मसीह यीसू रा खरा सेऊआदार बणना।

1 तिमिथियुस 4:6 Iomraidhean Croise

मत्ती 13:52

यीसूए तिन्हा किन्हें बोल्या, “इधी कठे हर एक व्यवस्था स्खाणे वाल़े जो स्वर्गा रे राज्या रा चेला बणी गईरा, से तेस घरा रे माल्का साहीं आं जो आपणे भण्डारा ले नौंईं होर पुराणी चीजा काढा।”

लूका 1:3

मैं भी यूँ घटना ठीक-ठीक परखी होर मुंजो ये ठीक लग्हा कि इन्हा घटना जो हांऊँ तेरे कठे क्रमा रे मताबक लिखूं।

चुणिरे चेले रे काम 1:15

होर तिन्हा ध्याड़े एक ध्याड़े लगभग एक सौ बीह विस्वासी कठे थे, पतरस तिन्हारे बीच भरा खड़ी किन्हें बोल्दा लग्या,

चुणिरे चेले रे काम 20:31

इधी कठे चतन्न रैहया, होर याद करा कि राती ध्याड़ी तीन साल तक मैं तुस्सा जो यीसू मसीह रे सच्चे संदेसा रे उपदेस दिते होर मैं तुस्से आंसू बहाई किन्हें चिताये, ताकि तुस्से प्रभु रे प्रति वफादार बणी रहो।”

चुणिरे चेले रे काम 20:35

मैं तुस्सा जो सभ कुछ करी किन्हें दसेया कि, कड़ी मैहनत करी किन्हें आस्सा जो कमजोरा री मदद किहाँ करणी चहिए होर आस्सा जो प्रभु यीसू रा ये बचन याद रखणा चहिए, जो तिन्हें आपणे आप बोल्या था कि, ‘लेणे ले देणा खरा आ।’”

रोमियो 15:15

फेरी भी मैं कुछ गल्ला बौह्त हिम्मत करी किन्हें लिखी कि, तुस्सा जो दबारा इन्हा गल्ला जो याद कुराई सकूं। ये तेस अनुग्रह री वजहा ले हुआ, जो परमेसरे मुंजो दितिरा।

1 कुरिन्थियो 4:17

इधी कठे मैं तिमिथियुस तुस्सा वाले भेजिरा। हांऊँ तेजो एक मह्ठे साहीं प्यार करहा, होर से प्रभु रा भरोसे लायक सेऊआदार आ तेस तुस्सा जो दसणा कि हांऊँ क्या करहा होर कियां मसीह यीसू रा चेला बणी किन्हें जियां, ठीक स्यों गल्ला जो हांऊँ हर जगहा री सभ कलीसिया रे लोका जो सखा।

2 कुरिन्थियो 11:23

क्या स्यों ईं मसीह रे सेवक ऐं? हांऊँ तिन्हा ले बढ़ी किन्हें आ! हांऊँ पागल आदमी साहीं हुई किन्हें बोल्हा कि मैं तिन्हा ले ज्यादा मैहनत कितिरी; तिन्हा ले ज्यादा जेल्हा मन्झ पाईरा; कई बारी कुटीरा; कई बारी मुंजो मौता रा साम्हणां करणा पईरा।

2 कुरिन्थियो 3:6

जिन्हें आस्से नौंईं वाचा रे सेऊआदार हूणें रे लायक भी किते, मूसा री लिखिरी व्यवस्था रे सेऊआदार नी बल्की आत्मा रे सेऊआदार ऐं; क्यूंकि लिखिरी व्यवस्था मारहा ई, पर पवित्र आत्मा अनंत जिन्दगी देहां ई।

2 कुरिन्थियो 6:4

पर हर गल्ला मन्झ हर तरीके किन्हें आस्से ये जाहिर करहे कि आस्से सच्चमुच परमेसरा रे सेऊआदार ऐं। क्यूंकि आस्से हमेसा दुखा मन्झ धीरज रखे, हालांकि आस्सा जो बौह्त सारी कठिनाई होर संकटा हुईरे।

इफिसियो 6:21

हांऊँ चाहां कि तुस्से ये जाणो कि हांऊँ केह्ड़ा होर क्या करदा लगिरा, होर इधी कठे मैं विस्वासी भाई तुखिकुस तुस्सा वाले भेजी करहा। से मेरा लाडला दोस्त आ, होर भरोसे रे लायक प्रभु रा सेऊआदार आ। तेस तुस्सा जो दसणा कि, हांऊँ केह्ड़ा, होर तेस तुस्सा जो हिम्मत देणी।

फिलिप्पियो 2:20

क्यूंकि मेरे वाले तिमिथियुस रे अलावा एह्ड़ा कोई नी हाया, जो खरे मना ले तुस्सा री फिकर करहे।

फिलिप्पियो 2:22

पर तिमिथियुस जो ता तुस्से जाणी गईरे कि से सच्चा आ, जेह्ड़ा मह्ठा बापू साउगी करहा, तिहां ई तिन्हें खुसी री खबरा रे फैलाणे मन्झ मेरे साउगी मैहनत किती।

फिलिप्पियो 3:16

इधी कठे आस्से तेस सच्चाई रे मताबक चलणा जो परमेसरे आस्सो पैहले दसी दितिरी।

कुलुस्सियो 2:19

एह्ड़ा माह्णुं मसीह री सच्ची खुसी री खबरा पर विस्वास करणा होर स्खाणा छाडी दितिरा। से मसीह जो सरीर रा मूंड आ। जिहां एक मूंड सारे सरीरा जो आपणे वसा मन्झ रखा, होर नसा होर जोड़ा जो गठी किन्हें रखी किन्हें तिन्हा जो पाला ईं, तिहां ही मसीह भी आपणे लोका जो आपणे वसा मन्झ रखा, ताकि स्यों सभ एक साउगी एक जुटा मन्झ रहे। होर एह्ड़े बढ़े, जिहां परमेसर चाहां कि स्यों बढ़दा जाये।

कुलुस्सियो 3:16

मसीह रा बचन तुस्सा रे दिला मन्झ ज्यादा ले ज्यादा बसी जाये, होर तुस्सा जो ज्ञान दे। एस बचना रे ज्रीए एक दूजे जो सखाऊआ होर चेतावनी देआ। आपणे-आपणे मना मन्झ धन्यावादा साउगी परमेसरा रे कठे भजन होर बड़ाई गान होर आत्मिक गीत गाऊआ।

कुलुस्सियो 4:7

तुखिकुस आस्सा रा लाडला विस्वासी भाई आ, जो आस्सा साउगी प्रभु री सेऊआ करणे मन्झ सच्चा आ, तेस मेरे बारे मन्झ तुस्सा सभ गल्ला दसणी।

1 थिस्सलुनकियो 3:2

होर मसीह रे खुसी री खबरा जो सुनाणे मन्झ आस्सा रा भाई, होर परमेसरा रा सेऊआदार तिमिथियुसा जो मैं तुस्सा वाले इधी कठे भेज्या, ताकि से तुस्सा जो मसीहा रे विस्वासा मन्झ मजबूत करहे; होर प्रभु पर विस्वासा बनाये रखणे रे कठे तुस्सा जो हिम्मत दे।

1 तिमिथियुस 1:10

व्यभिचारीया, समलैंगिक, माह्णुंआं रा अपहरण करणे वाले, झूठ बोलणे वाले, झूठी कसम खाणे वाले, हर एक एह्ड़ा काम करहे, जो खरे उपदेसा रे बरखलाफ ऐे।

1 तिमिथियुस 4:16

ध्यान रखा कि तुस्से आपणी जिन्दगी केह्ड़ी जिया करहे होर दूजेया जो क्या सखाई करहे, इन्हा गल्ला पर मजबूत बणी रह, क्यूंकि अगर तू एह्ड़ा करदा रैहन्गा, ता परमेसरा तेरे ज्रीए तु होर तेरे सुणने वाल़ेया जो आऊणें वाले न्याय ले बचाणा।

1 तिमिथियुस 6:3

अगर कोई गलत उपदेसा जो सखा; होर आस्सा रे प्रभु यीसू मसीह रे दितिरे सही उपदेस होर परमेसरा री भक्ति री बिधिया ले राजी नी हुंदा,

2 तिमिथियुस 1:6

इधी कठे हांऊँ तुजो याद दिलाहां कि, तू परमेसरा रे तेस वरदाना जो, जो मेरे हाथ रख्णे ले तुजो मिलिरा तेस जो होर चमकाई दे।

2 तिमिथियुस 3:10

पर तू तिमिथियुस खरे किन्हें जाणहां कि हांऊँ क्या सखा, हांऊँ किहाँ आपणी जिन्दगी जी आ, होर मेरी जिन्दगी रा मकसद क्या, होर हांऊँ क्या विस्वास करहा। तू जाणहां कि हांऊँ सभी लोका किन्हें सबर रखा होर सभी किन्हें प्यार करहा, होर दुखा रे टैमा मन्झ धीरज रखा।

2 तिमिथियुस 4:3

हांऊँ ये तुस्सा जो इधी कठे बोल्या करहा कि, एक टैम एह्ड़ा आऊंणा; कि लोका खरा उपदेस सुणना नी चाहणा, पर आपणी इच्छा जो पूरी करणे रे कठे एह्ड़े लोक तोपी किन्हें स्यों सुणना चाहें।

तितुस 2:1

पर हे तितुस, तू आपणे विस्वासी लोका जो से ही गल्ला सखाया, जो यीसू मसीह रे सच्चे उपदेसा रे मताबक हो।

1 पतरस 2:2

जिहां नंऊँऐं जम्मिरे बच्चे माऊआ रे दुधा री इच्छा रखे, तुस्से भी परमेसरा रे बचना जो सीखणे री इच्छा रखा, ताकि आत्मिक रूपा ले स्याणे बणी सको। होर तेबे आखरी मन्झ परमेसरा तुस्से एस संसारा री बुरी गल्ला ले पूरी तरहा बचाई लेणे।

2 यहून्ना 1:9

अगर कोई आदमी मसीह री सखाईरी गल्ला जो नी मन्हां ईं किन्हें तेता मन्झ होरी गल्ला जो जोड़ी दे, ता से परमेसरा किन्हें जुड़ीरा नी आ। पर जो कोई आदमी मसीह री सखाईरी गल्ला जो हमेसा मन्हा, ता से आस्सा रे बापू परमेसरा होर तेसरे मह्ठे यीसू मसीह साउगी भी जुड़ीरा।

यहूदा 1:5

हालांकि तुस्से इन्हा सच्ची गल्ला जो जाणांहे पर हांऊँ सिर्फ तुस्सा जो याद कुराणा चाहां। परमेसरे इस्राएली लोका जो मिस्र देसा री गुलामी ले छुड़ाई किन्हें बाहर लेई आया, पर बादा मन्झ परमेसरे तिन्हा सभी जो, जिन्हें तेस पर भरोसा नी रखेया बियाबान जंगला मन्झ ही मुकाई दिते।