1 तिमिथियुस 4:4 - मंडयाली नंऊँआं नियम

⁴ क्यूंकि परमेसरा री रचिरी हर एक चीज खरी ई; होर आस्से कुछ भी खाई सके, पर सिर्फ इतना हो कि स्यों चीजा परमेसरा जो धन्यावाद देई किन्हें खाई जाए।

1 तिमिथियुस 4:4 Iomraidhean Croise

चुणिरे चेले रे काम 10:15

फेरी दूजी बारी तेस जो अवाज आई कि, “जेस केसी चीजा जो परमेसरे पवित्र बोलिरा, अपवित्र मत बोलणा।”

चुणिरे चेले रे काम 15:29

कि तुस्से लोका रे ज्रीए मूर्तिया जो चढ़ाई रे खाणे जो मत खांदे, होर व्यभिचार होर गला घुटी किन्हें मारिरे डांगरे रा मास होर खूना ले परे रैहया। अगर तुस्से इन्हा ले दूर रैंह्णां ता तुस्सा रा भला हूंणां, सुभकामणां।”

चुणिरे चेले रे काम 21:25

“जेथी तक विस्वास करणे वाले अन्यजाति लोका रा सवाल आ, आस्से तिन्हा जो एक चिठ्ठी लिखी किन्हें भेजिरी कि, लोका रे ज्रीए मूर्तिया जो चढ़ाई रे खाणे जो मत खांदे, होर व्यभिचार होर गला घुटी किन्हें मारिरे डांगरे रा मास होर खूना ले बच्ची किन्हें रहे।”

रोमियो 14:14

हांऊँ जाणहां, होर प्रभु यीसू री तरफा ले मुंजो पक्का हुईरा कि, कोई खाणा आपणे आपा ले असुद्ध नी ई, पर जो केसी खाणे जो असुद्ध समझ्हा, तेसरे कठे से खाणा असुद्ध ई।

रोमियो 14:20

तुस्से जेहड़ा खाणा, खाणा चाहें तेता री वजहा ले परमेसरा रा काम नी बगाड़ा; खाणे मन्झ सब कुछ सुद्ध ता हाया, पर तुस्से जो खाएं तेस वजहा ले कोई होर परमेसरा पर विस्वास करणा छाडी दे, ता से गल बुरी ई।

रोमियो 14:6

जो माह्णुं केसी ध्याड़े जो मन्हां, से प्रभु जो इज्जत देणे रे कठे मन्हां। होर जो सभ कुछ खांहां, से प्रभु जो इज्जत देणे रे कठे खांहां, क्यूंकि से परमेसरा रा धन्यावाद करहा। होर जो साग-पात खांहां, से भी प्रभु जो इज्जत देणे रे कठे खांहां, होर से भी परमेसरा रा धन्यावाद करहा।

1 कुरिन्थियो 10:23

तुस्से बोल्हे कि आस्सा वाले सभ कुछ करणे री अजादी, हां पर सभ चीजा आस्सा रे फायदे रे कठे नी। आस्से सभ कुछ करणे रे कठे अजाद ऐे, पर सारी चीजे परमेसर पर विस्वासा करणे जो नी बढ़ादीं।

1 कुरिन्थियो 10:25

तुस्सा जो एह्ड़ा करणा चहिए बजारा मन्झ जो भी मास बिक्हा, तेता जो खरीदी किन्हें खाई लो, ये मत पूछा कि ये मूर्ति रे साम्हणें बलि कितिरा, होर तेबे तुस्सा री अंतरात्मा तुस्से दुखी नी करणे।

1 कुरिन्थियो 10:26

“तुस्से एतो खाई सके, क्यूंकि पवित्र सास्त्रा मन्झ लिखिरा, धरती होर जो कुछ एता मन्झ आ; से सभ प्रभु रा आ।”

1 कुरिन्थियो 10:30

अगर हांऊँ धन्यावाद देईं किन्हें हांऊँ मूर्ति रे साम्हणें बलि कितिरे खाणे जो खाई लेहां, ता तेता रे कठे मेरे पर किधियो दोस लगाया जाहाँ, जेसरे खाणे रे कठे मैं परमेसरा जो धन्यावाद दितिरा?

1 तिमिथियुस 4:3

स्यों स्खायें कि लोक ब्याह नी करहे, होर स्यों खाणे पीणे री चीजा ले भी रोक्हा ऐ। पर परमेसरे युयां चीजा तिन्हा विस्वासी लोका रे कठे बणाईरी, जो सच्चे उपदेसा जो जाणांहे कि, स्यों प्रार्थना करी किन्हें धन्यावादा रे साउगी इन्हा चीजा जो खाई सके।