1 तिमिथियुस 4:3 - मंडयाली नंऊँआं नियम

³ स्यों स्खायें कि लोक ब्याह नी करहे, होर स्यों खाणे पीणे री चीजा ले भी रोक्हा ऐ। पर परमेसरे युयां चीजा तिन्हा विस्वासी लोका रे कठे बणाईरी, जो सच्चे उपदेसा जो जाणांहे कि, स्यों प्रार्थना करी किन्हें धन्यावादा रे साउगी इन्हा चीजा जो खाई सके।

1 तिमिथियुस 4:3 Iomraidhean Croise

मत्ती 14:19

तेबे यीसूए लोका जो घाहा प्रयाल्हे बठयाल्णे जो बोल्या। होर तिन्हें पांज रोटिया होर दो मछिया लई किन्हें स्वर्गा वखा जो देखी किन्हें परमेसरा रा धन्यावाद कितेया, होर रोटिया तोड़ी-तोड़ी किन्हें चेले जो दिती होर चेले लोका जो बांडी।

मत्ती 15:11

जो मुंहा मन्झ जाहाँ, से माह्णुं जो बाहरा ले गन्दा करदा, पर माह्णुं रे मुंहा ले जो गल्ला निकला ई, सेई माह्णुं जो गन्दा करही।”

मत्ती 15:36

होर तिन्हें सात रोटिया होर मछिया लिती होर परमेसरा रा धन्यावाद करी किन्हें तोड़ी होर बांडणे रे कठे आपणे चेले जो देंदा गया, होर चेले लोका जो बांडी।

लूका 24:30

जेबे यीसू तिन्हा साउगी खाणा खांदे बैठ्या, ता यीसूए रोटी लई किन्हें धन्यावाद कितेया, होर रोटी तोड़ी किन्हें तिन्हा जो देंदा लग्या।

यहून्ना 6:23

तेबे भी होर छोटी किस्तिया तिबिरियुस सैहरा ले तेस जगहा आई जेथी तिन्हें प्रभु रा धन्यावाद करणे ले बाद रोटी खाध्ही थी।

चुणिरे चेले रे काम 27:35

होर ये बोली किन्हें तिन्हें रोटी लई होर सभी रे साम्हणें परमेसरा रा धन्यावाद कितेया; होर तोड़ी किन्हें खांदा लग्या।

रोमियो 14:17

क्यूंकि परमेसरा रे राजा मन्झ खाणा पीणा बडा नी आ; एता रे बजाय, परमेसरा री नजरा मन्झ धर्मी माह्णुं बणना, सांति होर पवित्र आत्मा मन्झ खुसी, ये गल्ला बडी ई।

रोमियो 14:3

से, जे माह्णुं सब कुछ खांहां तेजो नीची नजरा ले नी देखा, जो सब कुछ नी खांदा; एस तरीके ले, से जे सब कुछ नी खांदा, तेस पर दोस नी लगाए जो सब कुछ खांहां, क्यूंकि परमेसरे तिन्हा दुहीं जो अपनाहां।

रोमियो 14:6

जो माह्णुं केसी ध्याड़े जो मन्हां, से प्रभु जो इज्जत देणे रे कठे मन्हां। होर जो सभ कुछ खांहां, से प्रभु जो इज्जत देणे रे कठे खांहां, क्यूंकि से परमेसरा रा धन्यावाद करहा। होर जो साग-पात खांहां, से भी प्रभु जो इज्जत देणे रे कठे खांहां, होर से भी परमेसरा रा धन्यावाद करहा।

1 कुरिन्थियो 6:13

तुस्से ये भी बोली सके कि, खाणा पेटा रे कठे, होर पेट खाणे रे कठे आ, ये ता सच्च आ, पर परमेसरा यूँ दुहें नास करी देणे। आस्सा रे सरीर भी व्यभिचारा रे कठे नी ऐं, पर आस्सा रा सरीर प्रभु रा होर एता ले प्रभु री सेऊआ करणी चहिए।

1 कुरिन्थियो 7:28

पर अगर तू ब्याह भी करहे, ता पाप नी आ; होर अगर कुआरी रा ब्याह हुई जाए ता तेता मन्झ भी कोई पाप नी आ; पर ब्याहिरे लोका जो संसारा मन्झ रैहन्दे हुए बौह्त कस्टा रा साम्हणा करणा पऊणा, होर हांऊँ चाहां कि तुस्से इन्हा कस्टा ले बची रैहया।

1 कुरिन्थियो 8:8

पर खाणा आस्सा जो परमेसरा रे नेडे नी पुजान्दा, अगर आस्से नी खान्घे, ता तेता ले आस्से परमेसरा जो कम खुस नी करदे, होर अगर खाई भी ले, तेबे बी परमेसरा री नजरा मन्झ आस्से कुछ खास नी बणदे।

कुलुस्सियो 2:16

इधी कठे एह्ड़ा नी हो कि तुस्से इन्हा लोका रे धोखे मन्झ आई जाये होर खाणे पीणे या साजा या नंऊँआं चांद या अरामा रे ध्याड़े रे मनाणे रे कठे तुस्सा रा कोई फैसला ना करहे।

कुलुस्सियो 3:17

होर जो कुछ तुस्से बोले होर करहे से सभ प्रभु यीसू रे नांऊँआं ले करहा; होर प्रभु यीसू रे ज्रीए बापू परमेसरा रा धन्यावाद करा।

1 तिमिथियुस 2:4

होर से ये चाहां कि, सभ माह्णुंआं रा उद्धार हो, होर स्यों सच्चाई ठीक ढंगा किन्हें जाणी सको।

1 तिमिथियुस 4:4

क्यूंकि परमेसरा री रचिरी हर एक चीज खरी ई; होर आस्से कुछ भी खाई सके, पर सिर्फ इतना हो कि स्यों चीजा परमेसरा जो धन्यावाद देई किन्हें खाई जाए।

1 तिमिथियुस 5:14

इधी कठे मुंजो ये ठीक लगहा कि, जुआन विधवा ब्याह करी ले; होर बच्चे जणे होर घर-बार संभाले, तेबे दुस्मणा जो तिन्हा जो बदनाम करणे रा मौका नी मिलणा।

इब्रानियो 13:4

आपणे ब्याह रा आदर करहा, होर लाड़ा लाड़ी एक दूजे रे प्रति वफादार रहे। क्यूंकि परमेसरा व्यभिचारिया, होर नजायज रिस्ते रखणे रा न्याय करणा।

इब्रानियो 13:9

क्यूंकि यीसू मसीह कधी नी बदल्दा कोई तुस्सा जो कई किस्मा रे अजीब उपदेसा रे ज्रीए खरे रस्ते ले नी भड़काए, क्यूंकि तुस्सा रे मना रे कठे ये खरा आ कि स्यों अनुग्रहा रे ज्रीए पक्के बणे, ना कि खाणे पीणे री चीजा रे बिधिया रे मनणे ले, क्यूंकि इन्हा गल्ला जो मनणे ले तिन्हारा भी कोई फायदा नी आ, जो इन्हा गल्ला जो मन्हें थे।