1 तिमिथियुस 4:2 - मंडयाली नंऊँआं नियम

² ये झूठे उपदेस स्खाणे वाले झूठे पाखंडी ऐं, तिन्हारी अंतरात्मा मरी चुकीरी जो सही होर गलता रा फैसला करी, जिहां कि कोई गर्म लोहे से फुखी दितिरी हो।

1 तिमिथियुस 4:2 Iomraidhean Croise

मत्ती 24:24

“क्यूंकि झूठे मसीह होर झूठे नबिया आऊंणा, होर तिन्हा बड़े चिन्ह होर चमत्कार दसणे, होर हुई सके ता परमेसरा रे चुणिरे लोक भी भरमाई देणे।

मत्ती 7:15

“झूठे नबिया ले चतन्न रहुआ, जो नुकसान पुजाणे वाली भेडा रे भेसा मन्झ छुपिरे, पर अंदरा ले स्यों नुकसान कुराणे वाल़े भेड़िये साहीं ऐं,

चुणिरे चेले रे काम 20:30

तुस्से जे विस्वासी ऐं तुस्सा रे बीचा मन्झा ले भी एह्ड़े-एह्ड़े टेढ़े लोक उठणे, जिन्हा विस्वासिया जो आपणा चेला बनाणे रे कठे चलाकी वाली गल्ला करणी।

रोमियो 1:28

होर जेबे तिन्हो परमेसरा जो जाणना नर्क्कला लगेया, तेबे परमेसरे भी स्यों तिन्हारे नर्क्कले मना रे वसा मन्झ छाडी दिते, ताकि स्यों बुरे काम करहे।

रोमियो 16:18

क्यूंकि एह्ड़े लोक आस्सा रे प्रभु मसीह री सेऊआ नी करदे, पर आपणी व्यक्तिगत इच्छा जो पूरी करहा ऐं, होर चिकनी चुपड़ी गल्ला किन्हें सीधे सादे लोका जो धोखा दें।

इफिसियो 4:14

इधी कठे ऐबे ले लेई किन्हें आस्से बच्चे साहीं नी बणे, आस्सा तेस किस्ती साहीं नी हूंणा, जेस जो तेज बागर डूआई किन्हें लेई जाहीं, या ल्हरें ओरे-परे घुमाई देईं। यानि ऐबे ले ठगी होर चालू माह्णुं आस्सा जो झूठी गल्ला मन्झ नी फसाई सकदे।

इफिसियो 4:19

स्यों लुचपना मन्झ लगी गईरे, होर सभ किस्मा रे गंदे काम करी करहे, क्यूंकि जो बुरे काम स्यों करहे, तेता जो करणे मन्झ ऐबे तिन्हो कोई सर्म नी आउंदी।

2 तिमिथियुस 3:5

तिन्हा लोका परमेसरा रे भक्त हूंणे रा भेस ता धरणा, पर तेसरी सामर्थ जो नकारी देणी; जो सच्चे तिन्हा जो परमेसरा रा भक्त बणाई सकी, एह्ड़े लोका ले दूर रैंह्णां।

प्रकासना री गल्ला 16:14

इन्हा दुस्टात्मा जो चिन्ह दसणे रा हक दितिरा था, होर तिन्हें जाई किन्हें धरती पर राज करणे वाले सब लोका जो कठ्ठा कितेया, ताकि स्यों जाई किन्हें सर्वसक्तिमान परमेसरा साउगी तेस बडे ध्याड़े लड़ाई करी सके।