1 तिमिथियुस 4:16 - मंडयाली नंऊँआं नियम

¹⁶ ध्यान रखा कि तुस्से आपणी जिन्दगी केह्ड़ी जिया करहे होर दूजेया जो क्या सखाई करहे, इन्हा गल्ला पर मजबूत बणी रह, क्यूंकि अगर तू एह्ड़ा करदा रैहन्गा, ता परमेसरा तेरे ज्रीए तु होर तेरे सुणने वाल़ेया जो आऊणें वाले न्याय ले बचाणा।

1 तिमिथियुस 4:16 Iomraidhean Croise

मरकुस 13:9

“पर तुस्से आपणे बारे मन्झ चतन्न रैहया, क्यूंकि लोका मेरे चेले हूंणे री वजहा ले तुस्से गांऊँआं रे पंचायता मन्झ सौंपणे, होर तुस्से यहूदी सभा मन्झ मारे पिटे जाणे; होर हाकमा होर राजे रे अगे सज़ा रे कठे खड़े हूंणां पौऊणा, ताकि तुस्से मेरे बारे मन्झ गुआही देई सको।

लूका 21:34

“इधी कठे चतन्न रैहया, एह्ड़ा नी हो कि तुस्सा रे मन खुमार होर पी किन्हें मुतालणा, होर एस जिन्दगी री चिंता किन्हें सुस्त हुई जाए, होर से ध्याड़ा तुस्सा पर फंदे साहीं एकदम आई जाए होर जिहां एक जानवर फंदे मन्झ अचानक फसी जाहें।

चुणिरे चेले रे काम 26:22

पर आज तक मुंजो परमेसरा री मदद मिल्दी रही, होर इधी कठे हांऊँ छोटे होर बडे सभी लोका रे साम्हणें गुआही देआ। जो गल्ला नबिये होर मुसे नबिये बोलिरी कि, स्यों हूंणे वाली ई; हांऊँ बस तिन्हा गल्ला जो छाडी किन्हें होर कुछ नी बोल्दा।

चुणिरे चेले रे काम 6:4

पर आस्सा ता प्रार्थना मन्झ होर बचन रा प्रचार होर उपदेस देणा मन्झ लगी रहणा।”

रोमियो 11:14

ताकि किहाँ नी किहाँ हांऊँ आपणे यहूदी लोका मन्झ जल्नी कुराई किन्हें तिन्हा मन्झा ले एकी रा भी उद्धार करी सकूं।

रोमियो 16:17

ऐबे हे भाईयो होर बैहणो, हांऊँ तुस्सा किन्हें अर्ज करहा कि तिन्हा लोका पर खूब ध्यान देआ, जो लोक तुस्सा रे मन्झ फूट पाहें, होर तिन्हा लोका पर जो तुस्सा जो दितिरे सच्चे उपदेसा रे बरखलाफ भड़काए, जेस ले तुस्सा रा विस्वास कमजोर हुआ। तिन्हा लोका ले दूर रैहया।

रोमियो 2:7

जो लोक खरे कामा जो करदे हुए परमेसरा री वखा ले मिलणे वाली महिमा, आदर होर कधी ना खत्म हूंणे वाली जिन्दगी री तोपा मन्झ रैंहयां ऐं, परमेसरा तिन्हा सभी जो अनंत जिन्दगी देणी।

1 कुरिन्थियो 1:21

क्यूंकि जेबे परमेसरे आपणे ज्ञाना रे मताबक देखेया कि संसारा रे लोक आपणे ज्ञाना रे ज्रीए तेस जो कधी नी जाणी सकदे, ता परमेसरा जो ये ठीक लग्या कि आस्सा री खुसी री खबरा जो प्रचार करणे रे ज्रीए विस्वास करणे वाले लोका रा उद्धार करहे, भले ही कुछ लोका जो ये गल नर्क्कली लगाई।

1 कुरिन्थियो 9:22

कि जेबे हांऊँ तिन्हा लोका साउगी रैहया था, जो कुछ गल्ला जो लेई किन्हें सक करहे थे कि इन्हा गल्ला जो करणा प्रभु री नजरा मन्झ ठीक आ की नी, ता मैं भी गल्ला जो करणा छाडी दिती; ताकि हांऊँ तिन्हा जो भी मसीह वाले ल्याई सकूं। होर हांऊँ सभ माह्णुं रे कठे सभ कुछ बणेया, ताकि किहाँ नी किहाँ मेरे ज्रीए परमेसर कुछ लोका रा उद्धार करी सके।

1 कुरिन्थियो 9:27

हांऊँ आपणे सरीरा जो आपणे बसा मन्झ रखा, ताकि हांऊँ आपणी ही इच्छा जो आपणे काबू मन्झ रख्ही सकूं, केते एह्ड़ा नी हो कि हांऊँ होरी लोका जो खुसी री खबरा रा प्रचार करूं, होर मुंजो आपु जो ही इनाम नी मिले।

इफिसियो 4:14

इधी कठे ऐबे ले लेई किन्हें आस्से बच्चे साहीं नी बणे, आस्सा तेस किस्ती साहीं नी हूंणा, जेस जो तेज बागर डूआई किन्हें लेई जाहीं, या ल्हरें ओरे-परे घुमाई देईं। यानि ऐबे ले ठगी होर चालू माह्णुं आस्सा जो झूठी गल्ला मन्झ नी फसाई सकदे।

कुलुस्सियो 4:17

फेरी अरखिप्पुसा किन्हें बोल्या कि, “जो सेऊआ प्रभु मन्झ तुजो दितिरी, पक्का करी ले कि तुस्से से सेऊआ पूरी करी लिती।”

1 थिस्सलुनकियो 2:16

होर स्यों आस्सा जो अन्यजाति लोका मन्झ उद्धारा री खुसी री खबर प्रचार करणे ले रोक्हा ऐं, ताकि स्यों तेबे तक आपणे पापा रा घड़ा भरदे रहे जेबे तक परमेसर तिन्हा जो सजा नी दे। पर ऐबे ता परमेसरा सच्चे तिन्हो सजा देणी।

1 तिमिथियुस 1:3

इफिसुस सैहरा जो छाडी किन्हें मकीदुनिया ईलाके जो जाणे रे टैमा मन्झ जो गल्ला मैं तेरे किन्हें दिला ले बोलिरी थी तेस्सा गल्ला जो हांऊँ दबारा बोली करहा कि, इफिसुस सैहरा मन्झ कुछ लोक एह्ड़े जो गलत उपदेसा जो सखाई करहे, तू तेथी रही किन्हें तिन्हो एह्ड़ा समझा कि स्यों एह्ड़ी गल्ला नी स्खाये।

1 तिमिथियुस 4:15

इन्हा गल्ला जो बड़े ध्याना किन्हें करदा रह, होर आपणे आपा जो पूरी तरहा इन्हा गल्ला पर लगाई रख, ताकि हर कोई ये देखी सके कि तुस्से आपणे विस्वासा मन्झ बढ़ी करहा ऐ थे।

1 तिमिथियुस 4:6

अगर तू विस्वासी भाई बैहणा जो इन्हा गल्ला जो याद कुरांदा रहे, जो मैं ऐबे तुस्सा जो करणे रे कठे बोलिरी। होर विस्वासा रे संदेसा रे ज्रीए होर खरे उपदेसा रे ज्रीए जेस जो तू मनदा आईरा, तू मजबूत बनाई गईरा, ता तुध मसीह यीसू रा खरा सेऊआदार बणना।

2 तिमिथियुस 2:10

इधी कठे हांऊँ परमेसरा रे चुणिरे लोका रे कठे सभ कुछ सैहन करहा, ताकि स्यों भी मसीह यीसू पर विस्वास करी किन्हें उद्धार पाए, होर अनंत महिमा पाए।

2 तिमिथियुस 3:14

पर हे तिमिथियुस तू इन्हा सारी गल्ला जो मजबूती किन्हें पकड़ी रख, जो लोके तुजो सखाईरी, होर जिन्हा पर तू पूरी तरहा विस्वास करहा। क्यूंकि तू खरे ढंगा किन्हें जाणहां कि ये सच्चाई री गल्ला तुजो कुन्हें सखाईरी।

2 तिमिथियुस 4:2

कि तू परमेसरा रे बचना रा प्रचार कर; होर चाहे हालात खरे हो या नी, तू बचना रा प्रचार करणे रे कठे त्यार रेह। अगर लोके गलती कितिरी ता तू तिन्हों दसी दे, होर तिन्हा जो तिन्हारे पाप करणे रे कठे प्रुआच होर तिन्हों होंसला भी दे। ये सभ काम तू ध्याना किन्हें स्खान्दे हुए बड़े सबरा किन्हें करेया।

तितुस 1:9

होर से तेस भरोसे रे लायक उपदेसा जो मजबूती किन्हें पकड़ी रखणे वाल़ा हो, जो आस्से तेस जो सखाईरा था; जेता ले दूजेया जो सखाई सके होर सच्चे उपदेस रे बरखलाप बोलणे वाल़ेया रा मुंह बंद कुराई सके।

तितुस 2:15

इधी कठे हे तितुस, हांऊँ चाहां कि ये गल्ला जो मैं तेरे किन्हें कितिरी क्रेते टापू रे विस्वासी लोका जो सखा, तिन्हो हिम्मत दे कि स्यों इन्हा गल्ला जो इंहां ही करहे, होर जेथी जरूरत ई तिन्हो सुधारे, एह्ड़ा करणे रा तुजो पूरा हक आ। एस गल्ला जो पक्का करी ले कि जो तू सखा, तेता जो कोई बेकार नी जाणे।

तितुस 2:7

होर हर गल्ला मन्झ आपणे भले कामा रा उदाहरण दे कि दूजे लोक भी तुस्सा जो देखी किन्हें आपणे आपा जो बदली दे, जेबे तू विस्वासी लोका जो परमेसरा रे बारे मन्झ सखाई करहा ता खरे मकसद साउगी सखा, जेता ले स्यों तुस्सा री इज्जत करहे।

फिलेमोन 1:19

हांऊँ पौलुस आपणे ई हाथ ले एस गल्ला जो लिख्हा कि, मां तेसरा कर्जा आप्हुए भरी देणा। होर तुस्से जाणहां ये कि अगर हांऊँ तुस्सा री मदद नी करदा, ता तुस्सा जो आपणे आपा ले नईं जिन्दगी नी मिलिरी हुंदी, इधी कठे कि तेरी सारी जिन्दगी मेरी कर्जदार ई।

इब्रानियो 12:15

होर ध्याना रखा कि, एह्ड़ा नी हो कि, कोई परमेसरा रे अनुग्रह ले छुटी जाए, या विस्वास नी करणे री कौउड़ी जड़ तुस्सा रे बीचा मन्झ फुटी निकले क्यूंकि जेबे से बझीरी ता आपणे जैहरा रे ज्रीए बौह्त सारी परेसानी जो बढाई देई।

इब्रानियो 13:9

क्यूंकि यीसू मसीह कधी नी बदल्दा कोई तुस्सा जो कई किस्मा रे अजीब उपदेसा रे ज्रीए खरे रस्ते ले नी भड़काए, क्यूंकि तुस्सा रे मना रे कठे ये खरा आ कि स्यों अनुग्रहा रे ज्रीए पक्के बणे, ना कि खाणे पीणे री चीजा रे बिधिया रे मनणे ले, क्यूंकि इन्हा गल्ला जो मनणे ले तिन्हारा भी कोई फायदा नी आ, जो इन्हा गल्ला जो मन्हें थे।

याकूब 5:20

ता से ये जाणी ले कि जो कोई केसी भटकीरे पापी जो वापस लई आहुंघा, परमेसरा तेस भटकीरे माह्णुं रे कई पाप माफ करी देणे, होर तेस जो हमेसा री मौता ले बचाई लेहां।