1 तिमिथियुस 4:15 - मंडयाली नंऊँआं नियम

¹⁵ इन्हा गल्ला जो बड़े ध्याना किन्हें करदा रह, होर आपणे आपा जो पूरी तरहा इन्हा गल्ला पर लगाई रख, ताकि हर कोई ये देखी सके कि तुस्से आपणे विस्वासा मन्झ बढ़ी करहा ऐ थे।

1 तिमिथियुस 4:15 Iomraidhean Croise

मत्ती 5:16

इंहां करी किन्हें तुस्सा रा जीवन प्रयासा साहीं ऐं माह्णुं रे साम्हणें चम्के ताकि स्यों तुस्सा रे भले कामा जो देखी किन्हें तुस्सा रे बापू री जो स्वर्गा मन्झ आ, बड़ाई करहे।

चुणिरे चेले रे काम 6:4

पर आस्सा ता प्रार्थना मन्झ होर बचन रा प्रचार होर उपदेस देणा मन्झ लगी रहणा।”

1 कुरिन्थियो 16:15

हे भाईयो होर बैहणो, तुस्से स्तिफनासा जो होर तेसरे परिवारा जो जाणहां ऐं कि, अखाया ईलाके मन्झ तिन्हें ही सभी ले पैहले मसीह पर विस्वास कितेया था, होर स्यों परमेसरा रे पवित्र लोका री सेऊआ रे कठे त्यार रैंहयां ऐं।

2 कुरिन्थियो 4:14

क्यूंकि आस्से जाणहां ऐं, जिन्हें प्रभु यीसू जो मरिरे लोका मन्झ जिउंदा कितेया, से ही परमेसर आस्से भी मसीह यीसू साहीं जिउंदे करणे, होर तुस्सा साउगी आस्से भी आपणे उपस्थिति मन्झ लेई जाणे।

2 कुरिन्थियो 8:5

आस्से एह्ड़ा नी सोचा था कि तिन्हा एस तरीके किन्हें ढब्बे देणे, पर सभी ले पैहले तिन्हें प्रभु रे कठे आपणे आपा जो सौंपी दितेया, फेरी परमेसरा री इच्छा रे मताबक आपणे आपा जो आस्सा रे कठे देई दितेया।

1 तिमिथियुस 4:14

याद रखा कि जेबे कलीसिया रे अगुवे तुस्सा पर हाथ रखिरा था, होर भविस्यवाणी करी किन्हें तेस खास वरदाना रे बारे मन्झ दसिरा था, जो परमेसरे तुस्सा जो दितिरा। तेस बरदान रे बारे मन्झ लापरवाह मत बण।

1 तिमिथियुस 4:16

ध्यान रखा कि तुस्से आपणी जिन्दगी केह्ड़ी जिया करहे होर दूजेया जो क्या सखाई करहे, इन्हा गल्ला पर मजबूत बणी रह, क्यूंकि अगर तू एह्ड़ा करदा रैहन्गा, ता परमेसरा तेरे ज्रीए तु होर तेरे सुणने वाल़ेया जो आऊणें वाले न्याय ले बचाणा।

1 तिमिथियुस 4:6

अगर तू विस्वासी भाई बैहणा जो इन्हा गल्ला जो याद कुरांदा रहे, जो मैं ऐबे तुस्सा जो करणे रे कठे बोलिरी। होर विस्वासा रे संदेसा रे ज्रीए होर खरे उपदेसा रे ज्रीए जेस जो तू मनदा आईरा, तू मजबूत बनाई गईरा, ता तुध मसीह यीसू रा खरा सेऊआदार बणना।

तितुस 2:14

इन्हें यीसू मसीहे आपणे आपा जो आस्सा रे कठे बलिदान करी दितेया, ताकि आस्सा जो हर किस्मा रे पापा ले छुड़ाई ले; होर आस्सो सुद्ध करी दे ताकि आस्से तेसरे खास लोक बणी जाये जो खरे काम करणे री बड़ी इच्छा रखे।