1 तिमिथियुस 4:14 - मंडयाली नंऊँआं नियम

¹⁴ याद रखा कि जेबे कलीसिया रे अगुवे तुस्सा पर हाथ रखिरा था, होर भविस्यवाणी करी किन्हें तेस खास वरदाना रे बारे मन्झ दसिरा था, जो परमेसरे तुस्सा जो दितिरा। तेस बरदान रे बारे मन्झ लापरवाह मत बण।

1 तिमिथियुस 4:14 Iomraidhean Croise

चुणिरे चेले रे काम 11:30

होर तिन्हें एह्ड़ा ई कितेया; होर बरनबास होर साऊला रे हाथ कलीसिया रे अगुवे वाले कुछ ढब्बे भेजी दिते।

चुणिरे चेले रे काम 13:3

तेबे तिन्हें ब्रत होर प्रार्थना करी किन्हें होर तिन्हा पर हाथ रखी किन्हें परमेसरा रे कामा रे कठे स्यों विदा करी दिते।

चुणिरे चेले रे काम 19:6

होर जेबे पौलुसे तिन्हा पर हाथ रख्या, ता तिन्हा जो पवित्र आत्मा दितेया, होर स्यों अनजाण भासा बोल्दे होर भविस्यवाणी करदे लगे।

चुणिरे चेले रे काम 22:5

एस गल्ला रे कठे बडे याजक होर सभ यहूदी मुखिये गुआह ऐं; कि तिन्हा मन्झा ले हांऊँ भाईया रे नांऊँआं पर चिठिया लई किन्हें दमिस्क सैहरा जो जाया करहा था कि, तेथी एस मता जो मन्नणे वाले जो भी हो तिन्हा जो बंदी बणाई किन्हें यरुस्लेम सैहरा मन्झ ल्याऊं ताकि तिन्हा जो सजा दिलवाई सकूं।”

चुणिरे चेले रे काम 6:6

होर स्यों चुणिरे चेले रे साम्हणें ल्यान्दे होर तिन्हें प्रार्थना करी किन्हें एस कामा जो करणे रे कठे नियुक्त कितेया।

चुणिरे चेले रे काम 8:17

तेबे पतरस होर यहून्ना बपतिस्मा देणे वाल़े तिन्हा पर हाथ रखे होर तिन्हें पवित्र आत्मा पाई।

1 थिस्सलुनकियो 5:19

पवित्र आत्मा रे कामा जो मत रोका।

1 तिमिथियुस 1:18

मेरे मह्ठे, तिमिथियुस, हांऊँ इन्हा आदेसा जो तुस्सा जो देई करहा: हांऊँ चाहां कि तुस्से तिन्हा गल्ला जो याद रखा जो नबिये बौह्त पैहले बोलिरी थी कि तुस्सा किन्हें एह्ड़ा हूंणा। तू तिन्हा गल्ला जो झूठे उपदेसा स्खाणे वाले रे बरखलाफ लड़ने रे कठे इस्तेमाल करेया।

1 तिमिथियुस 4:15

इन्हा गल्ला जो बड़े ध्याना किन्हें करदा रह, होर आपणे आपा जो पूरी तरहा इन्हा गल्ला पर लगाई रख, ताकि हर कोई ये देखी सके कि तुस्से आपणे विस्वासा मन्झ बढ़ी करहा ऐ थे।

1 तिमिथियुस 5:17

जो कलीसिया रे अगुवा आपणा सारा काम खरे ढंगा किन्हें करदा हो, खास करी किन्हें जो परमेसरा रे बचना जो सुनाणे होर स्खाणे रे कठे मैहनत करहा हो, स्यों आदर होर पूरी मजदूरी, इन्हा दुहीं जो पाणे रे लायक समझे जाएं।

1 तिमिथियुस 5:19

अगर कोई कलीसिया रे अगुवे पर दोस लगा कि तिन्हें पाप कितिरा, ता बगैर दो या तीन गुआहा रे एस्सा गल्ला रे कठे तेस पर दोस मत लगाऊआ।

1 तिमिथियुस 5:22

पर केसी जो भी हाथ रखी किन्हें परमेसरा री सेऊआ मन्झ नियुक्त करणे रे कठे जल्दबाजी मत कर, होर अगर तुस्से एह्ड़ा करहे ता तुस्से भी तेसरे पापा रे जिम्मेदार बणना; आपणे आपा जो पवित्र बणाए रख।

1 तिमिथियुस 6:12

एक खरे स्पाही साहीं जो लड़ाई रे टैम कधी हिम्मत नी हारदा, आपणे विस्वासा रे कठे खरी लड़ाई कर, होर अनंत जिन्दगी जो पकड़ी ले, जेसरे कठे तू सादी गईरा था, होर बौह्त लोका रे साम्हणें तैं गुआही दितीरी थी कि तू मसीह पर विस्वास करा।

2 तिमिथियुस 1:6

इधी कठे हांऊँ तुजो याद दिलाहां कि, तू परमेसरा रे तेस वरदाना जो, जो मेरे हाथ रख्णे ले तुजो मिलिरा तेस जो होर चमकाई दे।