1 तिमिथियुस 4:13 - मंडयाली नंऊँआं नियम

¹³ जेबे तक हांऊँ नी आऊँ, तेबे तक पवित्र सास्त्रा जो विस्वासी लोका जो जोरा किन्हें पढ़ी किन्हें तिन्हो सुनाणे रे कठे टैम काढ, तिन्हो हिम्मत दे होर पवित्र सास्त्रा रे मतलबा जो समझाणे मन्झ लगी रैह।

1 तिमिथियुस 4:13 Iomraidhean Croise

यहून्ना 5:39

“तुस्से पवित्र सास्त्रा रा मनन करहा ऐं, क्यूंकि तुस्से ये सोच्हा ऐं कि तेता मन्झ तुस्सा जो अनंत जिन्दगी मिल्हा ई, होर ये सभ गल्ला मेरे बारे मन्झ ई गुआही देंहां ईं।

चुणिरे चेले रे काम 17:11

ये लोक ता थिस्सलुनिके सैहरा रे यहूदी लोका ले भी खरे थे होर तिन्हें बड़ी लगना किन्हें बचन मन्नेया, होर हर रोज पवित्र सास्त्रा मन्झ तोप्दे रैहे कि ये गल्ला जो पौलुसे दसी क्या स्यों सच्ची ई कि नी?

चुणिरे चेले रे काम 6:4

पर आस्सा ता प्रार्थना मन्झ होर बचन रा प्रचार होर उपदेस देणा मन्झ लगी रहणा।”

रोमियो 12:8

होर अगर होंसला देणे रे दान मिलिरा हो, से होंसला देणे मन्झ लगिरा रहे; होर अगर जरूरत मंद लोका जो मदद करणे रा दान मिलिरा हो, से पुरे मना ले करहे। होर अगर परमेसरे तुस्सा जो अगुवाई करणे रे दान दितिरा हो, ता से तेस जिम्मेदारी जो खरे ढंगा किन्हें निभाए, होर अगर दया करणे रा दान मिलिरा हो, ता से खुसी किन्हें करहे।

1 कुरिन्थियो 14:26

हे भाईयो होर बैहणो, सुणा तुस्सा जो क्या करणा चहिए? जेबे तुस्से अराधना रे कठे हुंहाँ ऐं, ता तुस्सा मन्झ एकी माह्णुंआं प्रभु रे भजन गाणे, एकिया स्खाणे, होर एकिया परमेसरा रे दितिरे प्रकासन दसणे, होर एकिया अनजाण भासा मन्झ प्रभु किन्हें गल करणी, होर दूजेया तेसरा मतलब दसणा। ये सभ कुछ तुस्सा जो विस्वासी लोका जो मजबूत करणे रे कठे करणा चहिए।

1 कुरिन्थियो 14:3

पर जो भविस्यवाणी करहा, से विस्वासी लोका जो तिन्हारे विस्वासा मन्झ मजबूत हूंणे रे कठे मदद करहा। जेता ले तिन्हो हिम्मत मिली होर स्यों आपणे मना मन्झ तस्सली पाएं।

1 कुरिन्थियो 14:6

इधी कठे हे भाईयो होर बैहणो, अगर हांऊँ तुस्सा वाले आई किन्हें अनजाण भासा मन्झ गल्ला करूं, होर तेता रा मतलब नी समझाई सकूं ता तेता ले तुस्सा जो क्या फायदा हूंणां? एता रे बजाय अगर हांऊँ से गल तुस्सा जो दसु जेता रा परमेसरे प्रकासन दितिरा हो, या सच्च रा ज्ञान, या भविस्यवाणी, या उपदेसा री गल्ला दसु, ता तेता ले तुस्सा जो फायदा हूंणां।

1 तिमिथियुस 4:16

ध्यान रखा कि तुस्से आपणी जिन्दगी केह्ड़ी जिया करहे होर दूजेया जो क्या सखाई करहे, इन्हा गल्ला पर मजबूत बणी रह, क्यूंकि अगर तू एह्ड़ा करदा रैहन्गा, ता परमेसरा तेरे ज्रीए तु होर तेरे सुणने वाल़ेया जो आऊणें वाले न्याय ले बचाणा।

1 तिमिथियुस 4:6

अगर तू विस्वासी भाई बैहणा जो इन्हा गल्ला जो याद कुरांदा रहे, जो मैं ऐबे तुस्सा जो करणे रे कठे बोलिरी। होर विस्वासा रे संदेसा रे ज्रीए होर खरे उपदेसा रे ज्रीए जेस जो तू मनदा आईरा, तू मजबूत बनाई गईरा, ता तुध मसीह यीसू रा खरा सेऊआदार बणना।

2 तिमिथियुस 3:15

होर जेबे तू एक बच्चा ई था ता तैं पवित्र सास्त्रा जो सिख्या, जो तुस्सा री एस गल्ला जो समझणे मन्झ मदद करहा कि, जेबे तुस्से मसीह यीसू पर विस्वास करहे, ता परमेसर तुस्सा रा उद्धार करहा।

2 तिमिथियुस 4:2

कि तू परमेसरा रे बचना रा प्रचार कर; होर चाहे हालात खरे हो या नी, तू बचना रा प्रचार करणे रे कठे त्यार रेह। अगर लोके गलती कितिरी ता तू तिन्हों दसी दे, होर तिन्हा जो तिन्हारे पाप करणे रे कठे प्रुआच होर तिन्हों होंसला भी दे। ये सभ काम तू ध्याना किन्हें स्खान्दे हुए बड़े सबरा किन्हें करेया।

तितुस 2:15

इधी कठे हे तितुस, हांऊँ चाहां कि ये गल्ला जो मैं तेरे किन्हें कितिरी क्रेते टापू रे विस्वासी लोका जो सखा, तिन्हो हिम्मत दे कि स्यों इन्हा गल्ला जो इंहां ही करहे, होर जेथी जरूरत ई तिन्हो सुधारे, एह्ड़ा करणे रा तुजो पूरा हक आ। एस गल्ला जो पक्का करी ले कि जो तू सखा, तेता जो कोई बेकार नी जाणे।