1 तिमिथियुस 4:12 - मंडयाली नंऊँआं नियम

¹² कोई तेरी जुआनी जो बेकार नी समझणे पाए; पर जो गल्ला तू बोल्हा, होर आपणे चाल चलना रे ज्रीए, दूजेया रे कठे तेरे प्यारा रे ज्रीए, होर मसीह पर तुस्सा रे विस्वास होर तुस्सा री पवित्र जिन्दगी रे ज्रीए, तू विस्वासी लोका रे कठे एक उदाहरण बणी जा।

1 तिमिथियुस 4:12 Iomraidhean Croise

मत्ती 18:10

“देखा, तुस्से इन्हा छोटे बच्चे मन्झा ले केसी जो बेकार देख्या जाणदे; क्यूंकि हांऊँ तुस्सा किन्हें सच्च बोल्हा कि, स्वर्गा मन्झ तिन्हारे स्वर्गदूत मेरे स्वर्गीय बापू रे साम्हणें हमेसा हाजिर रैंहयां ऐं।

1 कुरिन्थियो 11:1

जिहां हांऊँ मसीह साहीं जिन्दगी जीहां, तिहां ईं तुस्से भी मेरे साहीं जिन्दगी जिया।

फिलिप्पियो 4:8

इधी कठे हे भाईयो होर बैहणो, जो-जो गल्ला सच्ची ई, जो-जो गल्ला आदरा रे लायक, होर जो-जो गल्ला ठीक ई, होर जो-जो गल्ला पवित्र ई, होर जो-जो गल्ला बांकी ई, होर जो-जो गल्ला तारीफ रे लायक ई, इधी कठे, जो-जो गल्ला सभी ले उतम होर बढ़ाई रे लायक ई, तिन्हा गल्ला पर तुस्सा रा मन लगेया रहे।

1 थिस्सलुनकियो 1:6

होर तुस्से बड़े दुःखा रे बीचा मन्झ भी पवित्र आत्मा रे ज्रीए मिलणे वाली खुसी साउगी खुसी री खबर ग्रैहण कितेया। होर तुस्से आस्सा रा होर आस्सा रे प्रभु यीसू मसीह साहीं जिन्दगी जींदे लगे।

1 थिस्सलुनकियो 2:10

तुस्से आपु ई गुआह ऐं, होर तिहां ईं परमेसर भी गुआह आ कि, तुस्सा सभी विस्वासी लोका साउगी आस्सा रा व्यवहार कितना पवित्र, धार्मिक, होर बेकसूर था।

1 तिमिथियुस 1:14

आस्सा रे प्रभुए हमेसा मेरे पर बौह्त ज्यादा अनुग्रह कितेया। होर मसीह यीसू साउगी एक हूंणे री वजहा ले तिन्हें मुंजो विस्वास होर प्यार दितेया।

2 तिमिथियुस 2:15

आपणे आपा जो परमेसरा रे ज्रीए ग्रहण करणे रे लायक बनाई किन्हें होर एह्ड़े सेऊआदारा रे रूपा मन्झ आपणे आपा जो दसणे री कोसिस करदे रैहया, जेस ले केसी भी गल्ला रे कठे सर्मिन्दा हूंणे री जरूरत नी हो। होर जो परमेसरा रे सच्चाई रे बचना जो ठीक तरहा ले इस्तेमाल करदा हो।

2 तिमिथियुस 2:22

तिन्हा बुरी गल्ला ले दूर रेह जेस जो करणे जो जुआना री इच्छा करी; होर जो सुद्ध मना ले प्रभु री अराधना करहा ऐं, तिन्हा साउगी धार्मिकता री जिन्दगी, विस्वास, प्यार, होर सांति रखी किन्हें अगे बढ़दे रहो।

2 तिमिथियुस 2:7

इन्हा उदाहरणा रे बारे मन्झ सोचा कि स्यों क्या स्खायें, होर प्रभुआ तुस्सा री मदद करणी कि तुस्से इन्हा गल्ला जो समझी सके।

तितुस 2:15

इधी कठे हे तितुस, हांऊँ चाहां कि ये गल्ला जो मैं तेरे किन्हें कितिरी क्रेते टापू रे विस्वासी लोका जो सखा, तिन्हो हिम्मत दे कि स्यों इन्हा गल्ला जो इंहां ही करहे, होर जेथी जरूरत ई तिन्हो सुधारे, एह्ड़ा करणे रा तुजो पूरा हक आ। एस गल्ला जो पक्का करी ले कि जो तू सखा, तेता जो कोई बेकार नी जाणे।

तितुस 2:7

होर हर गल्ला मन्झ आपणे भले कामा रा उदाहरण दे कि दूजे लोक भी तुस्सा जो देखी किन्हें आपणे आपा जो बदली दे, जेबे तू विस्वासी लोका जो परमेसरा रे बारे मन्झ सखाई करहा ता खरे मकसद साउगी सखा, जेता ले स्यों तुस्सा री इज्जत करहे।

याकूब 3:13

तुस्सा मन्झ जो ज्ञानी होर परमेसरा रे कामा जो समझणे वाल़ा आ, से आपणे भले कामा जो नम्रता होर समझदारी किन्हें करहे।

याकूब 3:17

पर जो ज्ञान परमेसर देआ से पैहले ता पवित्र हुंहाँ, फेरी सांति फैलाणे वाल़ा, कोमल होर विचारसील होर दया होर भले कामा किन्हें भरीरा होर तेस मन्झ पाखंडा होर कपट नी हुंदा।

1 पतरस 5:3

होर जो लोक तुस्सा जो सौंपे गईरे, तिन्हा पर हक नी जताऊआ, जिहां एक अधिकारी लोका पर आपणा हक जता पर झुंडा रे कठे एक खरा उदाहरण बणां।