1 तिमिथियुस 4:10 - मंडयाली नंऊँआं नियम

¹⁰ आस्से एस जिन्दगी जो पाणे रे कठे मैहनत होर कोसिस इधी कठे करहा ऐं, क्यूंकि आस्सा री आस तेस जिउंदे परमेसरा पर ई, जो सभ माह्णुंआं रा, होर खास कर विस्वासी लोका रा उद्धारकर्ता आ।

1 तिमिथियुस 4:10 Iomraidhean Croise

मत्ती 16:16

समौन पतरसे जवाब दितेया कि, “तू जिउंदे परमेसरा रा मह्ठा मसीह आ।”

मत्ती 27:43

इन्हें परमेसरा पर भरोसा रखिरा, अगर से एस जो चाहां, ता ऐबे एस जो छुड़ाई ले, क्यूंकि इन्हें बोलिरा था कि, “हांऊँ परमेसरा रा मह्ठा आ।”

यहून्ना 1:29

दूजे ध्याड़े यहून्ना बपतिस्मा देणे वाल़े यीसू जो आपणी तरफ आऊंदे देखी किन्हें बोल्या, “देखा, ये परमेसरा रा छेलू आ, जो संसारा रे पापा जो चक्की लैहां।

यहून्ना 4:42

होर तिन्हें तेस्सा ज्नाने किन्हें बोल्या, “ऐबे आस्से तेरे कैहणे ले ई विस्वास नी करदे, क्यूंकि आस्से आप्हुए सुणी लैया, होर जाणहां ऐं कि सच्चे येई संसारा रा उद्धारकर्ता आ।”

यहून्ना 5:24

“हांऊँ तुस्सा किन्हें सच्च -सच्च बोल्हा, जो मेरे बचन सुणी किन्हें मेरे भेजणे वाल़ेया रा विस्वास करहा, अनंत जिन्दगी तेसरी ई, होर तेस पर सजा रा हुक्म नी हुन्दा पर से मौता ले पार हुई किन्हें नौंईं जिन्दगी पाई चुकिरा।

1 कुरिन्थियो 15:10

पर अगर आज हांऊँ चुणिरा चेला आ ता परमेसरा रे अनुग्रह ले आ, होर तिन्हें जो अनुग्रह मेरे पर कितेया, से बेकार नी हुआ। पर मैं तिन्हा दूजे चुणिरे चेलेया ले बढ़ी किन्हें मैहनत किती; तेबे बी ये मेरी तरफा ले नी हुएया, पर परमेसरा रे अनुग्रहे मेरी बड़ी मदद किती कि हांऊँ तेसरा काम करी सकूं।

2 कुरिन्थियो 1:10

परमेसरे ही आस्से एह्ड़ी बडी मौता ले बचाए, होर तेस बचाणें भी; होर आस्सा जो होंसला कि तेस आस्से अगे भी बचान्दे रैंह्णां।

1 तिमिथियुस 2:3

एस तरीके किन्हें सब लोका रे कठे प्रार्थना करना सही आ, होर आस्सा रा उद्धारकर्ता परमेसर एता जो ग्रहण करहा।

1 तिमिथियुस 2:4

होर से ये चाहां कि, सभ माह्णुंआं रा उद्धार हो, होर स्यों सच्चाई ठीक ढंगा किन्हें जाणी सको।

1 तिमिथियुस 2:6

मसीहे आपणे आपा जो बलिदान रे रूपा मन्झ देई दितेया; ताकि सभी लोका जो पाप होर मौता ले छुड़ाई सके; तेसरी मौता रे ज्रीए परमेसरे ये साबित कितेया कि ठीक टैमा ले से सब लोका रा उद्धार करणा चाहां।

1 तिमिथियुस 3:15

अगर मुंजो आऊणें मन्झ टैम लगी जाए ता तुस्से एस चिठ्ठी रे ज्रीए जाणी लया कि, परमेसरा रे घरा रे सदस्य हूंणे रे नाते यानि जिउंदे परमेसरा री कलीसिया हूंणे रे नाते आस्सो आपणी जिन्दगी केह्ड़ी जीणी चहिए। जिहां निंऊँआं होर खम्बे घरा जो मजबूत रखे, तिहां ही ये विस्वासी लोक सच्चे उपदेसा जो मजबूत बणाई रखे।

1 तिमिथियुस 6:17

एस संसार रे अमीर लोका जो ये आदेस दे कि, स्यों घमंडी नी बणे, होर स्यों धना पर भरोसा नी रखे, जो हमेसा रे कठे नी आ, पर परमेसरा पर ई भरोसा रखे जो आस्सा रे सुखा रे कठे सभ कुछ भरपूरी किन्हें देहां।

इब्रानियो 11:26

तिन्हें मसीह रे कठे बेज्जत हूंणां, मिस्र देसा रे धन भण्डारा ले बढ़ी किन्हें समझ्या, क्यूंकि से आपणे इनाम पाणे रा इंतजार करी करहा था, जो परमेसरा तेस जो देणे वाल़ा था।

इब्रानियो 13:13

ता आऊआ बलिदान री बिधिया जो छाडी किन्हें यीसू वाले आये होर जिहां तिन्हें लोका रे तम्बू ले बाहर जाई किन्हें बेज्जती जो झेल्या ऐं, तिहां ही आस्से भी तेस बेज्जती जो झेल्हा ऐं।

1 पतरस 1:21

तिन्हें मसीहे जो कितिरा तेता री वजहा ले ई तुस्से परमेसरा पर विस्वास करहे। तिन्हें ही यीसू जो मरिरे मन्झा ले जिउंदा कितेया, होर तेस जो महिमा दिती। इधी कठे परमेसरा पर तुस्सा रा विस्वास होर आस दुहें मजबूत ऐं।

1 यहून्ना 2:2

मसीह आस्सा रे कठे बलिदान हुआ ताकि तेसरे ज्रीए आस्सा रे पापा रा प्रायस्चित हो: होर सिर्फ आस्सा रा ई नी, पर सारे संसारा रे लोका रे पापा रा भी प्रायस्चित हो।

1 यहून्ना 4:14

होर आस्से से मह्ठा देखी भी लया होर गुआही भी देहां ऐं कि, बापू परमेसरे आपणा मह्ठा, संसारा रा उद्धारकर्ता रे रूपा मन्झ भेज्या।