1 तिमिथियुस 3:8 - मंडयाली नंऊँआं नियम

⁸ कलीसिया रे अगुवे साहीं कलीसिया रे सेऊआदार भी एह्ड़े लोक हो जिन्हारी लोक इज्जत करदे हो, होर जो कुछ स्यों बोलदे हो तेता मन्झ इमानदार हो, सराबी होर दूजेया जो धोखा देई किन्हें पैसे कमाणे वाले नी हो।

1 तिमिथियुस 3:8 Iomraidhean Croise

रोमियो 3:13

“तिन्हारा मुंह मुस्का आऊणें वाली कब्रा साहीं जो खुलीरी, क्यूंकि स्यों जो बोले, गन्दा ही बोल्हा ऐं, स्यों दूजेया जो धोखा देणे वाली गल्ला बोले,” “तिन्हारी गल्ला जैहरले सांपा साहीं खतरनाक ई।”

फिलिप्पियो 1:1

हांऊँ पौलुस, तिमिथियुस साउगी ये चिठ्ठी लिखी करहा, होर आस्से यीसू मसीह रे सेऊआदार ऐं। हांऊँ ये चिठ्ठी फिलिप्पी सैहरा मन्झ रैहणे वाले परमेसरा रे पवित्र लोका रे कठे होर कलीसिया रे अगुवे होर सेऊआदारा रे नांऊँ लिख्या करहा।

1 तिमिथियुस 3:12

कलीसिया रे सेऊआदारा री एक ई लाड़ी हो, होर से आपणे बाल बच्चे साउगी आपणे घरा रे बाकि सदस्या जो ठीक ढंगा किन्हें चलाणे वाल़ा हो।

1 तिमिथियुस 3:2

होर इधी कठे ये जरूरी आ कि कलीसिया रे अगुवे वाले ये सारे गुण हो-कि से बेकसूर हो, होर तेसरी एक ई लाड़ी हो, होर समझदारी किन्हें काम करणे वाल़ा होर आपणे आपा पर काबू रखणे वाल़ा हो। होर से एह्ड़ा हो कि दूजे लोक तेसरी इज्जत करदे हो, होर आपणे घरा मन्झ प्रोहणेया रा आदर-खातर करणे वाल़ा, होर परमेसरा रे वचना जो सही ढंगा किन्हें स्खाणे वाल़ा हो।

1 तिमिथियुस 3:3

से दारुबाज या मारपीट करणे वाल़ा नी हो; बल्की दूजेया पर दया करणे वाल़ा हो। होर ना झगड़ा करणे वाल़ा हो होर ना पैसे रा लालच करणे वाल़ा हो।

1 तिमिथियुस 5:23

तू सिर्फ पाणी मत पी, पर आपणे पेटा रे होर आपणे बार-बार ब्मार हूंणे री वजहा ले थोह्ड़ा-थोह्ड़ा अंगूरा रा रस भी इस्तेमाल करेया कर।

तितुस 1:7

होर एक कलीसिया रा अगुवा परमेसरा रा भंडारी हूंणे री वजहा ले बेकसूर हूंणां चहिए; ना हठी, ना गुस्सा करणे वाल़ा, ना दारुबाज, ना मारपीट करणे वाल़ा हो, होर ना दूजेया जो धोखा देई किन्हें पैसे कमाणे री इच्छा रखदा हो।

तितुस 2:3

इंहां ही खपरी ज्नानिया रा स्वभाव भी पवित्र लोका साहीं हो। दूजेया जो बदनाम करणे वाली नी हो, होर ना सराबी नी हो; पर दूजेया जो खरा काम करणे रे कठे स्खाणे वाली हो।

याकूब 3:10

एक ई मुंहा ले धन्यावाद होर स्राप दोन्हो निकल्हा ऐं। हे भाईयो होर बैहणो, एह्ड़ा नी हूंणां चहिए।

1 पतरस 5:2

कि विस्वासी लोका रे झुंडा री देखभाल करा; जो परमेसरा री, होर जो तुस्सा जो दितिरी की तुस्से तिन्हारी देखभाल करी सको। होर तिन्हारी देखभाल खुसी किन्हें करहा, कोई जोर जबरदस्ती किन्हें नी, क्यूंकि ये ही परमेसरा री इच्छा ई। एह्ड़ा तुस्से नीच कमाई रे कठे नी, पर सच्चे तिन्हारी मदद करणे रे कठे करा।