1 तिमिथियुस 3:6 - मंडयाली नंऊँआं नियम

⁶ से एह्ड़ा माह्णुं नी हो, जो हाल्ले ही विस्वासी बणीरा हो, केते एह्ड़ा नी हो कि से घमंडी बणी जाये, होर परमेसर तेस जो तेस तरीके किन्हें सजा दे, जिहां सैताना जो भी घमंडी बणने पर सजा दितिरी थी।

1 तिमिथियुस 3:6 Iomraidhean Croise

लूका 10:18

तिन्हें तिन्हा किन्हें बोल्या, “हांऊँ जेबे दुस्टात्मे तुस्सा री गल मनी ली तेबे मैं सैताना जो बिजली साहीं स्वर्गा ले पऊन्दा देख्या करहा था।

1 कुरिन्थियो 3:1

हे भाईयो होर बैहणो, जेबे हांऊँ तुस्सा साउगी था तेबे हांऊँ तुस्सा जो गहरी गल्ला नी सखाई सकेया जिहां जे आत्मिक लोका जो सखाई जांहीं। मुंजो तुस्सा लोका किन्हें तिहां गल्ला करणी पई जिहां तुस्से संसारिक लोक ऐं, या एह्ड़ा जिहां तुस्से मसीह जिन्दगी मन्झ ऐबे भी बच्चे ऐं।

1 कुरिन्थियो 8:1

तुस्सा री चिठ्ठी मन्झ तुस्से मेरे ले मूर्ति रे साम्हणें बलि कितिरी चीजा रे बारे मन्झ भी पूछीरा था। हां, आस्से सब इन्हा गल्ला रे बारे मन्झ “कुछ ना कुछ जाणांहे।” पर जेबे ये ही ज्ञान लोका जो बडयाई करणे वाल़ा बणाई देहां, ता प्यार आस्सा जो आगे बधणे मन्झ मदद करहा।

2 कुरिन्थियो 12:7

पर परमेसरे मुंजो नौखे प्रकासन दितिरे, तेता रे बारे मन्झ बौह्त बडयाई नी करणी चहिए। इधी कठे तिन्हें मुंजो एक बौह्त बडी परेसानी जो झेलणे रे कठे देई दिति यानि मेरे सरीरा मन्झ एक कांडा देई दितेया। ये एह्ड़ा था जेहड़ा सैताना रा एक दूत मुंजो दुःख देहां ताकि हांऊँ बडयाई नी करूं।

1 तिमिथियुस 3:7

होर कलीसिया रे बाहरवाले मन्झ भी तेसरा नाम खरा हो, केते एह्ड़ा नी हो कि लोक तेसरे बारे मन्झ बुरी गल्ला करहे होर सैतान तेस जो फसाई ले।

1 तिमिथियुस 6:4

ता से बौह्त बडयाई करणे वाल़ा बणी गईरा, होर कुछ नी जाणदा। एह्ड़ा माह्णुं जो बेकारा री गल्ला पर होर सब्दा पर लड़ने होर बैहस करणे री ब्मारी ई। एता री वजहा ले हिर्ख, होर झगड़े, होर दूजेया री बदनामी, होर बुरे-बुरे सक पैदा हुंहाँ ऐं।

2 तिमिथियुस 3:4

दूजेया जो धोखा देणे वाले, ढीठ, आपु जो दूजेया ले बडे समझणे वाले होर परमेसरा किन्हें प्यार नी करणे वाले, पर सुख विलासा रे चाहणे वाले लोक हूंणे।

1 पतरस 2:2

जिहां नंऊँऐं जम्मिरे बच्चे माऊआ रे दुधा री इच्छा रखे, तुस्से भी परमेसरा रे बचना जो सीखणे री इच्छा रखा, ताकि आत्मिक रूपा ले स्याणे बणी सको। होर तेबे आखरी मन्झ परमेसरा तुस्से एस संसारा री बुरी गल्ला ले पूरी तरहा बचाई लेणे।

1 पतरस 5:5

एस तरीके किन्हें हे नौजुआनो, तुस्से भी कलीसिया रे स्याणे विस्वासी लोका री गल्ला जो मन्नेया करेया, बल्की बड़ी दीनता किन्हें एक दूजे री मदद करेया करणा। क्यूंकि पवित्र सास्त्रा मन्झ लिखिरे एक बचना जो आस्से पढ़े कि, “परमेसर बडयाई करणे वाल़ेया रा ता विरोध करहा, पर नम्र दीना पर अनुग्रह करहा।”

2 पतरस 2:4

तुस्से जाणांहे कि बौह्त पैहले कुछ स्वर्गदूते परमेसरा रे हुक्मा जो नी मन्नेया था, ता परमेसरे तिन्हो सजा दिति। तिन्हें स्यों दूत नरका मन्झ भेजी दिते, जेथी तिन्हो सांगला किन्हें बान्ही किन्हें नह्यारे मन्झ रखीरा, ताकि से न्याय रे ध्याड़े तक जेबे तक तिन्हो सजा मिले, तेथी पईरे रेहणा।

यहूदा 1:6

याद रखा परमेसरे केस तरीके से तिन्हा स्वर्गदूता जो सजा दिती, जो आपणे हका ले खुस नी थे, बल्की तिन्हें तिन्हा जो मिलिरे औहदे भी छाडी दिते, परमेसरे इन्हा दूता जो नह्यारे वाली जगहा मन्झ अनंत सांगला किन्हें बान्ही किन्हें रखिरा, जेस जो कोई तोड़ी नी सकदा, ताकि तेस महान न्याय रे ध्याड़े तिन्हारा न्याय कितेया जाये।