1 तिमिथियुस 3:5 - मंडयाली नंऊँआं नियम

⁵ जेबे कोई आपणे घरा-परिवारा जो ठीक ढंगा किन्हें चलाणा नी जाणदा हो, ता से सच्चे परमेसरा री कलीसिया जो सम्भाल्णा भी नी जाणदा।

1 तिमिथियुस 3:5 Iomraidhean Croise

चुणिरे चेले रे काम 20:28

“इधी कठे आपणी होर आपणे झुंडा री चौकसी करा; जेस ले पवित्र आत्मे तिन्हा जो कलीसिया रे अगुवे ठैहराईरा: ताकि तुस्से परमेसरा री तेस कलीसिया रा ध्यान रखा, जेस जो तिन्हें आपणे खूना रे बदले खरदी लईरा था।

1 कुरिन्थियो 10:32

हांऊँ जो कुछ भी करहा, तेता मन्झ सभी जो खुस रखणे री कोसिस करहा; हांऊँ आपणी भलाई नी सोचदा पर सभी री भलाई सोचा ताकि सब बची सको। इधी कठे तुस्से भी एस तरीके किन्हें जीया कि तुस्से यहूदी लोका रे कठे, या गैर-यहूदी लोका रे कठे, या परमेसरा री कलीसिया रे लोका रे कठे कोई भी परेसानी खड़ी नी करी सको, जेता ले स्यों मसीह पर विस्वास करणा छाडी दे।

इफिसियो 1:22

होर परमेसरे सभ कुछ मसीह रे पैरा हेठ करी दितेया, होर हर चीजा रा अगुवा बणाई किन्हें तेस जो कलीसिया रे भलाई रे कठे देई दितेया।

इफिसियो 5:24

जिहां कलीसिया मसीह रे अधीन ई, तिहां लाड़ीया भी हर गल्ला मन्झ आपणे-आपणे लाड़े रे अधीन रहे।

इफिसियो 5:32

एथी आस्सा जो समझणे रे कठे एक बौह्त गहरा उपदेस आ; पर जेथी तक मेरी गल ई, हांऊँ एस गल्ला री तुलना मसीह होर तेसरी कलीसिया किन्हें करहा।

1 तिमिथियुस 3:15

अगर मुंजो आऊणें मन्झ टैम लगी जाए ता तुस्से एस चिठ्ठी रे ज्रीए जाणी लया कि, परमेसरा रे घरा रे सदस्य हूंणे रे नाते यानि जिउंदे परमेसरा री कलीसिया हूंणे रे नाते आस्सो आपणी जिन्दगी केह्ड़ी जीणी चहिए। जिहां निंऊँआं होर खम्बे घरा जो मजबूत रखे, तिहां ही ये विस्वासी लोक सच्चे उपदेसा जो मजबूत बणाई रखे।