1 तिमिथियुस 3:3 - मंडयाली नंऊँआं नियम

³ से दारुबाज या मारपीट करणे वाल़ा नी हो; बल्की दूजेया पर दया करणे वाल़ा हो। होर ना झगड़ा करणे वाल़ा हो होर ना पैसे रा लालच करणे वाल़ा हो।

1 तिमिथियुस 3:3 Iomraidhean Croise

मत्ती 21:13

होर यीसूए तिन्हा किन्हें बोल्या, “पवित्र सास्त्रा मन्झ लिखिरा कि, मेरा मन्दर प्रार्थना रा घर बोल्या जाणा, पर तुस्से ता ये डाकुआ रा आडा बणाई दितिरा।”

चुणिरे चेले रे काम 20:33

“मैं केसी री चांदी रा सोने या कपड़े रा लालच नी कितेया।

रोमियो 16:18

क्यूंकि एह्ड़े लोक आस्सा रे प्रभु मसीह री सेऊआ नी करदे, पर आपणी व्यक्तिगत इच्छा जो पूरी करहा ऐं, होर चिकनी चुपड़ी गल्ला किन्हें सीधे सादे लोका जो धोखा दें।

इफिसियो 5:18

होर सराब पी किन्हें मुताली मत जाऊआ, क्यूंकि एता ले तुस्सा बेसरमा साहीं लुचपन करणे मन्झ पई जाणा, एता रे बजाय पवित्र आत्मा किन्हें भरी जाऊआ।

1 थिस्सलुनकियो 5:14

होर हे भाईयो होर बैहणो, आस्से तुस्सा ले अर्ज करहा ऐं कि, जो काम करणे मन्झ आलस करहा, तिन्हा जो समझाऊआ, डरपोका जो हिम्मत देआ, जो विस्वासा मन्झ कमजोर ऐं तिन्हो संभाला, सभी किन्हें सैहनसीलता रखा।

1 तिमिथियुस 3:8

कलीसिया रे अगुवे साहीं कलीसिया रे सेऊआदार भी एह्ड़े लोक हो जिन्हारी लोक इज्जत करदे हो, होर जो कुछ स्यों बोलदे हो तेता मन्झ इमानदार हो, सराबी होर दूजेया जो धोखा देई किन्हें पैसे कमाणे वाले नी हो।

2 तिमिथियुस 3:2

लोका सिर्फ आपणे आपा ले होर धना किन्हें प्यार करणे वाले बणी जाणा, बडयाई करणे वाले, घमंड करणे वाले, दूजेया री बदनामी करणे वाले, माऊ बापू रा हुक्म नी मनणे वाले, एहसान नी मनणे वाले, होर अपवित्र लोक हूंणे।

तितुस 1:11

इन्हारा मुंह बन्द करणा चहिए; कि ये लोक एह्ड़ा नी स्खायें, क्यूंकि जेबे स्यों एह्ड़ा स्खायें, ता स्यों सभ परिवारा रे विस्वासा जो बगाड़ी दे। स्यों पैसे कमाणे रे कठे एह्ड़ा स्खायें।

तितुस 1:7

होर एक कलीसिया रा अगुवा परमेसरा रा भंडारी हूंणे री वजहा ले बेकसूर हूंणां चहिए; ना हठी, ना गुस्सा करणे वाल़ा, ना दारुबाज, ना मारपीट करणे वाल़ा हो, होर ना दूजेया जो धोखा देई किन्हें पैसे कमाणे री इच्छा रखदा हो।

तितुस 2:3

इंहां ही खपरी ज्नानिया रा स्वभाव भी पवित्र लोका साहीं हो। दूजेया जो बदनाम करणे वाली नी हो, होर ना सराबी नी हो; पर दूजेया जो खरा काम करणे रे कठे स्खाणे वाली हो।

तितुस 3:2

केसी जो बदनाम नी करहे; झगड़ा नी करहे; पर दूजेया पर दया करहे, होर सभ माह्णुंआं किन्हें बड़ी नम्रता साउगी रहे।

इब्रानियो 13:5

आपणे आपा जो पैसे रे लालचा रे कठे दूर रखा, होर जो तुस्सा वाले आ, तेता मन्झ संतुस्ट रहुआ; क्यूंकि परमेसरे आपु बोलिरा कि, “मां तू कधी भी नी छाडणा, होर ना मां तू कधी भी त्यागणा।”

याकूब 4:1

तुस्सा मन्झ लड़ाईया होर झगड़े केथी ले आई गये? ये गल्ला तिन्हा बुरी इच्छा ले आहूँआं जो तुस्सा रे अंदर लड़दे रैहया ऐ।

1 पतरस 5:2

कि विस्वासी लोका रे झुंडा री देखभाल करा; जो परमेसरा री, होर जो तुस्सा जो दितिरी की तुस्से तिन्हारी देखभाल करी सको। होर तिन्हारी देखभाल खुसी किन्हें करहा, कोई जोर जबरदस्ती किन्हें नी, क्यूंकि ये ही परमेसरा री इच्छा ई। एह्ड़ा तुस्से नीच कमाई रे कठे नी, पर सच्चे तिन्हारी मदद करणे रे कठे करा।

2 पतरस 2:3

एह्ड़े स्खाणे वाले लोक लालची हूंणे, होर मन घड़न्त कहाणीया बणाई किन्हें पैसा कमाणे रे कठे तुस्सा जो धोखा देणा। परमेसरे बौह्त पैहले ले ही इन्हों सजा देणे रा फैसला कितिरा था। होर ऐबे से करणे रे कठे त्यार आ, तेस सच्चे स्यों नास करी देणे।

यहूदा 1:11

तिन्हा जो बौह्त सजा मिलणी! तिन्हें आदमा रे मह्ठे कैना साहीं बुरे काम किते, जिन्हें आपणे भाई रा खून कितेया। जिहां बिलामे पैसा कमाणे रे कठे लोका ले पाप कुराया था, तिहां ही जल्दबाजी मन्झ झूठे उपदेस देणे वाले भी ये गलती किती। होर जिहां मूसा रे विरोध करणे री वजहा ले परमेसरे कोरहा जो नास करी दितिरा था, तिहां ही ये लोक भी नास किते जाणे, क्यूंकि ये लोक प्रभु रा बिरोध करी करहा ऐं।

प्रकासना री गल्ला 1:9

हांऊँ यहून्ना तुस्सा रा विस्वासी भाई आ। यीसू मसीह साउगी एक हूंणे री वजहा ले हांऊँ दुःख सहन करहा, जिहां तुस्से भी करहे। हांऊँ परमेसरा रे राज्जा रा, जिहां कि तुस्से भी ऐ। होर मुंजो भी धीरज रखणा चहिए, जिहां कि तुस्से भी रखे। परमेसरा रे बचना रा प्रचार, होर मसीह रे सच्चे उपदेसा जो सुनाणे री वजहा ले कैदी बणाई किन्हें हांऊँ पतमुस टापू जो भेजी दितेया।