1 तिमिथियुस 3:2 - मंडयाली नंऊँआं नियम

² होर इधी कठे ये जरूरी आ कि कलीसिया रे अगुवे वाले ये सारे गुण हो-कि से बेकसूर हो, होर तेसरी एक ई लाड़ी हो, होर समझदारी किन्हें काम करणे वाल़ा होर आपणे आपा पर काबू रखणे वाल़ा हो। होर से एह्ड़ा हो कि दूजे लोक तेसरी इज्जत करदे हो, होर आपणे घरा मन्झ प्रोहणेया रा आदर-खातर करणे वाल़ा, होर परमेसरा रे वचना जो सही ढंगा किन्हें स्खाणे वाल़ा हो।

1 तिमिथियुस 3:2 Iomraidhean Croise

लूका 1:6

होर स्यों दुहें परमेसरा रे साम्हणें धर्मी थे, होर प्रभु रे सारे हुक्मा होर बिधिया पर खराई किन्हें चलणे वाल़े थे।

लूका 2:36

होर हन्नाह नांऊँआं री एक नबण मंदरा मन्झ थी। से असेरा रे गोत्रा मन्झा ले फनूएला नांऊँआ रे आदमी री मह्ठी थी। से बौह्त स्याणी थी, होर ब्याह हूंणे ले बाद सात साला तक आपणे लाड़े साउगी रही थी।

रोमियो 12:13

परमेसरा रे पवित्र लोका जो जिन्हा चीजा री कमी हो, तेता जो पूरी करणे मन्झ तिन्हारी मदद करा; अजनबीया रा आदर-खातर करणे मन्झ लगी रैहया।

फिलिप्पियो 2:15

ताकि तुस्से बेकसूर होर भोले हुई किन्हें संसारा रे टेढ़े होर ढीठ लोका रे बीचा मन्झ परमेसरा रे सिद्ध बच्चे बणी किन्हें रैहया। एस संसारा रे लोका रे बीचा मन्झ आसमाना रे तारे साहीं चमकदे हुए तिन्हो परमेसरा रा बचन सुणाऊआ जो तिन्हो अनंत जिन्दगी देआ।

1 तिमिथियुस 3:12

कलीसिया रे सेऊआदारा री एक ई लाड़ी हो, होर से आपणे बाल बच्चे साउगी आपणे घरा रे बाकि सदस्या जो ठीक ढंगा किन्हें चलाणे वाल़ा हो।

1 तिमिथियुस 3:8

कलीसिया रे अगुवे साहीं कलीसिया रे सेऊआदार भी एह्ड़े लोक हो जिन्हारी लोक इज्जत करदे हो, होर जो कुछ स्यों बोलदे हो तेता मन्झ इमानदार हो, सराबी होर दूजेया जो धोखा देई किन्हें पैसे कमाणे वाले नी हो।

1 तिमिथियुस 4:3

स्यों स्खायें कि लोक ब्याह नी करहे, होर स्यों खाणे पीणे री चीजा ले भी रोक्हा ऐ। पर परमेसरे युयां चीजा तिन्हा विस्वासी लोका रे कठे बणाईरी, जो सच्चे उपदेसा जो जाणांहे कि, स्यों प्रार्थना करी किन्हें धन्यावादा रे साउगी इन्हा चीजा जो खाई सके।

1 तिमिथियुस 5:10

होर दूजे लोक तिन्हारे बारे मन्झ ये बोलदे हो कि तेस्से हमेसा भले काम कितिरे, जिहां कि तेस्से आपणे बच्चे रा पालन पोसण खरे किन्हें कितिरा। सफर करणे वाले विस्वासी लोका जो आपणे घरा मन्झ सादी किन्हें तिन्हारी आदर-खातर कितिरा, तिन्हें परमेसरा रे पवित्र लोका री बड़ी नम्रता किन्हें सेऊआदारा साहीं तिन्हारी सेऊआ कितिरी, जो लोक दुखा मन्झ थे तिन्हारी मदद कितिरी। होर तिन्हें हर एक भले कामा जो मन ल्गाईरा किन्हें कितिरा।

1 तिमिथियुस 5:22

पर केसी जो भी हाथ रखी किन्हें परमेसरा री सेऊआ मन्झ नियुक्त करणे रे कठे जल्दबाजी मत कर, होर अगर तुस्से एह्ड़ा करहे ता तुस्से भी तेसरे पापा रे जिम्मेदार बणना; आपणे आपा जो पवित्र बणाए रख।

1 तिमिथियुस 5:9

विधवा जनानिया रे नांऊँआ री सूची मन्झ, जिन्हों विस्वासी लोक लगातार मदद करहे, तेता मन्झ सिर्फ तिन्हा विधवा रे नाऊँ लिखे जाये, जो साठ साला री उम्रा ले ज्यादा हो, होर जेसरा एक ई लाड़ा हो।

2 तिमिथियुस 2:24

होर प्रभु रे सेऊआदारा जो झगड़ा करणे वाल़ा नी हूंणां चहिए, तेस जो सभी साउगी दया किन्हें बर्ताव करणा चहिए, होर परमेसरा रे बचना जो खरे किन्हें स्खाणे वाल़ा होर आपणे व्रोध करणे वाल़ेया किन्हें सबर रखणे वाल़ा हूंणा चहिए।

तितुस 2:2

खपरे आदमिया जो सखाया कि स्यों आपणे आपा पर काबू रखे होर तिन्हारा स्वभाव एह्ड़ा हो कि सब तिन्हारी इज्जत करहे, होर समझदारी किन्हें काम करणे वाले हो। परमेसरा पर मजबूत विस्वास करणे वाले, दूजेया किन्हें सच्चा प्यार करणे वाले होर सभ गल्ला मन्झ धीरज रखणे वाले हो।

इब्रानियो 13:2

अजनबीया रा भी आदर-खातर करहा, क्यूंकि एह्ड़ा करदे हुए कई लोके अनजाणे मन्झ स्वर्गदूता रा आदर-खातर कितेया।

इब्रानियो 3:14

जो विस्वास आस्सा रा मसीह जो अपनाणे टैमा मन्झ था, अगर आखरी ध्याड़े तक हिम्मता साउगी आस्से आपणे तेस विस्वासा मन्झ बणी रैहन्गे, ता तेबे आस्सा मसीह साउगी साझी बणी जाणा।

1 पतरस 4:7

सभ गल्ला रा अंत जल्दी हूंणे वाल़ा आ; इधी कठे चतन्न रही किन्हें आपु पर काबू रखा होर प्रार्थना रे कठे त्यार रहा।

1 पतरस 4:9

बगैर केसी सिकायत किन्हें तुस्सा रे घरा मन्झ आईरे मैहमाना री आदर-खातर करहा।

1 पतरस 5:8

चतन्न रैहया, होर त्यार रैहया, क्यूंकि सैतान तुस्सा रा व्रोधी आ, जो तुस्सा पर वार करणा चाहां ताकि तुस्से परमेसरा रे हुकमा जो नी मान्नो। से गुर्राणे वाले सेरा साहीं एस ताका मन्झ रैंहयां कि, केस जो फाड़ी किन्हें खाई दे।