1 तिमिथियुस 3:16 - मंडयाली नंऊँआं नियम

¹⁶ होर एता मन्झ कोई सक नी आ कि, परमेसरे जो सच्ची खबर जाहिर कितिरी, से पूरी तरहा ले सच्च ई, मसीह जो माह्णुं रे रूपा मन्झ जाहिर हुआ, पवित्र आत्मे तेस जो हर कामा मन्झ धर्मी ठैहर्या, स्वर्गदूते से देखेया, होर स्वर्गा री महिमा री वखा जो से चकी लितेया गया, लोके तेसरे बारे मन्झ जाति-जाति मन्झ प्रचार कितेया, संसारा रे लोके तेस पर विस्वास कितेया।

1 तिमिथियुस 3:16 Iomraidhean Croise

मत्ती 1:23

“कि देखा, एक कुआरिया गर्भ धारण करणा होर तेस्सा एक बच्चे जो जन्म देणा, होर तेसरा नांऊँ इम्मानुएल रख्या जाणा,” इम्मानुएल रा मतलब आ “परमेसर आस्सा साउगी।”

मत्ती 13:11

होर यीसूए बोल्या कि, “तुस्सा जो स्वर्गा रे राजा रे भेदा री समझ दितीरी, पर तिन्हा जो नी।

मत्ती 28:2

होर एक बौह्त बड़ा हिलण हुआ, क्यूंकि प्रभु रा एक स्वर्गदूत उतरेया, होर नेडे आई किन्हें तिन्हें पात्थर धकेली दितेया, होर तेस पर बैठी गया।

मत्ती 3:16

होर यीसू बपतिस्मा लई किन्हें झटपट पाणी ले बहार आया, होर तेसरे कठे आसमान खुल्ही गया; होर परमेसरा री आत्मा जो कबूतरा रे रूपा मन्झ आपणे गास उतरदे देख्या।

मत्ती 4:11

तेबे सैतान तेस वाले ले चली गया, होर स्वर्गदूत आई किन्हें तेसरी सेऊआ करदे लगे।

मरकुस 1:13

होर तेथी चाली ध्याड़े तक सैताने तेसरी परखणी किती; होर से जंगली जानवरा साउगी रैहया; होर स्वर्गदूत तेसरी सेऊआ करदे रहे।

मरकुस 16:19

होर प्रभु यीसू तिन्हा किन्हें गल्ला करणे ले बाद स्वर्गा जो चकी लितेया गया, होर परमेसरा रे सीधी वखा जो बैठी गया।

मरकुस 16:5

होर डुआरा रे अंदर जाई किन्हें, तिन्हें एक जुआना जो चीटे कपड़े पैहनीरे सीधी वखा जो बैठिरे देख्या, होर स्यों बौह्त हरान हुई गई।

लूका 2:32

कि से अन्यजाति लोका रे कठे परमेसरा जो देखणे री ज्योति ई, होर तेरे आपणे लोक इस्राएल देसा रे कठे महिमा आ।”

लूका 20:44

राजा दाऊद आपु भी तेस जो प्रभु बोल्हा, ता से तेसरा मह्ठा किहाँ बणेया?

लूका 22:43

तेबे स्वर्गा ले एक स्वर्गदूत तेस जो सुझ्या जो तेस जो सामर्थ देहां था।

लूका 24:4

जेबे स्यों ज्नानिया एस गल्ला ले हरान हुएया करहा ई थी ता दो मर्ध जिन्हें जे चमकीले कपड़े पैहनीरे थे तिन्हा वाले खड़ी गये।

लूका 24:51

होर तिन्हा जो आसीस देंदे हुए से तिन्हा ले लग हुई गया होर स्वर्गा जो चकी लितेया गया।

यहून्ना 1:14

होर परमेसरा रे बचने माह्णुं रा रूप धारण कितेया, होर अनुग्रह होर सच्चाई किन्हें भर्ही किन्हें आस्सा मन्झ डेरा कितेया, होर आस्से तेसरी एह्ड़ी महिमा देखी, जेह्ड़ी बापू रे एकलौते मह्ठे री।

यहून्ना 13:3

यीसूए ये जाणी किन्हें कि बापूए सब कुछ तेसरे हका मन्झ करी दितिरा होर से परमेसरा ले आईरा, होर परमेसरा वाले वापस जाया करहा।

यहून्ना 15:26

पर जेबे तेस्सा पवित्र आत्मा आऊंणा जो तुस्सा री मददगार ई, होर जो तुस्सा जो सच्चाई पर लेई जांहीं। जेस जो मां तुस्सा रे कठे बापू वाले ले भेजणी, होर तेस मेरे बारे मन्झ गुआही देणी।

यहून्ना 16:28

हांऊँ बापू री तरफा ले संसारा मन्झ आईरा, होर दबारा संसारा जो छाडी किन्हें बापू वाले जाहाँ।”

यहून्ना 17:5

होर ऐबे, हे बापू, जो महिमा मेरी तुस्सा साउगी संसारा रे रचणे ले पैहले थी, तेस महिमा ले आपणे साउगी मेरी महिमा करहा।”

यहून्ना 20:12

जेथी जे यीसू री ल्हास रखिरी थी तेथी तेस्से दो स्वर्गदूत देखे जिन्हें चिट्टे कपड़े पैहनीरे थे एकी जो सरहाणे होर दूजे जो पैंदे बैठिरे देख्या।

यहून्ना 6:62

होर अगर तुस्से हांऊँ माह्णुं रा मह्ठा स्वर्ग जांदे देखणा, जेथी हांऊँ पैहले था ता क्या हूंणा?

चुणिरे चेले रे काम 1:19

होर एस गल्ला जो यरुस्लेम सैहरा रे सब रैहणे वाले जाणी गये। इधी कठे तिन्हें तेस खेता रा नांऊँ तिन्हारी भासा मन्झ हकलदमा मतलब खूना रा खेत रखेया।)

चुणिरे चेले रे काम 10:34

तेबे पतरस ग्लान्दा लगेया; ऐबे हांऊँ पक्का समझी गया कि, परमेसर केसी रा भेदभाव नी करदा।

चुणिरे चेले रे काम 14:27

होर अन्ताकिया सैहरा मन्झ पुज्ही किन्हें, तिन्हें कलीसिया कठी किती होर दसेया कि, परमेसरे आस्सा साउगी केह्ड़े बडे-बडे काम किते! होर अन्यजाति लोका जो प्रभु यीसू पर विस्वास करणे रे कठे मदद किती।

चुणिरे चेले रे काम 20:28

“इधी कठे आपणी होर आपणे झुंडा री चौकसी करा; जेस ले पवित्र आत्मे तिन्हा जो कलीसिया रे अगुवे ठैहराईरा: ताकि तुस्से परमेसरा री तेस कलीसिया रा ध्यान रखा, जेस जो तिन्हें आपणे खूना रे बदले खरदी लईरा था।

रोमियो 10:12

यहूदी लोका होर गैर-यहूदी लोका मन्झ कुछ फर्क नी हाया, इधी कठे कि परमेसर सभिरा प्रभु आ; होर जो मदद रे कठे तेजो हाका पाए तिन्हो बौह्त आसीस देआ।

रोमियो 10:18

पर हांऊँ तुस्सा किन्हें बोला कि पक्का यहूदी लोके मसीह रे बारे मन्झ सुणेया ता हूँगा। क्यूंकि पवित्र सास्त्रा मन्झ लिखिरा कि, “तिन्हारी अवाज सारी धरती पर, होर तिन्हारे बचन संसारा रे हर जगहा पूजी गये।”

रोमियो 16:25

ऐबे आस्से परमेसरा री बढ़ाई करहे, जो तुस्सा जो मेरे सुणाई री खुसी री खबरा रे ज्रीए यानि यीसू मसीह रे बारे मन्झ कितिरे प्रचार रे मताबक, तुस्सा जो विस्वासा मन्झ मजबूत करी सक्हा। यीसू मसीह रे एस प्रचारे तुस्सा अन्यजाति लोका रे कठे परमेसरा री योजना जो जाहिर करी दितिरा, से योजना जो सुर्हू ले ही भेदा मन्झ ल्कोई रखिरी थी।

रोमियो 16:26

होर जिहां सुर्हू ले परमेसरे हुक्म दितेया होर नबिया रे ज्रीए लिखी गया, ऐबे ये ल्कोईरी गल्ल सब जाति रे लोका मन्झ प्रचार किती गई, ताकि स्यों भी परमेसरा पर विस्वास करणे वाले, होर तेसरे हुक्म मनणे वाले बणी जाऐ।

रोमियो 3:4

नी, कधी नी! सिर्फ परमेसर ई हमेसा आपणे वादे रे प्रति पर सच्चा आ, पर हर एक माह्णुं झूठा आ, जिहां पवित्र सास्त्रा मन्झ परमेसरा रे बारे मन्झ लिखिरा, “ताकि तू आपणी सभ गल्ला मन्झ सच्चा निकले, होर जेबे न्याय हूंणा तेबे तू जीती जाये।”

रोमियो 8:3

मूसा री व्यवस्था आस्सो नी बचाई सकदी, क्यूंकि पापा रा स्वभाव व्यवस्था जो कमजोर बणा। पर परमेसरे आपणे मह्ठे जो आस्सा पापी लोका री समानता मन्झ एस संसारा मन्झ भेजी किन्हें होर आस्सा रे पापा रे कठे बलिदान करी किन्हें तिन्हें आस्से बचाई दिते। परमेसरे मसीह रे सरीर मन्झ पापा री सजा रा हुक्म देई दितेया।

रोमियो 9:5

अब्राहम, इसहाक होर याकूब जेह्ड़े बडे लोक तिन्हारे बापदादे ऐं, होर मसीह भी माह्णुं हूंणे रे नाते इस्राएल देसा रा था। परमेसर जो सभी ले गास राज करहा, तेसरी बड़ाई जुग-जुग हुन्दी रहे। आमीन।

1 कुरिन्थियो 15:47

पैहला माह्णुं धरती ले यानि माटे रा बणिरा था; दूजा माह्णुं यानि मसीह स्वर्गा ले आईरा था।

1 कुरिन्थियो 2:7

पर आस्से परमेसरा रे तेस ज्ञाना रे बारे मन्झ दस्हा ऐं जो लुख्ही रा था, जेस जो ऐबे तक हाल्ले केसिए नी समझ्या। पर आस्सा पर ये गल जाहिर हुईरी कि परमेसरे सृस्टी जो रचणे ले पेहले ही आपणे ज्ञाना मन्झ ये तय कितेया कि आस्सा जो तेसरी महिमा मिलणी।

2 कुरिन्थियो 1:19

क्यूंकि परमेसरा रा मह्ठा प्रभु यीसू मसीह जेसरे बारे मन्झ हांऊँ, सिलास होर तिमिथियुस प्रचार करहे, से प्रभु यीसू सच्चा आ; तेस मन्झ हां होर नांह दुंहें नी थी, पर तेता मन्झ “हां” ईं “हां” हुई थी।

गलातियो 2:8

क्यूंकि परमेसरे जिन्हें पतरसा जो यहूदी लोका रे कठे चुणिरा चेला नियुक्त कितेया, तिन्हें ई हांऊ भी नियुक्त कितिरा था कि हांऊँ गैर-यहूदी लोका रे कठे चुणिरा चेला बणुं।

गलातियो 4:4

जेबे परमेसरा रा तय कितिरा टैम पूरा हुआ, ता तिन्हें आपणा मह्ठा एस संसारा मन्झ भेज्या, होर एक ज्नाने ले से जम्मेया, तिन्हें यहूदी लोका मन्झ जन्म लितेया होर मूसा री व्यवस्था जो मन्हा था।

इफिसियो 1:9

सेई कितेया, जेसरी तिन्हें योजना बणाईरी थी। तिन्हें आस्सा पर आपणी ल्कोईरी योजना जाहिर किती, जो तिन्हें पैहले ले ही मसीह रे ज्रीए पूरी करणे रा फैसला लितिरा था।

इफिसियो 6:19

होर मेरे कठे भी प्रार्थना करदे रैहया कि, परमेसर मुंजो बोलणे रे टैम सही सब्द दे, ताकि हांऊँ बगैर डरे खुसी री खबरा रे बारे मन्झ लुख्ही री योजना जो सुणाई सकूं कि, ये खुसी री खबर सभ लोका रे कठे ई।

कुलुस्सियो 1:23

पर तुस्से मसीह रे विस्वासा री नींऊँआं पर मजबूत बणी रहो। तेस आसा नी छाडो जो तुस्सा जो खुसी री खबरा सुणने पर मिलिरी, जेसरा प्रचार सारे संसारा रे लोका रे कठे पुरे संसारा मन्झ कितिरा। होर हांऊँ पौलुस एस खुसी री खबरा जो सुणाणे रा सेऊआदार बणेया।

कुलुस्सियो 1:27

क्यूंकि परमेसर चाहां था कि तेसरे लोक ये जाणी ले कि मसीह रे धन होर महिमा तुस्सा गैर-यहूदी लोका रे कठे भी हाई। होर लुख्ही री गल येई कि मसीह तुस्सा मन्झ वास करहा। होर एता ले आस्सो येह हिम्मत मिली कि आस्सा तेसरी महिमा रे साझीदार हूंणा।

कुलुस्सियो 1:6

ये खुसी री खबर जिहां तुस्सा रे बीचा मन्झ सुणाई गई, तिहां ही संसारा रे कई देसा मन्झ सुणाई जाई करहा ई, होर बौह्त लोक तुस्सा साहीं मसीह पर विस्वास करेया करहा ऐं। होर पैहले ध्याड़े ले ही तुस्से तेस सच्ची खबरा जो पुरे तरीके किन्हें समझी गये कि, किहाँ परमेसरे बड़ा अनुग्रह करी किन्हे मसीह पर विस्वास करणे वाल़ेया रे पापा जो माफ करी देआ।

कुलुस्सियो 2:2

हांऊँ इधी कठे मेहनत करहा ताकि तुस्सा सभी जो आत्मिक रूपा ले होंसला मिले, होर तुस्से सभ प्यारा मन्झ किन्हें मिली जुली किन्हें रहो। हांऊँ चाहां कि तिन्हो पूरा भरोसा हो क्यूंकि तिन्हो बापू परमेसर रे गुप्त विचारा री पूरी समझ ई। होर ये गुप्त विचार मसीह आपु आ।

2 थिस्सलुनकियो 1:10

ये गल्ला तेबे हूणीं जेबे यीसू मसीह दबारा वापस आऊंणा, होर परमेसरा रे पवित्र लोका तेसरी बढ़ाई करणी, होर तेस पर विस्वास करणे वाले मन्झ हरानी री वजहा बणने रे कठे आऊंणा। होर तुस्से भी तिन्हा लोका साउगी हूंणा जिन्हा तेस ध्याड़े तेसरी बढ़ाई करणी, क्यूंकि तुस्से तेसरे बारे मन्झ आस्सा री गुआही पर विस्वास कितेया।

2 थिस्सलुनकियो 2:7

तेस दुस्ट आदमी री सामर्थ संसारा मन्झ गुप्त तरीके किन्हें काम करेया करहा ई, पर तेस जो रोकणे वाल़ा एक आ, होर तेस रोकणे वाले से तेबे तक रोकी रखणा, जेबे तक तेस जो टाही नी दे।

1 तिमिथियुस 3:9

पर तिन्हा जो सुद्ध अंतरात्मा ले तेस सच्ची खबरा पर विस्वास करणा चहिए, जो परमेसरे जाहिर कितिरी।

इब्रानियो 1:3

मह्ठा ही परमेसरा री महिमा रे प्रयासे जो जाहिर करहा, होर हर तरहा ले तेसरे हूबहू आ। से आपणी सामर्थी हुकमा रे ज्रीए संसार रे चलने री वजहा बणा। तिन्हें सभ लोका जो तिन्हारे पापा ले सुद्ध कितेया, होर तेता ले बाद स्वर्गा मन्झ परमेसरा री महिमा रे सीधी वखा जो आपणी जगहा लेई किन्हें बैठेया।

इब्रानियो 12:2

आस्सो विस्वासा री वखा जो लेई जाणे वाले, होर आस्सा रे विस्वासा जो सिद्ध करणे वाले, यीसू री तरफ देखदे रहे। जिन्हें तेस्सा खुसी रे कठे जो तेस जो बादा मन्झ मिलणे वाली थी, बेज्जती री परवाह नी करी किन्हें क्रूसा प्रयाल्हे मरी गया, होर राजगद्दी पर परमेसरा रे सीधी वखा जो बैठी गया।

इब्रानियो 7:7

होर आस्से पक्का जाणांहे कि जो आसरीवाद देहां से आसीस लेणे वाले ले बडा हुंहाँ।

इब्रानियो 8:1

ऐबे जो गल्ला आस्से बोल्या करहा ऐं, तिन्हा मन्झा ले सभी ले बडी गल्ल येई कि, आस्सा वाले एह्ड़ा ही बडा याजक आ, जो स्वर्गा मन्झ तेस म्हान परमेसरा री राजगद्दी री सीधी वखा जो बैठी गया।

1 पतरस 1:12

पर परमेसरे नबिया पर ये गल जाहिर किती कि, स्यों जो गल्ला बोल्या करहा ऐं थे, स्यों तिन्हारे कठे नी पर तुस्सा रे कठे ई। से गल मसीह रे बारे मन्झ खुसी री खबर ई जो तुस्से ऐबे सुणी लईरी, परमेसरे पवित्र आत्मा जो स्वर्गा ले भेजी किन्हें लोका री मदद किती कि स्यों तुस्सा जो खुसी री खबर सुणाहें, होर ये बड़ी हरानी गल्ला ई कि स्वर्गदूत भी बड़े गौरा किन्हें इन्हा गल्ला जो हुंदे हुए देखी करहा ऐं।

1 पतरस 1:20

संसारा जो रचणे ले बौह्त पैहले ले ही परमेसरे फैसला करी लितिरा था कि यीसू मसीह ही उद्धारकर्ता हूंणा, पर ऐबे से आखरी ध्याड़े मन्झ एस संसारा मन्झ आया ताकि तुस्सा री मदद करी सके।

1 पतरस 1:21

तिन्हें मसीहे जो कितिरा तेता री वजहा ले ई तुस्से परमेसरा पर विस्वास करहे। तिन्हें ही यीसू जो मरिरे मन्झा ले जिउंदा कितेया, होर तेस जो महिमा दिती। इधी कठे परमेसरा पर तुस्सा रा विस्वास होर आस दुहें मजबूत ऐं।

1 पतरस 3:18

हांऊँ एह्ड़ा इधी कठे बोल्हा क्यूंकि मसीह सिर्फ एक ही बारी आस्सा रे पापा रे कठे दुःख सहन करी किन्हें मारी दितेया। से एक धर्मी माह्णुं था जो आस्सा अधर्मिया रे कठे मरी गया, ताकि से आस्सा जो परमेसरा रे नेडे ल्याई सके; तिन्हें तेसरा सरीर खत्म करी दितेया पर तेसरी आत्मा जिउंदी।

1 पतरस 3:22

होर से स्वर्गा मन्झ चली गईरा। ऐबे से तेथी परमेसरा रे सीधी वखा जो आ, जो सभी ले खास जगहा ई; होर से सभ स्वर्गदूत होर अधिकारी होर सामर्था गास राज करहा।

1 यहून्ना 1:2

(होर से जिन्दगी एस संसारा मन्झ आई, होर आस्से से देख्या, होर आस्से तेसरी गुआही ऐं। होर आस्से तुस्सा जो तेसरे बारे मन्झ दसा ऐं जो अनंत जिन्दगी ई, जो बापू साउगी था होर एस संसारा मन्झ आया।)

1 यहून्ना 3:5

होर तुस्से जाणहां ऐं कि, यीसू मसीह इधी कठे आया कि, पापा जो दूर करहे; होर तेस मन्झ कोई पाप नी आ।

1 यहून्ना 3:8

जो कोई बार-बार पाप करहा, से सैताना रा आ, क्यूंकि सैतान संसारा रे रचणे रे पैहले ले ही पाप करदा आईरा; परमेसरा रा मह्ठा इधी कठे आया ताकि से सैताने रे कामा रा नास करहे।

प्रकासना री गल्ला 17:5

होर तेस्सा रे माथे पर एक लकोई रे मतलबा वाल़ा नांऊँ लिखिरा था। तिन्हें बोल्या, “हांऊँ बडा बाबेल सैहर आ, होर हांऊँ धरती री सभ वेस्या री, होर दुस्ट चीजा री माऊ ई।”

प्रकासना री गल्ला 17:7

तिन्हें स्वर्गदूते मेरे किन्हें बोल्या, “तू हरान मत हो। हांऊँ एस्सा ज्नानिया रा होर तेस राक्सा रा जेस पर से सुआर आ, होर जेसरे सात मूंड होर दस सींग ऐं, तेता री ल्कोईरी गल हांऊँ तुजो दस्हा।

प्रकासना री गल्ला 7:9

एता ले बाद मैं देख्या कि मेरे साम्हणें एक बडी भीड़ खड़ी थी, जेसरी गिणती कोई नी करी सक्दा था। तेस्सा भीड़ा मन्झ लग-लग देसा रे लोक, होर हर कुला रे लोक, होर जातिया रे लोक, होर लग-लग भासा बोलणे वाले लोक थे, स्यों तेस राजगद्दी होर तेस छेलू रे साम्हणें खड़ीरे थे। तिन्हें चिटे कपड़े पैहनीरे थे, होर खुसी मनाणे रे रूपा मन्झ तिन्हें आपणे हाथा मन्झ खजरे रे पांगे लईरे थे।