1 तिमिथियुस 3:13 - मंडयाली नंऊँआं नियम

¹³ क्यूंकि जिन्हें सेऊआदारा रा काम ठीक ढंगा किन्हें पूरा कितेया, से आपणे कठे एक खरा नाम कमाई लेया। होर से बड़ी हिम्मता किन्हें यीसू मसीह पर विस्वास करणे रे बारे मन्झ दूजे लोका जो दसा।

1 तिमिथियुस 3:13 Iomraidhean Croise

मत्ती 20:28

हांऊँ माह्णुं रा मह्ठा इधी कठे नी आईरा कि, मेरी सेऊआ किती जाए, पर इधी कठे आईरा कि, हांऊँ आपु दूजे री सेऊआ करूं, होर कईया रे छुटकारे रे कठे आपणी जान देऊँ।”

मत्ती 25:21

तेसरे माल्के तेस किन्हें बोल्या, ‘बौह्त बढ़िया, हे खरे होर भरोसे रे लायक नौकर, तू थोह्ड़े लेण देण संभाल्ने मन्झ भरोसे रे लायक रैहया, मां तुजो बौह्त सारी चीजा री जिम्मेदारिया देणी, आऊ मेरी खुसी मन्झ साझी बण।’

लूका 19:17

माल्के तेस नौकरा किन्हें बोल्या, “साबास, ‘खरे सेऊआदार, तू धन्य आ, तू बौह्त थोह्ड़े मन्झ भरोसे रे लायक निकल्या, ऐबे मां तुजो दस गांऊँआं री जिम्मेदारिया देणी।’

चुणिरे चेले रे काम 21:35

पौलुस जेबे पैड़ीया वाले पुज्हेया ता बेकाबू भीड़ा री वजहा ले स्पाहीया जो पौलुस चकी किन्हें लई जाणा पया।

चुणिरे चेले रे काम 6:15

तेबे सभ लोके जो सभा मन्झ बैठिरे थे, स्तिफिनुसा वखा ध्याना के देख्या कि तेसरा मुंह स्वर्गदूता रे मुंहा साहीं सुझ्या करहा।

चुणिरे चेले रे काम 6:5

ये गल सारी मंडली जो खरी लगी, होर तिन्हें स्तिफनुस नांऊँआं रे एक आदमी जो, जो विस्वास होर पवित्र आत्मा किन्हें भरीरा था, होर फिलिप्पुस होर प्रखुरूस होर निकानोर होर तिमोन होर परमिनास होर अन्ताकिया सैहरा मन्झ रैहणे वाल़ा निकुलाउस, जो यहूदी पन्था मन्झ आई गईरा था, चुणी लया।

चुणिरे चेले रे काम 6:8

स्तिफनुस अनुग्रह होर सामर्था मन्झ भर्ही किन्हें लोका मन्झ बडे-बडे चमत्कार होर चिन्ह दसेया करहा था।

1 कुरिन्थियो 16:15

हे भाईयो होर बैहणो, तुस्से स्तिफनासा जो होर तेसरे परिवारा जो जाणहां ऐं कि, अखाया ईलाके मन्झ तिन्हें ही सभी ले पैहले मसीह पर विस्वास कितेया था, होर स्यों परमेसरा रे पवित्र लोका री सेऊआ रे कठे त्यार रैंहयां ऐं।

फिलिप्पियो 1:14

मेरे जेल्हा मन्झ हूंणे री वजहा ले प्रभु मन्झ बौह्त सारे विस्वासी भाई बैहणा जो होंसला मिलिरा। स्यों प्रभु पर विस्वास रखी किन्हें पैहले ले ज्यादा हिम्मता साउगी निधड़क हुई किन्हें परमेसरा रा बचन सुणां ऐ।

1 थिस्सलुनकियो 2:2

बल्की तुस्से आपु ई जाणहां ऐं कि, फिलिप्पी सैहरा मन्झ दुःख उठाणे होर दंगे सैहणे ले बाद भी आस्सा जो परमेसरे एह्ड़ी हिम्मत दिती कि लोका रा घोर व्रोध करणे पर भी तुस्सा रे सैहरा मन्झ भी आस्से तुस्सा जो परमेसरा री खुसी री खबर सुणाई सके।

1 तिमिथियुस 3:14

ये आस रखी किन्हें हांऊँ तुस्सा जो लिख्या करहा कि मां जल्दी ई तुस्सा वाले आऊंणा।

2 तिमिथियुस 2:1

इधी कठे हे मेरे मह्ठे तिमिथियुस, तू ये जाणी किन्हें आपणे आपा जो मजबूत कर कि, परमेसरे तुजो से अनुग्रह दितिरा, जो आस्सा रे मसीह यीसू साउगी एक हूंणे ले वजहा ले मिला।

इब्रानियो 6:10

तुस्से परमेसरा रे खातर तेसरे पवित्र लोका री सेऊआ बड़े प्यारा किन्हें करहे थे होर करदे भी लगिरे, परमेसर एस कामा जो नी भूल्दा। क्यूंकि परमेसर अन्याय करणे वाल़ा नी आ।