1 तिमिथियुस 3:11 - मंडयाली नंऊँआं नियम

¹¹ एस तरहा सेऊआदारा री लाड़ीया भी तेह्ड़ी हो जिन्हारी सब लोक इज्जत करदे हो, दूजेया जो बदनाम करणे वाली नी हो, पर आपणे आपा पर काबू रखणे वाली हो, होर सभ गल्ला मन्झ भरोसे रे लायक हो।

1 तिमिथियुस 3:11 Iomraidhean Croise

मत्ती 4:1

तेबे पवित्र आत्मा यीसू जो बियाबान जगहा मन्झ लई गया ताकि सैताना ले तेसरी परखणी हो।

यहून्ना 6:70

यीसूए तिन्हा जो जवाब दितेया, “मैं तुस्से बारा चेले चुणिरे, पर तुस्सा मन्झा ले एक सैतान रे बसा मन्झ आ।”

रोमियो 1:29

होर स्यों सभ किस्मा रे अधर्मा रे काम, होर दुस्टता, होर लालच, होर बैर-भाव किन्हें भर्ही गये। होर हिर्ख, होर हत्या, होर झगड़े, होर धोखा, होर बुरे बिचारा किन्हें बर्ताव करणे वाले, होर चुगलखोर बणी गईरे।

1 तिमिथियुस 1:12

होर हांऊँ, आस्सा रे प्रभु यीसू मसीह रा धन्यावाद करहा, जिन्हें मुंजो सामर्थ दिती; कि तिन्हें मुंजो भरोसे लायक समझी किन्हें आपणी सेऊआ रे कठे नियुक्त कितेया।

1 तिमिथियुस 3:2

होर इधी कठे ये जरूरी आ कि कलीसिया रे अगुवे वाले ये सारे गुण हो-कि से बेकसूर हो, होर तेसरी एक ई लाड़ी हो, होर समझदारी किन्हें काम करणे वाल़ा होर आपणे आपा पर काबू रखणे वाल़ा हो। होर से एह्ड़ा हो कि दूजे लोक तेसरी इज्जत करदे हो, होर आपणे घरा मन्झ प्रोहणेया रा आदर-खातर करणे वाल़ा, होर परमेसरा रे वचना जो सही ढंगा किन्हें स्खाणे वाल़ा हो।

1 तिमिथियुस 6:2

होर जिन्हारे माल्क विस्वासी ऐं, स्यों आपणे माल्का जो विस्वासी भाई हूंणे रे नाते होर भी ज्यादा इज्जत दे; बल्की तिन्हारी होर भी ज्यादा सेऊआ करहे। क्यूंकि तिन्हारी सेऊआ रा फायदा उठाणे वाले विस्वासी लोक ऐं, होर जिन्हा ले स्यों मसीह भाई हूंणे रे नाते होर भी प्यार करहे। इन्हा गल्ला जो स्खान्दा रेह, होर लोका किन्हें बोल कि स्यों इन्हा गल्ला जो मन्नेया करहे।

2 तिमिथियुस 3:3

प्यार नी करणे वाले, दूजेया जो माफ नी करणे वाले, दूजेया री बुराई करणे वाले, आपणे आपा पर काबू नी रखणे वाले, कठोर, होर खरी गल्ला किन्हें नफरत करणे वाले भी हूंणे।

2 तिमिथियुस 4:5

हर हालात मन्झ आपणे आपा पर काबू रख चाहे कुछ भी हुई जाये, दुःख सहन कर, होर पूरी मेहनत करी किन्हें खुसी री खबर सभी लोका जो सुणा होर जो सेऊआ तुजो सौंपीरी तेता जो पूरी कर।

तितुस 2:3

इंहां ही खपरी ज्नानिया रा स्वभाव भी पवित्र लोका साहीं हो। दूजेया जो बदनाम करणे वाली नी हो, होर ना सराबी नी हो; पर दूजेया जो खरा काम करणे रे कठे स्खाणे वाली हो।

तितुस 3:2

केसी जो बदनाम नी करहे; झगड़ा नी करहे; पर दूजेया पर दया करहे, होर सभ माह्णुंआं किन्हें बड़ी नम्रता साउगी रहे।

1 पतरस 5:8

चतन्न रैहया, होर त्यार रैहया, क्यूंकि सैतान तुस्सा रा व्रोधी आ, जो तुस्सा पर वार करणा चाहां ताकि तुस्से परमेसरा रे हुकमा जो नी मान्नो। से गुर्राणे वाले सेरा साहीं एस ताका मन्झ रैंहयां कि, केस जो फाड़ी किन्हें खाई दे।