1 तिमिथियुस 3:10 - मंडयाली नंऊँआं नियम

¹⁰ होर तिन्हा जो कलीसिया रे सेऊआदार नियुक्त करणे ले पैहले ये गल परखी जाए कि तिन्हा वाले सही गुण हाए की नी, होर फेरी अगर सभिये तिन्हा जो बेकसूर पाईरा हो, ता स्यों कलीसिया रे सेऊआदारा रा काम करहे।

1 तिमिथियुस 3:10 Iomraidhean Croise

1 कुरिन्थियो 1:8

परमेसरा तुस्से आखरी तक तुस्सा रे विस्वास मन्झ मजबूत बणाई रखणे, ताकि तुस्से आस्सा रे प्रभु यीसू मसीह रे वापस आऊणें रे ध्याड़े मन्झ बेकसूर रही सको।

कुलुस्सियो 1:22

परमेसरे आपणे मह्ठे मसीह रा माह्णुं रे रूपा मन्झ आऊणें होर क्रूसा प्रयाल्हे तेसरे मरणे रे ज्रीए तुस्सा साउगी भी मेल मिलाप करी लया ताकि तुस्सा जो आपणे साम्हणें पवित्र होर निस्कलंक होर बेकसूर बणाई किन्हें हाजर करहे।

1 तिमिथियुस 3:13

क्यूंकि जिन्हें सेऊआदारा रा काम ठीक ढंगा किन्हें पूरा कितेया, से आपणे कठे एक खरा नाम कमाई लेया। होर से बड़ी हिम्मता किन्हें यीसू मसीह पर विस्वास करणे रे बारे मन्झ दूजे लोका जो दसा।

1 तिमिथियुस 3:2

होर इधी कठे ये जरूरी आ कि कलीसिया रे अगुवे वाले ये सारे गुण हो-कि से बेकसूर हो, होर तेसरी एक ई लाड़ी हो, होर समझदारी किन्हें काम करणे वाल़ा होर आपणे आपा पर काबू रखणे वाल़ा हो। होर से एह्ड़ा हो कि दूजे लोक तेसरी इज्जत करदे हो, होर आपणे घरा मन्झ प्रोहणेया रा आदर-खातर करणे वाल़ा, होर परमेसरा रे वचना जो सही ढंगा किन्हें स्खाणे वाल़ा हो।

1 तिमिथियुस 3:6

से एह्ड़ा माह्णुं नी हो, जो हाल्ले ही विस्वासी बणीरा हो, केते एह्ड़ा नी हो कि से घमंडी बणी जाये, होर परमेसर तेस जो तेस तरीके किन्हें सजा दे, जिहां सैताना जो भी घमंडी बणने पर सजा दितिरी थी।

1 तिमिथियुस 5:22

पर केसी जो भी हाथ रखी किन्हें परमेसरा री सेऊआ मन्झ नियुक्त करणे रे कठे जल्दबाजी मत कर, होर अगर तुस्से एह्ड़ा करहे ता तुस्से भी तेसरे पापा रे जिम्मेदार बणना; आपणे आपा जो पवित्र बणाए रख।

1 यहून्ना 4:1

हे लाडले भाईयो होर बैहणो, हरेक तेस माह्णुं पर विस्वास नी करहा जो ये बोल्हा की मेरे मन्झ परमेसरा री आत्मा ई; पर आत्मा जो परखा कि, स्यों परमेसरा री तरफा ले ई कि नी ई; क्यूंकि बौह्त सारे झूठे नबी संसारा मन्झ ऐं जो परमेसरा री तरफा ले नी ऐं।