1 तिमिथियुस 3:1 - मंडयाली नंऊँआं नियम

¹ ये भरोसे करणे रे लायक गल्ला ई कि, जो कलीसिया रे अगुवा बणना चाहां, से इज्जता रे लायक काम करणे री इच्छा रखे।

1 तिमिथियुस 3:1 Iomraidhean Croise

लूका 15:10

हांऊँ तुस्सा किन्हें बोल्हा कि ठीक इंहां ई से एक पापी जो पाप करणा छाडी देआ, तेसरे बारे मन्झ परमेसरा रे स्वर्गदूता रे साम्हणें खुसी हुंहाँ ईं।”

चुणिरे चेले रे काम 1:20

क्यूंकि भजन संहिता मन्झ दाउद लिख्हा कि, तेसरा घर उजड़ी जाए, होर तेता मन्झ कोई बसणे ना पाए; होर, तेसरे अगुवे री पदवी जो कोई होर लई ले।

चुणिरे चेले रे काम 20:28

“इधी कठे आपणी होर आपणे झुंडा री चौकसी करा; जेस ले पवित्र आत्मे तिन्हा जो कलीसिया रे अगुवे ठैहराईरा: ताकि तुस्से परमेसरा री तेस कलीसिया रा ध्यान रखा, जेस जो तिन्हें आपणे खूना रे बदले खरदी लईरा था।

रोमियो 11:13

हांऊँ तुस्सा अन्यजाति लोका किन्हें ये गल्ला बोल्हा। जेब्की हांऊँ अन्यजाति लोका रे कठे चुणिरे चेले आ, ता हांऊँ आपणी सेऊआ री बड़ाई करहा।

इफिसियो 4:12

परमेसरे ये बरदान इधी कठे दितिरे, ताकि परमेसरा रे लोक तेसरी सेऊआ करणे रे लायक बणे, होर कलीसिया री बढ़ौतरी रे कठे काम करी सके, जो मसीह रा सरीर आ।

फिलिप्पियो 1:1

हांऊँ पौलुस, तिमिथियुस साउगी ये चिठ्ठी लिखी करहा, होर आस्से यीसू मसीह रे सेऊआदार ऐं। हांऊँ ये चिठ्ठी फिलिप्पी सैहरा मन्झ रैहणे वाले परमेसरा रे पवित्र लोका रे कठे होर कलीसिया रे अगुवे होर सेऊआदारा रे नांऊँ लिख्या करहा।

1 थिस्सलुनकियो 5:14

होर हे भाईयो होर बैहणो, आस्से तुस्सा ले अर्ज करहा ऐं कि, जो काम करणे मन्झ आलस करहा, तिन्हा जो समझाऊआ, डरपोका जो हिम्मत देआ, जो विस्वासा मन्झ कमजोर ऐं तिन्हो संभाला, सभी किन्हें सैहनसीलता रखा।

1 तिमिथियुस 1:15

ये भरोसे करणे रे लायक गल्ला ई होर हर तरहा मन्नणे रे लायक ई कि, मसीह यीसू आस्सा पापिया रा उद्धार करणे रे कठे संसारा मन्झ आया, जिन्हा मन्झ सभी ले बडा पापी हांऊँ था।

1 तिमिथियुस 4:9

ये भरोसे करणे रे लायक गल्ल ई, होर हर तरहा ले मन्नणे रे लायक ई।

2 तिमिथियुस 2:11

ये भरोसे करणे रे लायक गल्ला ई कि, अगर आस्से मसीह साउगी मरी गईरे, ता आस्सा तेस साउगी जिउंदे भी हूंणा।

तितुस 1:7

होर एक कलीसिया रा अगुवा परमेसरा रा भंडारी हूंणे री वजहा ले बेकसूर हूंणां चहिए; ना हठी, ना गुस्सा करणे वाल़ा, ना दारुबाज, ना मारपीट करणे वाल़ा हो, होर ना दूजेया जो धोखा देई किन्हें पैसे कमाणे री इच्छा रखदा हो।

तितुस 3:8

ये जो कुछ मैं ऐबे तुस्सा जो लिखिरा ये भरोसे करणे रे लायक गल्ला ई, हांऊँ ये चाहां कि तू इन्हा गल्ला रे बारे मन्झ मजबूती किन्हें विस्वासी लोका जो सखा, इधी कठे कि जिन्हें लोके परमेसरा पर विस्वास कितिरा, स्यों आपणा ध्यान भले काम करणे रे मन्झ लगाई रखे। ये सखाईरी गल्ला सब लोका रे कठे खरी होर फायदेमंद ई।

इब्रानियो 12:15

होर ध्याना रखा कि, एह्ड़ा नी हो कि, कोई परमेसरा रे अनुग्रह ले छुटी जाए, या विस्वास नी करणे री कौउड़ी जड़ तुस्सा रे बीचा मन्झ फुटी निकले क्यूंकि जेबे से बझीरी ता आपणे जैहरा रे ज्रीए बौह्त सारी परेसानी जो बढाई देई।

1 पतरस 2:25

क्यूंकि तुस्से पैहले तिन्हा भेडा साहीं थे, जो आपणे रस्ते ले भटकी गईरी थी। पर ऐबे तुस्से मसीह वाले वापस आई गईरे जो तुस्सा रा रखवाला होर पुहाल आ।

1 पतरस 4:15

तुस्सा मन्झा ले कोई आदमी हत्यारा या चोर, या बुरे काम करणे वाल़ा, या दूजे रे कामा मन्झ हाथ पाणे री वजहा ले दुःख नी सहे।

1 पतरस 5:2

कि विस्वासी लोका रे झुंडा री देखभाल करा; जो परमेसरा री, होर जो तुस्सा जो दितिरी की तुस्से तिन्हारी देखभाल करी सको। होर तिन्हारी देखभाल खुसी किन्हें करहा, कोई जोर जबरदस्ती किन्हें नी, क्यूंकि ये ही परमेसरा री इच्छा ई। एह्ड़ा तुस्से नीच कमाई रे कठे नी, पर सच्चे तिन्हारी मदद करणे रे कठे करा।