1 तिमिथियुस 2:8 - मंडयाली नंऊँआं नियम

⁸ इधी कठे हांऊँ चाहां कि, हर मण्डली मन्झ मर्ध बगैर गुस्से कितिरे होर बगैर बैहसा ले, परमेसरा रे कठे समर्पित हाथा जो चक्की किन्हें प्रार्थना करेया करहे।

1 तिमिथियुस 2:8 Iomraidhean Croise

मत्ती 21:21

यीसूए तिन्हा जो जवाब दितेया कि, “हांऊँ तुस्सा किन्हें सच्च बोल्हा, अगर तुस्से विस्वास रख्घे, होर सक नी करघे; तेबे ना सिर्फ ये करणा, जो एस अंजीरा रे डाला किन्हें कितेया गया; पर अगर तुस्से एस प्हाड़ा किन्हें बोल्ह्गे कि पठ्ही जा, होर समुद्रा मन्झ पई जा, ता से हुई जाणा।

मत्ती 5:44

पर हांऊँ तुस्सा किन्हें ये बोल्हा कि, आपणे दुसमणा किन्हें प्यार रखा होर आपणे सताणे वाल़े रे कठे प्रार्थना करा।

मत्ती 6:12

होर जिहां आस्से आपणे गुन्हेगारा जो माफ करहा ऐं, तिहां ईं तू भी आस्सा रे पापा जो माफ कर।

लूका 23:34

तेबे यीसूए बोल्या, “हे बापू, इन्हा जो माफ करी दे, क्यूंकि ये नी जाणदे कि क्या करेया करहा ऐं?” होर तिन्हें चिठ्ठी पाई किन्हें तेसरे कपड़े आपु मन्झ बांडी लये।

लूका 24:50

तेबे यीसू तिन्हा जो सैहरा रे बाहर बैतनिय्याह गांऊँआं तक लई गया, होर आपणे हाथ स्वर्गा वखा जो करी किन्हें तिन्हा जो आसीस दिति।

यहून्ना 4:21

यीसूए तेस्सा जो बोल्या, “हे ज्नाने, मेरी गल्ला रा विस्वास कर कि से टैम आहूँआं कि तुस्सा ना ता एस प्हाड़ा पर बापू री अराधना करणी ना यरुस्लेम सैहरा मन्झ।

चुणिरे चेले रे काम 10:2

से परमेसरा रा भक्त था होर से होर तेसरा पूरा खानदान परमेसरा ले डरा था, होर से गरीब यहूदी लोका री ढब्बे देई किन्हें भी मदद करहा था। होर से परमेसरा ले हमेसा प्रार्थना करहा था।

चुणिरे चेले रे काम 10:31

होर बोल्या, ‘कुरनेलियुस! तेरी प्रार्थना सुणी लईरी होर गरीबा जो दान दितिरे से यादगारा रे कठे परमेसरा रे साम्हणें पूजी गईरे।

चुणिरे चेले रे काम 10:4

कुरनेलियुसे से ध्याना किन्हें देख्या, होर डरी किन्हें बोल्या, “हे प्रभु मुंजो दसा क्या गल ई?” तिन्हें तेस किन्हें बोल्या, “तेरी प्रार्थना होर तेरे दान यादगारा रे कठे परमेसरा रे साम्हणें पूजी गईरे।

चुणिरे चेले रे काम 21:5

जेबे सात ध्याड़े पुरे हुए, ता आस्से तेथी ले चली पये; होर सभ ज्नानिया बच्चे समेत सैहरा ले बाहरा तक आस्सा जो पुजांदे आये, होर आस्से समुद्रा रे बाढे घुटने टेकी किन्हें प्रार्थना किती।

चुणिरे चेले रे काम 7:60

फेरी से जांढू रे भारे झुकी किन्हें जोरा किन्हें चिंगेया, “हे प्रभु, इन्हा पर एस पापा रा दोस मत लगा।” होर ये बोली किन्हें से मरी गया।

1 कुरिन्थियो 1:2

ये चिठ्ठी कुरिन्थुस सैहरा री परमेसरा री कलीसिया रे लोका रे कठे ईं। आस्से ये चिठ्ठी तुस्सा लोका रे कठे लिखदे लगिरे जिन्हा जो परमेसरे मसीह यीसू साउगी एक करी किन्हें आपणे लोक हूंणे रे कठे लग कितिरा। होर तिन्हें तुस्से सादीरे कि तुस्से तेसरे पवित्र लोक बणो, ठीक तिहां जिहां तिन्हें बाकि सब लोका जो भी चुणी लितिरा जो हर जगहा आस्सा रे प्रभु यीसू मसीह री अराधना करहा ऐं; क्यूंकि से आस्सा सभीरा प्रभु आ।

1 कुरिन्थियो 7:7

हांऊँ ये चाहां कि, जिहां मैं ब्याह नी कितिरा, तिहां ही तुस्से सभ भी ब्याह मत करहा; पर परमेसरे सभी जो खास वरदान दितिरा। परमेसरे कुछ लोका जो ब्याह करणे रा वरदान दितिरा, होर कुछ लोका जो बगैर ब्याह किन्हें रैहणे रा वरदान दितिरा।

2 कुरिन्थियो 2:14

परमेसरा रा धन्यावाद हो, जेह्ड़ा आस्सा जो मसीह मन्झ वास करणे री वजहा ले हमेसा आपणे साउगी लेई चला होर आस्सा जो जीताई देआ, होर आस्सा रे ज्रीए मसीह जो जाणने री मीठी खुसबू हर जगहा फैलाहां।

फिलिप्पियो 1:12

हे भाईयो होर बैहणो, हांऊँ चाहां कि, तुस्से ये जाणी लो कि, जो कुछ मेरे पर बीतिरा, तेसरी वजहा ले खुसी री खबरा फैलाणे मन्झ मेरी मदद हुईरी।

1 थिस्सलुनकियो 1:8

क्यूंकि तुस्से ना सिर्फ मकीदुनिया होर अखाया ईलाके मन्झ प्रभु रा बचन सुणाया, पर हर जगहा जेथी भी आस्से जाहें तुस्सा रे परमेसरा पर विस्वास रे बारे मन्झ लोक आस्सो दसाहें, इधी कठे आस्सा जो तुस्सा रे बारे मन्झ बोलणे री ज्रूरत नी ई।

1 तिमिथियुस 5:14

इधी कठे मुंजो ये ठीक लगहा कि, जुआन विधवा ब्याह करी ले; होर बच्चे जणे होर घर-बार संभाले, तेबे दुस्मणा जो तिन्हा जो बदनाम करणे रा मौका नी मिलणा।

तितुस 3:8

ये जो कुछ मैं ऐबे तुस्सा जो लिखिरा ये भरोसे करणे रे लायक गल्ला ई, हांऊँ ये चाहां कि तू इन्हा गल्ला रे बारे मन्झ मजबूती किन्हें विस्वासी लोका जो सखा, इधी कठे कि जिन्हें लोके परमेसरा पर विस्वास कितिरा, स्यों आपणा ध्यान भले काम करणे रे मन्झ लगाई रखे। ये सखाईरी गल्ला सब लोका रे कठे खरी होर फायदेमंद ई।

इब्रानियो 10:22

ता आऊआ, आस्से खरे मना होर पुरे विस्वासा साउगी, होर एस भरोसे साउगी कि आस्सा रे पाप माफ हुई गये, होर मसीह रे खूना रे छिड़काऊ ले आपणे दिला जो सुद्ध करदे हुए, होर आपणे सरीरा जो सुद्ध पाणी किन्हें धोई किन्हें परमेसरा रे नेडे जाहें।

याकूब 4:8

परमेसरा रे नेडे आऊआ; ता तेस भी तुस्सा रे नेडे आऊंणा; हे पापियो, आपणी जिंदगी ले पापा जो दूर करहा; होर ये दोगले लोको आपणे दिला जो पवित्र करा।

1 पतरस 3:7

तिहां ईं हे लाड़ेयो, तुस्से भी आपणी-आपणी लाड़ीया साउगी बड़ी समझदारी किन्हें जिन्दगी बिताऊआ। याद रखा की स्यों तुस्सा ले कमजोर ईं, इधी कठे तिन्हारी इज्जत करा, क्यूंकि तुस्से दुहें तेस अनंत जिन्दगी रे दान रे साझीदार हो, जो परमेसरे बड़े अनुग्रहा किन्हें दितिरा। एह्ड़ा इधी कठे करहा की जेबे तुस्से दुहें प्रार्थना करहे ता परमेसर तुस्सा री सुणी ले।