1 तिमिथियुस 2:6 - मंडयाली नंऊँआं नियम

⁶ मसीहे आपणे आपा जो बलिदान रे रूपा मन्झ देई दितेया; ताकि सभी लोका जो पाप होर मौता ले छुड़ाई सके; तेसरी मौता रे ज्रीए परमेसरे ये साबित कितेया कि ठीक टैमा ले से सब लोका रा उद्धार करणा चाहां।

1 तिमिथियुस 2:6 Iomraidhean Croise

मत्ती 20:28

हांऊँ माह्णुं रा मह्ठा इधी कठे नी आईरा कि, मेरी सेऊआ किती जाए, पर इधी कठे आईरा कि, हांऊँ आपु दूजे री सेऊआ करूं, होर कईया रे छुटकारे रे कठे आपणी जान देऊँ।”

मरकुस 1:15

होर बोल्या, “टैम पूरा हुई गया, होर परमेसरा रा राज नेडे आई गईरा, पाप करणा छाडी देआ होर परमेसरा रे खुसी री खबरा पर विस्वास करा।”

मरकुस 10:45

क्यूंकि हांऊँ माह्णुं रा मह्ठा इधी कठे नी आईरा कि, मेरी सेऊआ किती जाए, पर इधी कठे आईरा कि, हांऊँ आपु दूजे री सेऊआ करूं, होर कईया रे छुटकारे रे कठे आपणी जान देऊँ।”

यहून्ना 10:15

इंहां ईं हांऊँ आपणी भेडा जो जाणहां, होर मेरी भेडा मुंजो जाणहां ईं, होर हांऊँ आपणी भेडा रे कठे मरणे जो तैयार आ।

यहून्ना 6:51

जीवन देणे वाली रोटी जो स्वर्गा ले उतरीरी, से हांऊँ आ। अगर कोई एस्सा रोटिया मन्झा ले खाये, ता हमेसा जिउंदा रैंह्णां होर जो रोटी मां संसारा रे लोका रे कठे देणी, से मेरा मास आ।”

रोमियो 16:26

होर जिहां सुर्हू ले परमेसरे हुक्म दितेया होर नबिया रे ज्रीए लिखी गया, ऐबे ये ल्कोईरी गल्ल सब जाति रे लोका मन्झ प्रचार किती गई, ताकि स्यों भी परमेसरा पर विस्वास करणे वाले, होर तेसरे हुक्म मनणे वाले बणी जाऐ।

रोमियो 5:6

क्यूंकि जेबे आस्से कमजोर थे, ता परमेसरा रे नियुक्त टैमा पर मसीह यीसू आस्सा पापी लोका रे कठे मरेया।

1 कुरिन्थियो 1:6

होर स्यों वरदान जो परमेसरे तुस्सा जो दितिरे, स्यों एस्सा गल्ला जो पक्का करहे कि जो खबर मसीह रे बारे मन्झ ई से सच्ची।

2 कुरिन्थियो 5:21

मसीह जो पापा ले अनजाण था, तेस जो ही परमेसरे आस्सा रे कठे पापी बणाया, ताकि आस्से परमेसरा री नजरा मन्झ धर्मी माह्णुं बणी जाये, क्यूंकि मसीहे आस्सा रे पापा री सजा जो आपणे गास लेई लितिरा।

गलातियो 1:4

आस्सा रे परमेसर होर बापू री इच्छा रे मताबक, मसीह यीसूए आस्सा रे पापा रे कठे आपणे आपा जो बलिदान करी दितेया, ताकि से आस्सा जो संसारा मन्झ ऐबे बुरे काम करणे वाली सामर्था ले बचाई सके।

गलातियो 4:4

जेबे परमेसरा रा तय कितिरा टैम पूरा हुआ, ता तिन्हें आपणा मह्ठा एस संसारा मन्झ भेज्या, होर एक ज्नाने ले से जम्मेया, तिन्हें यहूदी लोका मन्झ जन्म लितेया होर मूसा री व्यवस्था जो मन्हा था।

इफिसियो 1:17

हांऊँ प्रार्थना करहा कि परमेसर, आस्सा रे प्रभु यीसू मसीह रा महिमामय बापू, तुस्सा पर जो आत्मिक ज्ञान होर समझ दे, ताकि तुस्से पूरी तरहा ये जाणी लो परमेसर कुणहां।

इफिसियो 1:7

यीसू रे मरणे रे ज्रीए परमेसरे आस्सा जो छुटकारा दितेया, यानि आस्सा रे पाप माफ करी दिते। परमेसरे आस्सो बौह्त ज्यादा अनुग्रह दितिरा, जो कितना महान आ। परमेसरे आपणे बौह्त ज्यादा ज्ञान होर समझ रे मताबक

इफिसियो 3:5

पर परमेसरे पिछले जमाने रे लोका जो एस लकोईरी योजना रे बारे मन्झ नी दस्सीरा था, पर ऐबे पवित्र आत्मे एस योजना जो तेसरे पवित्र चुणिरे चेलेया होर नबिया पर जाहिर कितिरा।

इफिसियो 5:2

एक दूजे किन्हें साउगी प्यारा किन्हें जिन्दगी जीया; जेह्ड़ा मसीहे भी तुस्सा किन्हें प्यार कितेया, होर तुस्सा रे पापा जो माफ करणे रे कठे आपणे आपा जो बलिदान करी दितेया। परमेसर एता ले खुस हुआ, क्यूंकि से बलिदान तेसरे कठे मीठी मुस्का साहीं था।

2 थिस्सलुनकियो 1:10

ये गल्ला तेबे हूणीं जेबे यीसू मसीह दबारा वापस आऊंणा, होर परमेसरा रे पवित्र लोका तेसरी बढ़ाई करणी, होर तेस पर विस्वास करणे वाले मन्झ हरानी री वजहा बणने रे कठे आऊंणा। होर तुस्से भी तिन्हा लोका साउगी हूंणा जिन्हा तेस ध्याड़े तेसरी बढ़ाई करणी, क्यूंकि तुस्से तेसरे बारे मन्झ आस्सा री गुआही पर विस्वास कितेया।

1 तिमिथियुस 6:15

परमेसर जो बढ़ाई रे लायक आ, होर एकमात्र राजा, से राजेया रा राजा, होर प्रभुआ रा प्रभु आ, तेस मसीह जो ठीक टैमा पर जाहिर करणा।

2 तिमिथियुस 1:8

इधी कठे प्रभु यीसू मसीह रे बारे मन्झ दूजेयो जो दसणे रे कठे सर्मिन्दा नी हो, होर एता रे कठे भी सर्मिन्दा नी हो कि तेसरी सेऊआ करणे री वजहा ले हांऊँ हाले भी जेल्हा मन्झ आ। एता रे बजाय परमेसर जो तुस्सा जो सामर्था देआ, तेता रे ज्रीए खुसी री खबरा रे सुनाणे रे कठे मेरे साउगी दुःख उठा।

तितुस 1:3

पर ऐबे ठीक टैमा पर, परमेसरे एस खुसी री खबर आस्सा पर जाहिर किती होर एता रा प्रचार आस्से सभी किन्हें करहे, आस्सा रे उद्धारकर्ता परमेसरे मुंजो ये जिम्मेदारी सौम्पी री होर हुक्म दितिरा कि हांऊँ ये काम तेसरे कठे करूं।

तितुस 2:14

इन्हें यीसू मसीहे आपणे आपा जो आस्सा रे कठे बलिदान करी दितेया, ताकि आस्सा जो हर किस्मा रे पापा ले छुड़ाई ले; होर आस्सो सुद्ध करी दे ताकि आस्से तेसरे खास लोक बणी जाये जो खरे काम करणे री बड़ी इच्छा रखे।

इब्रानियो 9:12

मसीह जेबे एक ई बार सभी रे कठे पवित्रजगहा मन्झ दाखल हुआ, ता से बकरे होर बछु रा खून लेई किन्हें नी गया कि से बलिदान करी सके। एता रे बजाय से आपणा ई खून लई किन्हें गया, होर तिन्हें आस्सा जो पापा ले अनंत छुटकारा दितेया।

1 पतरस 2:24

जेबे यीसू मसीह मारी दितेया, ता क्रूसा प्रयाल्हे तेस जो आपणे सरीरा मन्झ आस्सा रे पापा री सजा मिली, ताकि आस्से पाप करणा छाडी दे, होर धार्मिकता री जिन्दगी जीणा सुर्हू करी दे। तेसरे मार खाणे ले तुस्से चंगे हुए।

1 पतरस 3:18

हांऊँ एह्ड़ा इधी कठे बोल्हा क्यूंकि मसीह सिर्फ एक ही बारी आस्सा रे पापा रे कठे दुःख सहन करी किन्हें मारी दितेया। से एक धर्मी माह्णुं था जो आस्सा अधर्मिया रे कठे मरी गया, ताकि से आस्सा जो परमेसरा रे नेडे ल्याई सके; तिन्हें तेसरा सरीर खत्म करी दितेया पर तेसरी आत्मा जिउंदी।

1 यहून्ना 4:10

प्यार एता मन्झ नी आ कि आस्से परमेसरा किन्हें प्यार कितेया; पर प्यार एता मन्झ आ कि परमेसरे आस्सा किन्हें प्यार कितेया; होर आस्सा रे पापा रे प्रायस्चिता रे कठे आपणा मह्ठा भेज्या।

प्रकासना री गल्ला 1:5

हांऊँ प्रार्थना करहा कि यीसू मसीह भी तुस्सा जो आपणा अनुग्रह होर सांति देंदा रहे, जेसरी गल्ला भरोसे रे लायक ई। सेई आ, जो मरणे रे बाद जिउंदा हुआ, होर एस संसारा रे राजेया रा हाकम आ। से आस्सा किन्हें प्यार करहा, होर तिन्हें आपणी मौता रे ज्रीए आस्से पापा ले छुड़ाये।

प्रकासना री गल्ला 5:9

होर स्यों ये नंऊँआं गाणा गान्दे लगे कि, “तू एस कताबा री मोहरा जो तोड़ने, होर खोलणे रे लायक आ, क्यूंकि तू मारी दितिरा था, होर आपणा खून जो तैं क्रूसा प्रयाल्हे बहाईरा था, तेता रे ज्रीए तैं, लग-लग देसा रे लोका, होर हर कुला रे लोका, होर जातिया रे लोका, होर लग-लग भासा बोलणे वाले लोका, परमेसरा रे कठे लोका जो छुड़ाई लितेया।