1 तिमिथियुस 2:4 - मंडयाली नंऊँआं नियम

⁴ होर से ये चाहां कि, सभ माह्णुंआं रा उद्धार हो, होर स्यों सच्चाई ठीक ढंगा किन्हें जाणी सको।

1 तिमिथियुस 2:4 Iomraidhean Croise

मत्ती 28:19

इधी कठे तुस्से जाई किन्हें सारे जातिया रे लोका जो चेला बणाऊआ; होर तिन्हा जो बापू, मह्ठे होर पवित्र आत्मा रे नांऊँआं ले बपतिस्मा देआ।

मरकुस 16:15

होर यीसूए चेले किन्हें बोल्या, “तुस्से सारे संसारा मन्झ जाई किन्हें सारी सृस्टी रे लोका जो खुसी री खबर प्रचार करा।

लूका 1:77

होर तेस लोका किन्हें बोलणा कि तिन्हारे पापा री माफी री वजहा ले ई तिन्हारा उद्धार हूंणां।

लूका 14:23

माल्के सेऊआदारा किन्हें बोल्या, ‘सड़का पर होर बाड़े वखा जाई किन्हें लोका जो जबरदस्ती लई आऊआ ताकि मेरा घर भर्ही जाए।

लूका 24:47

होर यरुस्लेम सैहरा ले लई किन्हें सभ जातिया रे लोका मन्झ तेसरे नांऊँआं रे हका ले पापा जो छाडणे, पापा री माफी रा प्रचार कितेया जाणा।

यहून्ना 14:6

यीसूए तेस किन्हें बोल्या, “पैंडा होर सच्चाई होर जीवन हांऊँ ईं आं; मेरे बगैर कोई बापू वाले नी पूजी सक्दा।

यहून्ना 17:17

सच्चा रे ज्रीए तिन्हा जो लग ठैहराया, तेरा बचन सच्चा आ।

यहून्ना 6:37

जितने भी लोक बापू मुंजो देहां स्यों से मेरे वाले आहूँआं ऐं, होर जो मेरे वाले आहूँआं ऐं, मां पक्का स्यों अपनाणे।

रोमियो 11:14

ताकि किहाँ नी किहाँ हांऊँ आपणे यहूदी लोका मन्झ जल्नी कुराई किन्हें तिन्हा मन्झा ले एकी रा भी उद्धार करी सकूं।

1 तिमिथियुस 4:10

आस्से एस जिन्दगी जो पाणे रे कठे मैहनत होर कोसिस इधी कठे करहा ऐं, क्यूंकि आस्सा री आस तेस जिउंदे परमेसरा पर ई, जो सभ माह्णुंआं रा, होर खास कर विस्वासी लोका रा उद्धारकर्ता आ।

2 तिमिथियुस 2:25

होर से आपणे व्रोधिया जो नम्रता किन्हें सुधारे, सैताने इन्हा लोका जो इंहां फसाई दितिरा कि स्यों तेसरे मताबक जीए, पर तुस्सा रा तिन्हा साउगी सबर रखणे री वजहा ले हुई सक्हा कि, परमेसर तिन्हारी मदद करहे कि स्यों पाप करणा छाडी दे, होर मसीह रे बारे मन्झ सच्चाई जो पछयाणी ले। ताकि स्यों आपणे होसा मन्झ आई किन्हें सैताना ले दूर चली जाये।

2 तिमिथियुस 3:7

होर स्यों हमेसा नईं गल्ला जो सिख्दे ता रैंहयां ईं, पर सच्चाई रे बारे मन्झ खरे उपदेसा जो कधी नी समझी सकदे।

तितुस 1:1

हांऊँ पौलुस, एस्सा चिठ्ठी जो लिख्या करहा। हांऊँ परमेसरा रा सेऊआदार होर यीसू मसीह रा चुणिरा चेला आ। हांऊँ परमेसरा रे चुणिरे लोका रे विस्वासा जो मजबूत करणे रे कठे नियुक्त कितिरा, ताकि स्यों सच्चा जो जाणे होर परमेसरा जो खुस करणे वाली जिन्दगी जीए।

तितुस 2:11

क्यूंकि परमेसरे आपणा अनुग्रह एस तरहा जाहिर कितिरा कि तिन्हें सारे माह्णुंआं जो बचाणे रे कठे एक रस्ता बणाईरा।

इब्रानियो 10:26

क्यूंकि मसीह री सच्चाई जो जाणने रे बाद अगर आस्से जाणी बुझी किन्हें पाप करहा ऐं, तेबे इन्हा पापा री माफी रे कठे कोई बलिदान बाकि नी आ।

याकूब 3:14

पर अगर तुस्सा रे मना मन्झ बौह्त भारी हिर्ख होर स्वार्था री भावना हो ता आपणी समझ री बडयाई करी किन्हे सच्चाई रे बरखलाफ झूठ नी बोला।

2 पतरस 3:9

पर कुछ लोक सम्झ्हा ऐं कि, प्रभु आपणे दबारा वापस आऊणें के वादे जो पूरा करणे मन्झ देर करदा लगिरा, पर प्रभु एह्ड़ी देर नी करदा लगीरा। एता रे बजाय से तुस्सा रे बारे मन्झ सबर करी करहा, क्यूंकि से नी चाहन्दा कि से केसी जो भी तेसरे बरखलाप पाप करणे री वजहा ले नास करहे; बल्की ये चाहां कि सभीरा मन बदली जाये, पाप करणा छाडी दे, होर तेसरे वाले आये।

2 यहून्ना 1:1

हांऊँ यहून्ना एस्सा चिठ्ठी जो लिख्दा लगिरा। हांऊँ कलीसिया रा अगुवा आ। हांऊँ ये चिठ्ठी परमेसरा री चुणिरी तेस्सा बैहणा रे कठे होर तेस्सा रे बच्चे रे कठे लिख्या करहा। हांऊँ तुस्सा सभी किन्हें सच्चे प्यार रखा, हांऊँ ही नी स्यों सब लोक भी तुस्सा किन्हें प्यार रखे, जो सच्चाई जो जाणांहे।

प्रकासना री गल्ला 14:6

फेरी मैं एक होर स्वर्गदूता जो आसमाना पर बौह्त गास उडदे हुए देख्या। होर तेस वाले धरती रे रैह्णे वाले लग-लग देसा रे लोका, होर हर कुला रे लोका, होर जातिया रे लोका, होर लग-लग भासा बोलणे वाले लोका जो सुणाणे रे कठे अनंतकाला री खुसी री खबर थी।