1 तिमिथियुस 2:3 - मंडयाली नंऊँआं नियम

³ एस तरीके किन्हें सब लोका रे कठे प्रार्थना करना सही आ, होर आस्सा रा उद्धारकर्ता परमेसर एता जो ग्रहण करहा।

1 तिमिथियुस 2:3 Iomraidhean Croise

लूका 1:47

होर हांऊँ मेरे उद्धार करणे वाले परमेसरा री वजहा ले खुस ई।

रोमियो 14:18

जो कोई इंहां मसीह री सेऊआ करहा ता परमेसरा तेस ले खुस हुई जां होर माह्णुं भी तेसरे बारे मन्झ खरा बोल्हा।

फिलिप्पियो 1:11

होर परमेसर री महिमा होर बड़ाई रे कठे तेस धार्मिकता रे भले कामा ले भरी जाऊआ, जो सिर्फ यीसू मसीह रे ज्रीए ही फला ऐं।

फिलिप्पियो 4:18

मेरे वाले सभ कुछ हाया, बल्कि ज्रूरत ले भी ज्यादा आ। जो चीजा तुस्से इपफ्रुदीतुस रे हाथा ले भेजिरी थी तिन्हा जो पाई किन्हें हांऊँ रजी गईरा। स्यों मेरे कठे खुसबू देणे वाली भेंट साहीं आ, होर तेस बलिदान साहीं जो याजक परमेसरा रे साम्हणें चढ़ा, जेस जो परमेसर ग्रहण करहा, होर जो परमेसरा खरा लग्हा।

कुलुस्सियो 1:10

ताकि तुस्से परमेसरा री इच्छा रे मताबक आपणी जिन्दगी जी सको। तेबे तुस्सा हर गल्ला मन्झ प्रभु खुस करणा। जेस ले तुस्सा हमेसा हर किस्मा रे भले काम करी सको, होर तुस्से हमेसा परमेसरा जो जाणने मन्झ बढ़दे जाओ।

1 थिस्सलुनकियो 4:1

हे भाईयो होर बैहणो ऐबे आखरी, आस्से तुस्सा ले अर्ज करहा ऐं, होर तुस्सा जो प्रभु यीसू मन्झ सम्झाहें कि, जिहां तुस्से आस्सा ले ठीक व्यवहार रखणा, होर परमेसरा जो खुस करणा सिख्या, होर तुस्से ठीक व्यवहार रख्हा ऐ भी, तिहां ईं इन्हा गल्ला मन्झ होर बी ज्यादा बढ़दे जाऊआ।

1 तिमिथियुस 1:1

हांऊँ पौलुस, एस्सा चिठ्ठी जो लिख्या करहा। आस्सा रे उद्धारकर्ता परमेसर होर यीसू मसीह रे हका ले जेस पर आस्से आस रखे, हांऊँ यीसू मसीह रा चुणिरा चेला आ।

1 तिमिथियुस 4:10

आस्से एस जिन्दगी जो पाणे रे कठे मैहनत होर कोसिस इधी कठे करहा ऐं, क्यूंकि आस्सा री आस तेस जिउंदे परमेसरा पर ई, जो सभ माह्णुंआं रा, होर खास कर विस्वासी लोका रा उद्धारकर्ता आ।

1 तिमिथियुस 5:4

होर अगर केसी विधवा रे बच्चे होर नाती-पोते हो, ता स्यों आपणे घरा रे एस सदस्या री देखभाल करदे हुए एक भक्ति री जिन्दगी जीणा सीखे, होर तिन्हारी देखभाल करणे ले, स्यों आपणे माऊ-बापू या दादू-नानूआ रे कठे जो कुछ तिन्हें तुस्सा रे कठे कितिरी, तेता रे बदले तुस्से तिन्हारी सेऊआ कराये, होर परमेसर येई चाहां कि तुस्से एह्ड़ा करो।

2 तिमिथियुस 1:9

परमेसरे ही आस्सा रा उद्धार कितेया, होर आस्से पवित्र जिन्दगी जीणे रे कठे सादे; होर तिन्हें आस्से आस्सा रे भले कामा री वजहा ले नी पर आपणी योजना रे मताबक सादेया। परमेसरे एस संसारा जो रचणे ले पैहले ही तय करी लितिरा था कि यीसू मसीह जो एस संसारा मन्झ भेजी किन्हें आस्सा पर आपणा ये अनुग्रह दसणा।

इब्रानियो 13:16

पर भलाई होर जरूरत मंद लोका किन्हें आपणी चीजे बाडणा देख्या भुल्दे, क्यूंकि परमेसर एह्ड़े बलिदाना ले खुस हुंहाँ।

1 पतरस 2:20

क्यूंकि अगर तुस्से गलती करी किन्हें मार भी खाध्ही ता तेता मन्झ बड़ाई करणे री कोई वजहा नी की तुस्से एस्सा सजा जो बड़े सबरा किन्हें सहन कितेया। पर अगर तुस्से खरे काम करी किन्हें दुःख सहन करहे, होर फेरी भी सबर रखे ता परमेसरा एता ले खुस हुआ।

1 पतरस 2:5

होर तुस्से सभ विस्वासी भाई बैहण भी जो एक जिउंदे पात्थरा साहीं ऐं। परमेसर एकजुट हूंणे रे कठे जोड़ी करहा, जेस मन्झ परमेसरा री आत्मा वास करही, ताकि तुस्से भी तेस कामा री वजहा ले जो यीसू मसीहे आस्सा रे कठे कितिरा, याजका साहीं एह्ड़ा बलिदान चढ़ाऊआ जो परमेसरा जो ग्रहण करणे रे लायक हो,