1 तिमिथियुस 2:2 - मंडयाली नंऊँआं नियम

² राजेया रे कठे होर अधिकारिया रे कठे प्रार्थना करहा, ताकि आस्से सुख-चैना किन्हें रहे, जेता ले आस्से परमेसरा री भक्ति करी सके होर दूजे लोका साउगी सही बर्ताव करी सके।

1 तिमिथियुस 2:2 Iomraidhean Croise

लूका 1:6

होर स्यों दुहें परमेसरा रे साम्हणें धर्मी थे, होर प्रभु रे सारे हुक्मा होर बिधिया पर खराई किन्हें चलणे वाल़े थे।

लूका 2:25

होर तेस टैमा यरुस्लेम सैहरा मन्झ समौन नांऊँआं रा एक माह्णुं था, होर से माह्णुं धर्मी होर भक्त था; होर से मसीहा रा इंतजार करेया करहा था कि से आई किन्हें इस्राएल देसा मन्झ सुख चैन दे, होर पवित्र आत्मा तेस पर था।

चुणिरे चेले रे काम 10:22

तिन्हें जवाब दितेया, “कुरनेलियुस सूबेदार जो धर्मी होर परमेसरा ले डरने वाल़ा एक भक्त माह्णुंआं होर हरेक जो तेसरे बारे मन्झ जाणहां ऐं स्यों तेस जो एक नेक माह्णुं समझ्हा ऐं। यहूदी लोका मन्झ तेसरी बड़ी इज्जत ई; तिन्हें एक पवित्र स्वर्गदूता ले एक चेतावनी पाईरी कि, तुजो आपणे घरा सादी किन्हें तुध ले बचन सुणे।”

चुणिरे चेले रे काम 24:16

इधी कठे हांऊँ भी परमेसर होर लोका रे साम्हणें हमेसा आपणी अंतरात्मा जो सुद्ध रखणे री कोसिस करहा।”

रोमियो 12:18

जेथी तक हुई सको, सभ माह्णुं साउगी तुस्से मेल मिलाप रखा।

फिलिप्पियो 4:8

इधी कठे हे भाईयो होर बैहणो, जो-जो गल्ला सच्ची ई, जो-जो गल्ला आदरा रे लायक, होर जो-जो गल्ला ठीक ई, होर जो-जो गल्ला पवित्र ई, होर जो-जो गल्ला बांकी ई, होर जो-जो गल्ला तारीफ रे लायक ई, इधी कठे, जो-जो गल्ला सभी ले उतम होर बढ़ाई रे लायक ई, तिन्हा गल्ला पर तुस्सा रा मन लगेया रहे।

1 थिस्सलुनकियो 4:11

होर जेह्ड़ा आस्से तुस्सा जो हुक्म दितेया, तिहां ईं सांति किन्हें एक दूजे किन्हें रैहणे होर आपणा-आपणा काम काज करणे, होर आपणे-आपणे हाथा ले कमाणे री कोसिस करा।

इब्रानियो 12:14

सभी साउगी सांति किन्हें रैहणे, होर तेस पवित्र हूंणे रे कठे हर तरहा कोसिस करदे रहो, जेसरे बगैर कोई प्रभु जो कधी भी नी देखी सक्दा।