1 तिमिथियुस 1:5 - मंडयाली नंऊँआं नियम

⁵ हांऊँ ये आदेस तुस्सा जो इधी कठे देआ कि तुस्से एक दूजे किन्हें सच्चे दिला किन्हें प्यार करा, होर साफ अंतरात्मा, होर भरपूर विस्वास रखो।

1 तिमिथियुस 1:5 Iomraidhean Croise

मत्ती 12:35

खरा माह्णुं मना रे भण्डारा ले खरी गल्ला काढा; होर बुरा माह्णुं मना ले भण्डार ले बुरी गल्ला काढा।

मत्ती 5:8

धन्य ऐं स्यों, जिन्हारे मन सुद्ध ऐं, क्यूंकि तिन्हा परमेसर देखणा।

चुणिरे चेले रे काम 15:9

होर विस्वास करणे रे ज्रीए तिन्हारे मन पवित्र करी किन्हें आस्सा मन्झ होर तिन्हा मन्झ कुछ फर्क नी रख्या।

चुणिरे चेले रे काम 23:1

होर पौलुसे, यहूदी माहसभा पर एक टेक ल्गाई किन्हें देख्या, होर बोल्या, “हे भाईयो, मैं आज तक परमेसरा रे कठे बिल्कुल सच्चे अंतरात्मा किन्हें जिन्दगी बिताई।”

चुणिरे चेले रे काम 24:16

इधी कठे हांऊँ भी परमेसर होर लोका रे साम्हणें हमेसा आपणी अंतरात्मा जो सुद्ध रखणे री कोसिस करहा।”

रोमियो 10:4

क्यूंकि मसीह रे आऊणें ले व्यवस्था रा मकसद पूरा हुआ। होर इधी कठे अगर कोई मसीह पर विस्वास करहा ता परमेसर तेजो आपणी नजरा मन्झ धर्मी माह्णुं बणा।

रोमियो 12:9

केसी से प्यारा करणे रा ढोंग मत करहा; बुराई ले नफरत करहा; भले करणे मन्झ लगे रहूआ।

रोमियो 14:15

अगर तेरा भाई या बैहण तुस्सा रे खाणे रे वजहा ले दुःखी हुंहाँ, ता तेरे बर्ताव मन्झ प्यारा नी आ। क्यूंकि तुस्सा रे खाणे री वजहा ले अगर कोई भाई होर बैहण परमेसरा जो मनणा छाडी दे ता तू तेस खाणे जो मत खा। मसीह तिन्हा विस्वासी भाई होर बैहण रे कठे भी मरीरा।

रोमियो 9:1

ऐबे अगर परमेसरा रे प्यारा ले कोई आस्सो लग नी करी सकदा, ता किधियो इस्राएल देसा रे लोक परमेसरा ले दूर हुई गये जो मेरे आपणे यहूदी लोक ऐं, मुंजो एस गल्ला ले बौह्त दुःख आ होर मेरे दिला मन्झ तिन्हारे रे कठे बौह्त बोझ आ। मेरे आपणे लोका रे छुटकारे कठे अगर मेरे पर दोस लगे या हांऊँ मसीह ले लग भी कितेया जांऊँ, तेबे भी हांऊँ एता रे कठे त्यार आ। होर हांऊँ सच्च बोला कि मसीह मेरा गुआह आ। मेरी अंतरात्मा होर पवित्र आत्मा भी एस गल्ला री गुआही देआ कि हांऊँ झूठ नी बोलदा।

1 कुरिन्थियो 13:1

अगर हांऊँ माह्णुंआं, होर स्वर्गदूता री भासा बोलूं, होर दूजे किन्हें प्यार नी करूं, ता मेरी गल्ला ठनठन करदा पीतल, होर झनझन करदी झांझ साहीं बेकार ईं।

2 कुरिन्थियो 1:12

आस्से आपणी अंतरात्मा री सच्चाई पर बडयाई करहा ऐं। संसारा मन्झ होर खास करी किन्हें तुस्सा रे बीचा मन्झ आस्सा रा जीवन पवित्र होर सच्चा था, जो परमेसरा री तरफा ले आस्सा जो मिलिरा था। आस्से माह्णुंआं रे ज्ञाना पर भरोसा नी रखेया, बल्कि परमेसरा रे अनुग्रहा पर भरोसा रखेया।

गलातियो 5:22

पर परमेसर रा आत्मा आस्सो जो गुण देहां से यूयाँ ऐं, प्यार, खुसी, सांति, सबर,

गलातियो 5:6

अगर तुस्से मसीह यीसू रे चेले ता ये एस गल्ला ले फर्क पउन्दा कि तुस्से खतना कुराईरा या नी, पर सिर्फ एस गल्ला रा फर्क आ कि आस्से मसीह पर आपणे उद्धारकर्ता रे रूपा मन्झ विस्वास रखे, होर परमेसर होर दूजे लोका किन्हें प्यार करहे।

1 तिमिथियुस 1:18

मेरे मह्ठे, तिमिथियुस, हांऊँ इन्हा आदेसा जो तुस्सा जो देई करहा: हांऊँ चाहां कि तुस्से तिन्हा गल्ला जो याद रखा जो नबिये बौह्त पैहले बोलिरी थी कि तुस्सा किन्हें एह्ड़ा हूंणा। तू तिन्हा गल्ला जो झूठे उपदेसा स्खाणे वाले रे बरखलाफ लड़ने रे कठे इस्तेमाल करेया।

1 तिमिथियुस 1:19

तुस्सा रा मसीह पर विस्वास बणेया रहे, होर साफ अंतरात्मा हो। कुछ लोके आपणी एस साफ अंतरात्मा जो नकारी दितिरी, जेसरी वजहा ले तिन्हारा विस्वास रूपी जहाज डूबी गया।

1 तिमिथियुस 3:9

पर तिन्हा जो सुद्ध अंतरात्मा ले तेस सच्ची खबरा पर विस्वास करणा चहिए, जो परमेसरे जाहिर कितिरी।

2 तिमिथियुस 1:3

हांऊँ तेस परमेसरा रा धन्यावाद करहा, जेसरी मैं होर मेरे बापदादे जिन्हारी सेऊआ सुद्ध अंतरात्मा किन्हें कितिरी। राती ध्याड़ी जेबे भी हांऊँ प्रार्थना करहा, ता तुस्सा रे कठे याद करी किन्हें प्रार्थना करहा।

2 तिमिथियुस 1:5

तेरी माऊ युनिके रे अंदर जो भरपूर विस्वास था से मुंजो याद आ, होर तेरी नानी लोईस रा भी तेह्ड़ा विस्वास था। होर मुंजो भरोसा आ कि सेई भरपूर विस्वास तेरे मन्झ भी हाया।

2 तिमिथियुस 2:22

तिन्हा बुरी गल्ला ले दूर रेह जेस जो करणे जो जुआना री इच्छा करी; होर जो सुद्ध मना ले प्रभु री अराधना करहा ऐं, तिन्हा साउगी धार्मिकता री जिन्दगी, विस्वास, प्यार, होर सांति रखी किन्हें अगे बढ़दे रहो।

तितुस 1:15

जिन्हा लोका रे मना मन्झ पाप भरे विचार नी हुंदे तिन्हारे कठे सभ चीजा सुद्ध ई। पर जो लोक बुरे हुयें, होर जो यीसू मसीह पर विस्वास नी करदे तिन्हारे कठे सभ चीजा असुध ई, क्यूंकि तिन्हारी बुद्धि होर अंतरात्मा दोन्हो असुद्ध हुई गईरी।

इब्रानियो 10:22

ता आऊआ, आस्से खरे मना होर पुरे विस्वासा साउगी, होर एस भरोसे साउगी कि आस्सा रे पाप माफ हुई गये, होर मसीह रे खूना रे छिड़काऊ ले आपणे दिला जो सुद्ध करदे हुए, होर आपणे सरीरा जो सुद्ध पाणी किन्हें धोई किन्हें परमेसरा रे नेडे जाहें।

इब्रानियो 13:18

आस्सा रे कठे प्रार्थना करदे रैहया, क्यूंकि आस्सा जो एस गल्ला रा पक्का आ कि, आस्सा री अंतरात्मा सुद्ध ई, होर आस्से सारी गल्ला जो करणे रे ज्रीए परमेसरा जो आदर दें।

इब्रानियो 9:14

मसीह बेकसूर था, होर तिन्हें आपणे आपा जो अनंत होर आत्मिक बलिदान करी किन्हें परमेसरा रे साम्हणें आस्सा रे पापा रे कठे चढ़ाई दितेया। होर इधी कठे तेसरा खून सिर्फ आस्सा रे सरीरा री असुद्धता जो दूर करणे रे कठे ही नी, पर अंतरात्मा जो सुद्ध करणे रे कठे सामर्थी आ, ताकि आस्से जिउंदे परमेसरा री सेऊआ करहे, होर एह्ड़े पापा रे काम नी करहे, जो मौता री वखा जो लेई जाहें।

याकूब 4:8

परमेसरा रे नेडे आऊआ; ता तेस भी तुस्सा रे नेडे आऊंणा; हे पापियो, आपणी जिंदगी ले पापा जो दूर करहा; होर ये दोगले लोको आपणे दिला जो पवित्र करा।

1 पतरस 1:22

सच्चा जो मनणे री वजहा ले ही तुस्से आपणे पापा ले सुद्ध किती गईरे। इधी कठे ऐबे आपणे विस्वासी भाई बैहणा किन्हें गहरा होर पुरे दिला किन्हें प्यार करदे रैहया।

1 पतरस 3:16

ताकि तुस्सा री अंतरात्मा तुस्सा जो दोस नी लगाए। जेबे लोका देखणा कि तुस्से सही काम करहे, क्यूंकि तुस्से मसीह रे लोक ऐे; तेबे तिन्हा तुस्सा रे बरखलाफ बुरी गल्ला बोलणे री वजहा ले सर्मिन्दा हूंणा।

1 पतरस 3:21

पुराणे टैम मन्झ तिन्हारा पाणी ले बची जाणा ऐबे रे उद्धारा रा एक उदाहरण आ, जो आस्सो बपतिस्मा लेणे पर मिला। जेस पाणी मन्झ आस्से बपतिस्मा ले से आस्सा रे सरीरा रा मैल दूर नी करदा, पर ये एक नसाणी की आस्से आपणी सुद्ध अंतरात्मा ले परमेसरा ले माफी मांगी लेईरी। आस्सो माफी मिली सकी क्यूंकि यीसू मसीह मरिरे मन्झ ले दबारा जिउंदा हुईरा,

1 पतरस 4:8

होर सभी ले जरूरी गल येई कि एक दूजे किन्हें गहरा प्यार रखा; क्यूंकि अगर तुस्से एक दूजे किन्हें प्यार करहे, ता तुस्से तिन्हारी हमेसा केसी भी गलती जो माफ करणे रे कठे त्यार रहे।

2 पतरस 1:7

होर सच्ची भक्ति री जिन्दगी जीणा ही नी पर आपणे परिवारा साहीं दूजे विस्वासी भाई बैहणा किन्हें प्यार भी करहा।

1 यहून्ना 3:10

परमेसरा रे बच्चे होर सैताने रे बच्चे जो तुस्से इंहां जाणी सक्हा ऐं; हरेक आदमी जो भले काम नी करदा होर आपणे भाई होर बैहण किन्हें प्यार नी रखदा, से परमेसरा रा नी आ।

1 यहून्ना 3:23

होर तेसरा हुक्म ये आ कि आस्से तेसरे मह्ठा यीसू मसीह रे नांऊँआं पर विस्वास करहे होर जेह्ड़ा तिन्हें आस्सा जो हुक्म दितिरा, तेता रे ई मताबक आस्से एक दूजे किन्हें प्यार करहे।

1 यहून्ना 3:3

होर जो कोई मसीह पर ये आस रख्हा, से आपणे आपा जो तेह्ड़ा ई पवित्र करहा, जेह्ड़ा मसीह आपु पवित्र आ।