1 तिमिथियुस 1:3 - मंडयाली नंऊँआं नियम

³ इफिसुस सैहरा जो छाडी किन्हें मकीदुनिया ईलाके जो जाणे रे टैमा मन्झ जो गल्ला मैं तेरे किन्हें दिला ले बोलिरी थी तेस्सा गल्ला जो हांऊँ दबारा बोली करहा कि, इफिसुस सैहरा मन्झ कुछ लोक एह्ड़े जो गलत उपदेसा जो सखाई करहे, तू तेथी रही किन्हें तिन्हो एह्ड़ा समझा कि स्यों एह्ड़ी गल्ला नी स्खाये।

1 तिमिथियुस 1:3 Iomraidhean Croise

चुणिरे चेले रे काम 18:19

फेरी तिन्हें इफिसुस सैहरा मन्झ पुज्ही किन्हें तिन्हें प्रिसकिल्ला होर अक्विला जो तेथी छाडी दितेया, होर आपु ई यहूदी सभा मन्झ जाई किन्हें यहूदी लोका किन्हें बैहस करदा लग्या।

चुणिरे चेले रे काम 18:21

पर ये बोली किन्हें तिन्हा ले विदा हुएया कि, “अगर परमेसरे चाहंगा ता मां तुस्सा वाले दबारा आऊंणा।” तेबे से इफिसुस सैहरा ले जहाजा पर चढ़ी किन्हें चली गया।

रोमियो 15:26

क्यूंकि मकीदुनिया होर अखाया ईलाके रे लोका जो पुरे दिला ले एस कामा जो करणा खरा लग्या कि जो परमेसरा रे पवित्र लोक यरुस्लेम सैहरा मन्झ ऐे होर गरीब लोक ऐे, तिन्हारी मदद करणे रे कठे कुछ ढब्बे कठ्ठा करूं।

रोमियो 16:17

ऐबे हे भाईयो होर बैहणो, हांऊँ तुस्सा किन्हें अर्ज करहा कि तिन्हा लोका पर खूब ध्यान देआ, जो लोक तुस्सा रे मन्झ फूट पाहें, होर तिन्हा लोका पर जो तुस्सा जो दितिरे सच्चे उपदेसा रे बरखलाफ भड़काए, जेस ले तुस्सा रा विस्वास कमजोर हुआ। तिन्हा लोका ले दूर रैहया।

2 कुरिन्थियो 11:4

अगर कोई तुस्सा वाले आई किन्हें, यीसू रे बारे मन्झ लग ही प्रचार करहे, जेह्ड़ा आस्से यीसू रे बारे मन्झ प्रचार कितेया था; या तुस्सा जो कोई होर आत्मा मिले, जो पवित्र आत्मा ले लग ई जो तुस्सा जो पैहले मिलिरी थी; या होर कोई एह्ड़ी खबर मिले जो तेस खुसी री खबरा ले लग हो जो तुस्से पैहले ग्रहण कितिरी थी, तेबे तुस्से इन्हा झूठे उपदेसा जो बड़ी असानी किन्हें मनी ले। होर एह्ड़ा करी किन्हें तुस्सा ले बौह्त बडी गलती हुई गईरी।

इफिसियो 4:14

इधी कठे ऐबे ले लेई किन्हें आस्से बच्चे साहीं नी बणे, आस्सा तेस किस्ती साहीं नी हूंणा, जेस जो तेज बागर डूआई किन्हें लेई जाहीं, या ल्हरें ओरे-परे घुमाई देईं। यानि ऐबे ले ठगी होर चालू माह्णुं आस्सा जो झूठी गल्ला मन्झ नी फसाई सकदे।

फिलिप्पियो 2:24

होर मुंजो प्रभु मन्झ भरोसा आ कि, मां आपु भी तुस्सा वाले जल्दी आई जाणा।

1 तिमिथियुस 4:11

विस्वासी लोका जो इन्हा गल्ला जो सखा, होर तिन्हो इन्हा गल्ला जो मनणे रा आदेस दे।

1 तिमिथियुस 4:6

अगर तू विस्वासी भाई बैहणा जो इन्हा गल्ला जो याद कुरांदा रहे, जो मैं ऐबे तुस्सा जो करणे रे कठे बोलिरी। होर विस्वासा रे संदेसा रे ज्रीए होर खरे उपदेसा रे ज्रीए जेस जो तू मनदा आईरा, तू मजबूत बनाई गईरा, ता तुध मसीह यीसू रा खरा सेऊआदार बणना।

1 तिमिथियुस 5:7

सारे विस्वासी लोका जो इन्हा बिधिया रे बारे मन्झ दस, ताकि हर कोई इन्हा जो बेकसूर पाए।

1 तिमिथियुस 6:10

क्यूंकि धन रा मोह सभ किस्मा री बुराईया री जड़ ई, जेस धना जो पाणे री कोसिस करदे-करदे कुछ लोक मजे-मजे मसीह रे उपदेसा पर विस्वासा करणा छाडी दे। एता री वजहा ले स्यों लोक कई किस्मा रे दुःख सहन करहे, तेस माह्णुं साहीं जिन्हें हथियारा किन्हें आपणे आपा जो छलनी करी दितिरा हो।

1 तिमिथियुस 6:17

एस संसार रे अमीर लोका जो ये आदेस दे कि, स्यों घमंडी नी बणे, होर स्यों धना पर भरोसा नी रखे, जो हमेसा रे कठे नी आ, पर परमेसरा पर ई भरोसा रखे जो आस्सा रे सुखा रे कठे सभ कुछ भरपूरी किन्हें देहां।

1 तिमिथियुस 6:3

अगर कोई गलत उपदेसा जो सखा; होर आस्सा रे प्रभु यीसू मसीह रे दितिरे सही उपदेस होर परमेसरा री भक्ति री बिधिया ले राजी नी हुंदा,

2 तिमिथियुस 1:18

न्याय रे ध्याड़े प्रभु उनेसिफुरुस पर आपणी दया दसे! होर तुस्से आप्हुए जाणांहे कि इफिसुस सैहरा मन्झ रैहन्दे हुए तिन्हें मेरी कितनी मदद कितिरी।

2 यहून्ना 1:7

ये गल्ला हांऊँ तुस्सा जो इधी कठे याद कुरायीं करहा क्यूंकि बौह्त लोक संसारा मन्झ निक्लिरे, जो आपणी झूठी उपदेसा किन्हें लोका जो धोखा दे। से बोल्हा कि यीसू मसीह एस संसारा मन्झ माह्णुं बणी किन्हें नी आईरा, एह्ड़ा बोलणे बाला मसीह रा व्रोधी आ जो लोका जो धोखा देआ।

प्रकासना री गल्ला 2:14

पर हांऊँ तेरे बरखलाफ ये बोलणा चाहां, क्यूंकि तू कलीसिया मन्झ गलत उपदेस देणे वाल़ा रा विरोध नी करदा, जो पुराणे टैमा रे बिलाम नबी साहीं स्खाये। तिन्हें इस्राएल देसा रे लोका जो पाप कुराणे रे कठे राजा बालाक जो सखाया, जेता री वजहा ले राजे इस्राएली लोका जो मूर्ति रे आगे बलिदान कितिरी चीजा जो खाणा, होर व्यभिचार करणा सखाया।

प्रकासना री गल्ला 2:20

पर हांऊँ तेरे बरखलाफ ये बोलणा चाहां कि, तू तेस ज्नाने ईजेबेला जो झूठे उपदेस स्खाणे देहां। से आपणे आपा जो नबण बोल्हा ई, पर से मेरे लोका जो व्यभिचार करणे, होर मूर्ति रे अगे बलिदान कितिरी चीजा जो खाणे रे कठे सखाई किन्हें तिन्हो भरमाहीं।