1 तिमिथियुस 1:2 - मंडयाली नंऊँआं नियम

² हे तिमिथियुस, हांऊँ ये चिठ्ठी तुजो लिखी करहा, तू मेरे आपणे मह्ठे साहीं आ क्यूंकि तू भी मसीह पर विस्वास रखा। हांऊँ प्रार्थना करहा कि बापू परमेसर होर आस्सा रा प्रभु मसीह यीसू तुजो अनुग्रह, दया, होर सांति देंदा रहे।

1 तिमिथियुस 1:2 Iomraidhean Croise

रोमियो 1:7

ये चिठ्ठी रोम सैहरा रे लोका रे कठे ई, जिन्हा किन्हें परमेसर प्यार करहा होर आपणे पवित्र लोक हूंणे रे कठे चुणिरे। आस्से प्रार्थना करहे कि आस्सा रा बापू परमेसर होर प्रभु यीसू मसीह तुस्सा जो अनुग्रह होर सांति देंदा रहे।

गलातियो 1:3

हांऊँ ये प्रार्थना करहा कि आस्सा रा बापू परमेसर होर प्रभु यीसू मसीह तुस्सा जो अनुग्रह होर सांति देंदा रहे।

1 थिस्सलुनकियो 3:2

होर मसीह रे खुसी री खबरा जो सुनाणे मन्झ आस्सा रा भाई, होर परमेसरा रा सेऊआदार तिमिथियुसा जो मैं तुस्सा वाले इधी कठे भेज्या, ताकि से तुस्सा जो मसीहा रे विस्वासा मन्झ मजबूत करहे; होर प्रभु पर विस्वासा बनाये रखणे रे कठे तुस्सा जो हिम्मत दे।

1 तिमिथियुस 1:12

होर हांऊँ, आस्सा रे प्रभु यीसू मसीह रा धन्यावाद करहा, जिन्हें मुंजो सामर्थ दिती; कि तिन्हें मुंजो भरोसे लायक समझी किन्हें आपणी सेऊआ रे कठे नियुक्त कितेया।

1 तिमिथियुस 1:18

मेरे मह्ठे, तिमिथियुस, हांऊँ इन्हा आदेसा जो तुस्सा जो देई करहा: हांऊँ चाहां कि तुस्से तिन्हा गल्ला जो याद रखा जो नबिये बौह्त पैहले बोलिरी थी कि तुस्सा किन्हें एह्ड़ा हूंणा। तू तिन्हा गल्ला जो झूठे उपदेसा स्खाणे वाले रे बरखलाफ लड़ने रे कठे इस्तेमाल करेया।

1 तिमिथियुस 6:20

हे तिमिथियुस, परमेसरे जो काम तुजो सौंपी रा, तू तेता जो पूरा कर। जो गल्ला आत्मिक नी, होर बेकारा री बैहसा ले दूर रह, होर तिन्हा ले भी जो परमेसरा रे सच्चे उपदेसा रे व्रोधा मन्झ ई, जिन्हा जो स्यों गलती किन्हें “ज्ञान” बोले।

2 तिमिथियुस 1:2

हे तिमिथियुस, हांऊँ ये चिठ्ठी तुजो लिखी करहा, होर हांऊँ तेरे किन्हें आपणे मह्ठे साहीं प्यार करहा। हांऊँ प्रार्थना करहा कि बापू परमेसर होर आस्सा रा प्रभु यीसू मसीह तुजो अनुग्रह, दया होर सांति देंदा रहे।

2 तिमिथियुस 2:1

इधी कठे हे मेरे मह्ठे तिमिथियुस, तू ये जाणी किन्हें आपणे आपा जो मजबूत कर कि, परमेसरे तुजो से अनुग्रह दितिरा, जो आस्सा रे मसीह यीसू साउगी एक हूंणे ले वजहा ले मिला।

तितुस 1:4

तितुस ये चिठ्ठी हांऊँ तुजो लिखी करहा, तू सच्चे मेरे मह्ठे साहीं आ, क्यूंकि आस्से यीसू मसीह पर विस्वास करहे। हांऊँ प्रार्थना करहा कि आस्सा रा बापू परमेसर होर उद्धारकर्ता मसीह यीसू तुजो अनुग्रह होर सांति देंदा रहे।

तितुस 2:2

खपरे आदमिया जो सखाया कि स्यों आपणे आपा पर काबू रखे होर तिन्हारा स्वभाव एह्ड़ा हो कि सब तिन्हारी इज्जत करहे, होर समझदारी किन्हें काम करणे वाले हो। परमेसरा पर मजबूत विस्वास करणे वाले, दूजेया किन्हें सच्चा प्यार करणे वाले होर सभ गल्ला मन्झ धीरज रखणे वाले हो।

तितुस 3:15

होर सारे विस्वासी लोक जो मेरे साउगी एथी ऐं, स्यों तुस्सा जो नमस्कार बोल्हे। होर क्रेते टापू मन्झ रैहणे वाले आस्सा रे विस्वासी भाई बैहण, जो आस्सा किन्हें प्यार रख्हा ऐं, तिन्हा जो आस्सा रा नमस्कार। हांऊँ प्रार्थना करहा कि परमेसर तुस्सा सभी जो आपणा अनुग्रह देंदा रहे।

1 पतरस 1:2

होर परमेसर बापूए बौह्त पैहले ले ही तुस्सा जो आपणे लोक हूंणे रे कठे, होर पवित्र आत्मा रे कामा रे ज्रीए पवित्र हूंणे रे कठे चुणी लईरा था। एह्ड़ा तिन्हें इधी कठे कितेया की तुस्से यीसू मसीह रा हुक्म मान्नो, होर तेसरे खूना रे छिड़कणे ले साफ हुई जाओ। हांऊँ प्रार्थना करहा कि परमेसर तुस्सा जो बौह्त अनुग्रह होर सांति देंदा रहे।

2 यहून्ना 1:3

परमेसर बापू, होर तेसरा मह्ठा यीसू मसीह तुस्सा सभी जो, जो सच्चाई होर प्यार मन्झ जीहां ऐं, आपणा किरपा, होर अनुग्रह होर सांति दे।

3 यहून्ना 1:4

मुंजो एता ले बढ़ी किन्हें होर कोई खुसी नी ई कि, हांऊँ ये सुणुं कि, स्यों लोक जो मेरे बच्चे साहीं ऐं सच्चाई रे मताबक चल्या करहा ऐं जो परमेसरे आस्सा जो दसीरी।

यहूदा 1:2

हांऊँ प्रार्थना करहा कि परमेसर तुस्सा जो बौह्त सारा अनुग्रह, सांति होर प्यार देंदा रहे।