1 तिमिथियुस 1:19 - मंडयाली नंऊँआं नियम

¹⁹ तुस्सा रा मसीह पर विस्वास बणेया रहे, होर साफ अंतरात्मा हो। कुछ लोके आपणी एस साफ अंतरात्मा जो नकारी दितिरी, जेसरी वजहा ले तिन्हारा विस्वास रूपी जहाज डूबी गया।

1 तिमिथियुस 1:19 Iomraidhean Croise

मत्ती 6:27

तुस्सा मन्झा ले एह्ड़ा कुणहां, जेह्ड़ा फिकर करी किन्हें आपणी जिन्दगी री उम्रा मन्झ एक घड़ी भी बढ़ाई सक्हा?

1 कुरिन्थियो 11:19

तुस्सा जो क्या लगहा कि तुस्सा रे बीचा मन्झ जेबे बंटवारा हूणा, तेबे ही दूजे लोका जो पता लगणा कि कुण परमेसरा रे चुणिरे लोक ऐं? नी एह्ड़ा बिलकुल भी नी आ।

गलातियो 5:4

तुस्से जो, मूसा री व्यवस्था मनणे रे ज्रीए परमेसरा री नजरा मन्झ धर्मी बणना चाहें, तुस्से सभीए मसीह साउगी आपणा रिस्ता तोड़ी दितिरा, होर आपणे आपा जो तेस अनुग्रह ले लग करी दितिरा, जेसरे ज्रीए परमेसरे तुस्सा रा उद्धार करी सका।

1 तिमिथियुस 1:5

हांऊँ ये आदेस तुस्सा जो इधी कठे देआ कि तुस्से एक दूजे किन्हें सच्चे दिला किन्हें प्यार करा, होर साफ अंतरात्मा, होर भरपूर विस्वास रखो।

1 तिमिथियुस 3:9

पर तिन्हा जो सुद्ध अंतरात्मा ले तेस सच्ची खबरा पर विस्वास करणा चहिए, जो परमेसरे जाहिर कितिरी।

1 तिमिथियुस 6:12

एक खरे स्पाही साहीं जो लड़ाई रे टैम कधी हिम्मत नी हारदा, आपणे विस्वासा रे कठे खरी लड़ाई कर, होर अनंत जिन्दगी जो पकड़ी ले, जेसरे कठे तू सादी गईरा था, होर बौह्त लोका रे साम्हणें तैं गुआही दितीरी थी कि तू मसीह पर विस्वास करा।

1 तिमिथियुस 6:21

कुछ लोके इन्हा झूठे ज्ञाना जो अपनाई लईरा, एह्ड़ा करणे ले ऐबे स्यों मसीह रे सच्चे उपदेसा पर विस्वास नी करदे। हांऊँ प्रार्थना करहा कि परमेसर तुस्सा सभी जो आपणा अनुग्रह देंदा रहे।

1 तिमिथियुस 6:9

पर जो माह्णुं अमीर बणना चाहें, स्यों असानी किन्हें हर प्रकारा रे पाप करणे री परखणी मन्झ पई जाहें, होर एक जानवरा साहीं फसी जाहें। स्यों नर्क्कले होर खतरनाक कामा जो करणा चाहें, जो पूरी तरहा ले तिन्हारा विनास करी देईं।

2 तिमिथियुस 2:18

तिन्हें सच्चाई पर विस्वास करणा छाडी दितिरा, स्यों बोले कि परमेसरे पैहले ले ही मरिरे विस्वासी लोका जो अनंत जिन्दगी पाणे रे कठे जिउंदा करी दितिरा। एता री वजहा ले स्यों कुछ विस्वासी लोका जो मसीह पर विस्वास नी करणे रे कठे मनाई कराये।

2 तिमिथियुस 4:4

तिन्हा सच्चाई नी सुणनीं, पर झूठी मन घड़ंत काह्णियां सुणनीं।

तितुस 1:9

होर से तेस भरोसे रे लायक उपदेसा जो मजबूती किन्हें पकड़ी रखणे वाल़ा हो, जो आस्से तेस जो सखाईरा था; जेता ले दूजेया जो सखाई सके होर सच्चे उपदेस रे बरखलाप बोलणे वाल़ेया रा मुंह बंद कुराई सके।

इब्रानियो 3:14

जो विस्वास आस्सा रा मसीह जो अपनाणे टैमा मन्झ था, अगर आखरी ध्याड़े तक हिम्मता साउगी आस्से आपणे तेस विस्वासा मन्झ बणी रैहन्गे, ता तेबे आस्सा मसीह साउगी साझी बणी जाणा।

1 यहून्ना 2:19

जो मसीह रे व्रोधी निकली रे स्यों आस्सा री कलीसिया मन्झा ले ई निकली रे, पर स्यों आस्सा रे आपणे नी थे, अगर स्यों आस्सा रे आपणे हुंदे ता स्यों आस्सा साउगी रैहन्दे, पर स्यों आस्सा जो छाडी किन्हें चली गये; जेस ले ये पता लगी जां कि तिन्हा मन्झ ले कोई भी आस्सा रा आपणा नी था।

प्रकासना री गल्ला 3:10

जेबे तुस्से दुखी थे ता तेता जो सबरा साउगी सहन करणे रे कठे तुस्से मेरी गल्ला जो मन्नेया, होर एस वजहा ले मां भी तू परीक्सा रे टैमा बचाई रखणा। ये परखणी रा टैम सभ संसारा रे लोका पर आऊंणा।

प्रकासना री गल्ला 3:3

इधी कठे तिन्हा उपदेसा जो याद करा, जो तुस्से सभी ले पैहले सुणीरे थे, होर तिन्हा पर विस्वास कितेया था, होर पाप करणा छाडी देआ। होर अगर तुस्से त्यार नी रहे, ता तुस्सा जो तेस टैमा रा पता नी चलणा, जेबे मां तुस्सा जो सजा देणे रे कठे आई जाणा, क्यूंकि मां चोरा साहीं अचानक आई जाणा।

प्रकासना री गल्ला 3:8

हांऊँ जाणहां कि तू क्या काम करहा, होर तेरी सामर्थ थोह्ड़ी ई, पर तैं मेरी गल्ला मन्ही री, होर जो विस्वास तेरा मेरे पर आ, से विस्वास तैं नी छाडेया। इधी कठे मैं तेरे साम्हणें एक दुराजा खोल्ही किन्हें रखिरा, जेस जो कोई बंद नी करी सक्दा।