1 तिमिथियुस 1:18 - मंडयाली नंऊँआं नियम

¹⁸ मेरे मह्ठे, तिमिथियुस, हांऊँ इन्हा आदेसा जो तुस्सा जो देई करहा: हांऊँ चाहां कि तुस्से तिन्हा गल्ला जो याद रखा जो नबिये बौह्त पैहले बोलिरी थी कि तुस्सा किन्हें एह्ड़ा हूंणा। तू तिन्हा गल्ला जो झूठे उपदेसा स्खाणे वाले रे बरखलाफ लड़ने रे कठे इस्तेमाल करेया।

1 तिमिथियुस 1:18 Iomraidhean Croise

चुणिरे चेले रे काम 16:1

फेरी से दिरबे होर लुस्त्रा सैहरा मन्झ भी गये, होर तेथी तिमिथियुस नांऊँआं रा एक चेला था, जो केसी यहूदिया ईलाके री विस्वासणी रा मह्ठा था, पर तेसरा बापू यूनान देसा रा था।

1 कुरिन्थियो 4:17

इधी कठे मैं तिमिथियुस तुस्सा वाले भेजिरा। हांऊँ तेजो एक मह्ठे साहीं प्यार करहा, होर से प्रभु रा भरोसे लायक सेऊआदार आ तेस तुस्सा जो दसणा कि हांऊँ क्या करहा होर कियां मसीह यीसू रा चेला बणी किन्हें जियां, ठीक स्यों गल्ला जो हांऊँ हर जगहा री सभ कलीसिया रे लोका जो सखा।

1 कुरिन्थियो 9:7

कोई भी आदमी आपणे खर्चे पर स्पाही रा काम नी करदा। से जो अंगूरा रा बगीचा लगां से भी तेसरा फल खाणे री उम्मीद रखा। होर भेडा रे झुंडा री रखवाली करणे वाल़ा भी तिन्हा भेडा रा दूध पीणे री उम्मीद रखा।

फिलिप्पियो 2:22

पर तिमिथियुस जो ता तुस्से जाणी गईरे कि से सच्चा आ, जेह्ड़ा मह्ठा बापू साउगी करहा, तिहां ई तिन्हें खुसी री खबरा रे फैलाणे मन्झ मेरे साउगी मैहनत किती।

1 तिमिथियुस 1:2

हे तिमिथियुस, हांऊँ ये चिठ्ठी तुजो लिखी करहा, तू मेरे आपणे मह्ठे साहीं आ क्यूंकि तू भी मसीह पर विस्वास रखा। हांऊँ प्रार्थना करहा कि बापू परमेसर होर आस्सा रा प्रभु मसीह यीसू तुजो अनुग्रह, दया, होर सांति देंदा रहे।

1 तिमिथियुस 1:5

हांऊँ ये आदेस तुस्सा जो इधी कठे देआ कि तुस्से एक दूजे किन्हें सच्चे दिला किन्हें प्यार करा, होर साफ अंतरात्मा, होर भरपूर विस्वास रखो।

1 तिमिथियुस 4:14

याद रखा कि जेबे कलीसिया रे अगुवे तुस्सा पर हाथ रखिरा था, होर भविस्यवाणी करी किन्हें तेस खास वरदाना रे बारे मन्झ दसिरा था, जो परमेसरे तुस्सा जो दितिरा। तेस बरदान रे बारे मन्झ लापरवाह मत बण।

1 तिमिथियुस 4:4

क्यूंकि परमेसरा री रचिरी हर एक चीज खरी ई; होर आस्से कुछ भी खाई सके, पर सिर्फ इतना हो कि स्यों चीजा परमेसरा जो धन्यावाद देई किन्हें खाई जाए।

1 तिमिथियुस 6:20

हे तिमिथियुस, परमेसरे जो काम तुजो सौंपी रा, तू तेता जो पूरा कर। जो गल्ला आत्मिक नी, होर बेकारा री बैहसा ले दूर रह, होर तिन्हा ले भी जो परमेसरा रे सच्चे उपदेसा रे व्रोधा मन्झ ई, जिन्हा जो स्यों गलती किन्हें “ज्ञान” बोले।

2 तिमिथियुस 1:2

हे तिमिथियुस, हांऊँ ये चिठ्ठी तुजो लिखी करहा, होर हांऊँ तेरे किन्हें आपणे मह्ठे साहीं प्यार करहा। हांऊँ प्रार्थना करहा कि बापू परमेसर होर आस्सा रा प्रभु यीसू मसीह तुजो अनुग्रह, दया होर सांति देंदा रहे।

2 तिमिथियुस 4:7

एक खरे स्पाही साहीं जो लड़ाई रे टैम कधी हिम्मत नी हारदा, मैं मसीह रे कामा जो पूरा करणे रे कठे बौह्त मेहनत कितिरी, होर मसीह पर मेरा विस्वास कधी नी बदली रा।

तितुस 1:4

तितुस ये चिठ्ठी हांऊँ तुजो लिखी करहा, तू सच्चे मेरे मह्ठे साहीं आ, क्यूंकि आस्से यीसू मसीह पर विस्वास करहे। हांऊँ प्रार्थना करहा कि आस्सा रा बापू परमेसर होर उद्धारकर्ता मसीह यीसू तुजो अनुग्रह होर सांति देंदा रहे।

फिलेमोन 1:10

होर मेरी ये अर्ज उनेसिमुसा रे कठे ई जो मेरे मह्ठे साहीं आ। होर जेबे हांऊँ जेल्हा मन्झ था तेबे से मेरा आत्मिक मह्ठा बणेया।