1 तिमिथियुस 1:17 - मंडयाली नंऊँआं नियम

¹⁷ ऐबे अनंतकाला रा राजा, कधी भी नी मरणे वाल़ा, अनदेखे, होर एक सच्चा परमेसरा रा आदर होर महिमा जुग-जुग हुन्दी रहे। आमीन।

1 तिमिथियुस 1:17 Iomraidhean Croise

मत्ती 25:34

तेबे मां राजे आपणी ओरली वखा वाली किन्हें बोलणा, हे मेरे बापू रे धन्य लोको, आऊआ, तेस राज्या रे अधिकारी हुई जाऊआ, जो संसारा री सुर्हूआता ले तुस्सा रे कठे त्यार कितिरा।

मत्ती 28:20

होर इन्हा चेलेया जो, जो हुक्म मैं तुस्सा जो दितरे तिन्हारा पालन करणा सिखाऊआ: होर सूणां, हांऊँ संसारा रे खत्म हूंणे तक हमेसा तुस्सा साउगी आ।”

मत्ती 6:13

होर आस्सा री परखणी नी कर, पर आस्सा जो तेस दुस्ट सैताना ले बचा; क्यूंकि राज्य होर सामर्थ होर महिमा हमेसा तुस्सा रे ई ऐं।’ आमीन।”

यहून्ना 1:18

परमेसरा जो केसिए कधी नी देख्या। पर एकलौते मह्ठे जो सच्चमुच परमेसर आ होर बापू रे सभी ले करीब आ, तिन्हें ई आस्सा जो परमेसर दसिरा।

यहून्ना 5:44

तुस्से मेरे पर विस्वास नी करी सकदे? क्यूंकि तुस्से जे एक दूजे ले इज्जत चाहें, होर तेस्सा इज्जता रे बारे मन्झ सोच्दे भी नी जो परमेसरा री तरफा ले आहूँआं ईं।”

रोमियो 1:20

हकीकता मन्झ लोक आपणी हाखिया किन्हें नी देखी पांदे कि से परमेसर कुणहां। पर जेबे ले परमेसरे ये संसार बणाया, होर संसारा री हर रचना तेस सामर्थी परमेसरा रा ब्खान करहा ई। क्यूंकि संसारा री रचना देखी किन्हें ये पता चल्हा कि इन्हारा बनाणे वाल़ा परमेसर आ, इधी कठे लोका वाले परमेसरा जो नी जाणने रा ऐबे कोई भाना नी आ।

रोमियो 1:23

हमेसा जिउंदे रैहणे वाले महिमामय परमेसरा री अराधना करणे रे बजाय तिन्हें माह्णुंआं री, जो जल्दी मरी जाये, होर चिड़ुआ री, पेटा रे भारे चलणे फिरणे वाले जीव जन्तु, होर जानवरा साहीं दुसणे वाली मूर्तिया री पूजा करदे लगे।

रोमियो 11:36

क्यूंकि सभ कुछ परमेसरा री तरफा ले आ, होर तेसरे ज्रीए ही बणी रैहयां, होर तेसरे ही महिमा रे कठे आ। हांऊँ प्रार्थना करहा कि लोक परमेसरा री महिमा जुग-जुग करदे रहे। आमीन।

रोमियो 16:27

यीसू मसीह रे ज्रीए तेस ज्ञानी होर बुद्धिमान परमेसरा री जुग-जुग बढ़ाई हुन्दी रहे। आमीन।

रोमियो 2:10

होर जो खरे काम करहा तेस जो महिमा होर आदरा होर सांति मिलणी, पर परमेसरा इन्हा गल्ला जो पैहले यहूदी लोका जो फेरी गैर-यहूदी लोका जो देणी।

रोमियो 2:7

जो लोक खरे कामा जो करदे हुए परमेसरा री वखा ले मिलणे वाली महिमा, आदर होर कधी ना खत्म हूंणे वाली जिन्दगी री तोपा मन्झ रैंहयां ऐं, परमेसरा तिन्हा सभी जो अनंत जिन्दगी देणी।

कुलुस्सियो 1:15

परमेसरा जो कोई नी देखी सकदा, पर जेबे तेसरा मह्ठा माह्णुं रे रूपा मन्झ आया ता तिन्हें संसारा रे लोका जो दसेया कि परमेसर केह्ड़ा आ, क्यूंकि ये मह्ठा तेस साहीं आ। होर परमेसरे जो कुछ बणाया तेता पर मह्ठे रा सभी ले ज्यादा हक आ।

इब्रानियो 11:27

विस्वास करणे री वजहा ले ई, राजे रे गुस्से ले नी डरदे हुए, मुसे मिस्र देस छाडी दितेया, क्यूंकि से समझी गईरा था कि मानो तिन्हें नी सूझणे वाले परमेसरा जो देखी लेया।

इब्रानियो 2:7

तैं तेस जो स्वर्गदूता रे मुकाबले थोड़ा ही कम दर्जा दितेया; तैं तेजो राजे साहीं महिमा होर आदर दितेया, होर तेस जो आपणे हाथा रे कामा पर हक दितेया।

1 पतरस 5:11

तेस सामर्था किन्हें जुग-जुग राज करदा रेहणा। आमीन।

2 पतरस 3:18

एता रे बजाय आस्सा रे प्रभु, होर उद्धारकर्ता यीसू मसीह रे अनुग्रहा जो होर ज्यादा ले ज्यादा मैहसूस करदे रैहया। होर तेसरे बारे मन्झ जो तुस्से समझ रखे तेता मन्झ बढ़दे जाऊआ। तेसरी बढ़ाई ऐबे, होर जुग-जुग हुन्दी रहे। आमीन।

1 यहून्ना 4:12

परमेसरा जो कधी केसिए नी देख्या; अगर आस्से एक दूजे किन्हें प्यार रखे, ता परमेसर आस्सा मन्झ वास करहा ऐं, होर तेसरा प्यार आस्सा मन्झ सिद्ध हुंहाँ।

प्रकासना री गल्ला 15:3

होर तिन्हें परमेसरा रे सेऊआदार मूसा साहीं गाणा गाया, होर से गाणा छेलू बारे मन्झ था। होर स्यों इंहां गांदे लगिरे थे कि, “हे सर्वसक्तिमान प्रभु परमेसर, तेरे काम बडे होर नौखे ऐं, तू जो देस-देसा रे लोका रा राजा, तेरे हर काम धर्मा रे, होर सच्चे।”

प्रकासना री गल्ला 17:14

“तिन्हा दस राजेया होर राक्सा छेलू साउगी युद्ध करणा। पर छेलूआ होर तेसरे साथीया स्यों हराई देणे, क्यूंकि छेलु राजेया रा राजा, होर प्रभुआ रा प्रभु आ। तेसरे साथी स्यों जिन्हों परमेसरे चुणिरा होर सादिरे होर जो भरोसे रे लायक ऐं।”

प्रकासना री गल्ला 19:1

सामर्थी स्वर्गदुता री गल्ला करणे रे बाद स्वर्गा मन्झ मैं बौह्त सारे लोका री गाणा गाणे साहीं अवाजा सुणी, जो ये गाई करहे थे, “हालेलूय्याह! आस्सा रे परमेसरा री महिमा हो, से सामर्थी आ, होर आस्सा रा उद्धार करहा।

प्रकासना री गल्ला 19:16

होर तेसरे कपड़े होर सीधी जाँघा पर जो नांऊँ लिखिरा, से ये आ: “राजेया रा राजा होर प्रभुआ रा प्रभु।”

प्रकासना री गल्ला 19:6

फेरी मैं एह्ड़ी अवाज सुणी जो बौह्त लोका रे चिंगणे वाली अवाज साहीं थी, होर तिन्हारी अवाज बौह्त तेज चलने वाली समुद्रा री लैहरा री अवाज साहीं होर बादला री गर्जना साहीं बड़ी भारी थी। मैं तिन्हो ये गांदे हुए सुणेया, “हाल्लेलूयाह! परमेसर आस्सा रा प्रभु सर्वसक्तिमान आ होर सभ लोका पर राज करहा।

प्रकासना री गल्ला 7:12

“आमीन! आस्सा रे परमेसरा री बड़ाई, महिमा, धन्यावाद, इज्जत, तेसरा ज्ञान, सामर्थ होर सक्ति जुग-जुग बणी रैहीं। आमीन।”