1 तिमिथियुस 1:16 - मंडयाली नंऊँआं नियम

¹⁶ होर इधी कठे प्रभु यीसू मसीहे मेरे गास दया किती कि, से मेरे साहीं सभी ले बडे पापी रे ज्रीए आपणी असीम सैहनसीलता दसी सके कि, तिन्हें केस तरीके किन्हें हांऊँ माफ कितिरा, होर आगे चली किन्हें जो लोक तेस मन्झ विस्वास करघे, तिन्हारे कठे अनंत जिन्दगी पाणे रे कठे एक उदाहरणा रे रूपा मन्झ मुंजो खड़ा कितेया।

1 तिमिथियुस 1:16 Iomraidhean Croise

लूका 15:10

हांऊँ तुस्सा किन्हें बोल्हा कि ठीक इंहां ई से एक पापी जो पाप करणा छाडी देआ, तेसरे बारे मन्झ परमेसरा रे स्वर्गदूता रे साम्हणें खुसी हुंहाँ ईं।”

लूका 23:43

तिन्हें तेस किन्हें बोल्या, “हांऊँ तुध किन्हें सच्च -सच्च बोल्हा कि, आज ई तुध मेरे साउगी स्वर्गलोका मन्झ हूंणां।”

लूका 7:47

“इधी कठे हांऊँ तुध किन्हें बोल्हा कि, एस्सा रे बौह्त सारे पाप माफ हुई गये, इधी कठे ऐस्से बौह्त प्यार जाहिर कितेया। पर जेसरा थोह्ड़ा माफ हुईरा, तेस थोह्ड़ा ई प्यार जाहिर करणा।”

यहून्ना 20:31

पर ये चिन्ह इधी कठे लिखे गईरे, ताकि तुस्से विस्वास करी सको कि, यीसू ई परमेसरा रा मह्ठा मसीह आ, होर तेस पर विस्वास करी किन्हें अनंत जिन्दगी पाई सको।

यहून्ना 3:36

जो परमेसरा रे मह्ठे पर विस्वास करहा, अनंत जिन्दगी तेसरी ई; पर जो मह्ठे री नी मन्नदा, तेस अनंत जिन्दगी नी देखणी, पर परमेसरा रा गुस्सा तेस पर रैंहयां।”

यहून्ना 5:24

“हांऊँ तुस्सा किन्हें सच्च -सच्च बोल्हा, जो मेरे बचन सुणी किन्हें मेरे भेजणे वाल़ेया रा विस्वास करहा, अनंत जिन्दगी तेसरी ई, होर तेस पर सजा रा हुक्म नी हुन्दा पर से मौता ले पार हुई किन्हें नौंईं जिन्दगी पाई चुकिरा।

यहून्ना 6:37

जितने भी लोक बापू मुंजो देहां स्यों से मेरे वाले आहूँआं ऐं, होर जो मेरे वाले आहूँआं ऐं, मां पक्का स्यों अपनाणे।

यहून्ना 6:40

क्यूंकि मेरे बापू री इच्छा येई कि, जो कोई मह्ठे जो मनी किन्हें तेस पर विस्वास करहे, तेस अनंत जिन्दगी पाणी। होर मां स्यों आखरी ध्याड़े दबारा मरिरे मन्झा ले जिउंदे करी देणे।”

यहून्ना 6:54

जो मेरा मास खांहां होर मेरा खून पींहां, अनंत जिन्दगी तेसरी ई, होर आखरी ध्याड़े से मां दबारा मरिरे मन्झा ले जिउंदे करी देणा।

चुणिरे चेले रे काम 13:39

होर मूसा री व्यवस्था रे मताबक आस्से कधी धर्मी नी बणी सक्दे पर जो परमेसरा पर विस्वास करहा ऐं स्यों यीसू रे ज्रीए धर्मी बणी जाएं।

रोमियो 15:4

जितनी गल्ला पैहले ले पवित्र सास्त्रा मन्झ लिखी गई, स्यों आस्सा जो स्खाणे रे कठे ई लिखी गईरी कि आस्सो धीरज होर होंसला मिली सके, जो पवित्र सास्त्र आस्सो देआ। ताकि आस्सो से आस मिले जो परमेसरे आस्सा जो देणे रा वादा कितिरा।

रोमियो 6:23

क्यूंकि पापा री मजदूरी ता मौत ई, पर जो दान परमेसर आस्सो देआ से अनंत जिन्दगी ई, से आस्सो प्रभु यीसू मसीह ले मिला।

1 कुरिन्थियो 7:25

कुआरिया रे बारे मन्झ प्रभु रा कोई हुक्म मुंजो नी मिलिरा, पर प्रभुए आपणी दया ले मुंजो भरोसे रे लायक ज्ञान दितिरा होर तेता री वजहा ले हांऊँ आपणी राय देहां।

2 कुरिन्थियो 4:1

इधी कठे जेबे आस्सा पर परमेसरा री एह्ड़ी दया हुई कि, आस्सा जो परमेसरा रे बचना जो प्रचार करणे री सेऊआ मिली, ता आस्से हिम्मत नी हारदे।

इफिसियो 1:12

परमेसरे एह्ड़ा इधी कठे कितेया ताकि आस्से यहूदी लोक जिन्हें जे सभी ले पैहले मसीह पर आस रखिरी थी, आस्से परमेसरा री महिमा होर बड़ाई करहे।

इफिसियो 1:6

ताकि आस्से परमेसरा रे नौखे अनुग्रह रे कठे तेसरी बड़ाई करहे, जो तिन्हें आस्सा जो मुफ्ता मन्झ देई दितेया, क्यूंकि आस्से तेसरे मह्ठे साउगी एक ऐं, जेस किन्हें से बौह्त प्यार करहा।

इफिसियो 2:7

परमेसरे एह्ड़ा इधी कठे कितेया, ताकि आऊणें वाले टैमा मन्झ से संसारा रे लोका जो दसी सके कि तेसरा अनुग्रह कितना महान आ। आस्से जो मसीह यीसू साउगी एक ऐं, आस्सा रे कठे जो कुछ परमेसरे कितेया, ये अनुग्रह तिन्हें आस्सो दसेया।

2 थिस्सलुनकियो 1:10

ये गल्ला तेबे हूणीं जेबे यीसू मसीह दबारा वापस आऊंणा, होर परमेसरा रे पवित्र लोका तेसरी बढ़ाई करणी, होर तेस पर विस्वास करणे वाले मन्झ हरानी री वजहा बणने रे कठे आऊंणा। होर तुस्से भी तिन्हा लोका साउगी हूंणा जिन्हा तेस ध्याड़े तेसरी बढ़ाई करणी, क्यूंकि तुस्से तेसरे बारे मन्झ आस्सा री गुआही पर विस्वास कितेया।

1 तिमिथियुस 1:13

मसीह पर विस्वास करणे ले पैहले ता हांऊँ मसीह री निंदा करणे वाल़ा, होर विस्वासी लोका जो स्ताणे वाल़ा, होर निर्दयी था। क्यूंकि मैं हाल्ले तक विस्वासा नी कितिरा था, इधी कठे हांऊँ नी जाणदा था कि जो हांऊँ करहा था से गलत आ। होर एस वजहा ले मसीहे मेरे पर दया किती।

इब्रानियो 7:25

इधी कठे जो यीसू मसीह रे ज्रीए परमेसरा वाले आहूँए, से तिन्हारा पूरा-पूरा उद्धार करी सक्हा, क्यूंकि से तिन्हारे कठे बिनती करणे रे कठे हमेसा जिउंदा आ।

1 पतरस 3:20

ये तिन्हा लोका री आत्मा जिन्हें बौह्त टैम पेहले परमेसरा रे हुक्मा जो नी मन्नेया था, जेबे नूह जहाज बणाया करहा था परमेसरे सबर करी किन्हें रुकी रैंहयां कि, लोक पाप करणा छाडी दे, पर जेबे जल प्रलया मन्झ सभ लोक डूबी किन्हें मरी गये ता सिर्फ आठ ही लोक बचे जो जहाजा पर कोहे।

2 पतरस 3:15

होर आस्सा रे प्रभु रे सबरा जो एक एह्ड़ा मौका समझा, जेथी लोक पाप करना छाडी सके, फेरी परमेसर तिन्हारे उद्धार करी किन्हें तिन्हा ओ आऊणें वाले न्याय ले बचाई सक्हा। होर ये ही गल परमेसरा रे ज्रीए दितिरे ज्ञाना रे मताबक पौलुसे भी आपणी चिठ्ठी मन्झ तुस्सा रे कठे लिखी जो आस्सा रा लाडला विस्वासी भाई आ।

2 पतरस 3:9

पर कुछ लोक सम्झ्हा ऐं कि, प्रभु आपणे दबारा वापस आऊणें के वादे जो पूरा करणे मन्झ देर करदा लगिरा, पर प्रभु एह्ड़ी देर नी करदा लगीरा। एता रे बजाय से तुस्सा रे बारे मन्झ सबर करी करहा, क्यूंकि से नी चाहन्दा कि से केसी जो भी तेसरे बरखलाप पाप करणे री वजहा ले नास करहे; बल्की ये चाहां कि सभीरा मन बदली जाये, पाप करणा छाडी दे, होर तेसरे वाले आये।