1 तिमिथियुस 1:14 - मंडयाली नंऊँआं नियम

¹⁴ आस्सा रे प्रभुए हमेसा मेरे पर बौह्त ज्यादा अनुग्रह कितेया। होर मसीह यीसू साउगी एक हूंणे री वजहा ले तिन्हें मुंजो विस्वास होर प्यार दितेया।

1 तिमिथियुस 1:14 Iomraidhean Croise

मत्ती 20:9

होर जो पांज बजे आई किन्हें एक घंटे रे भरा रे कठे मजदूरी कितरी थी, जेबे स्यों आये, ता तिन्हा हर एकी जो पूरी एक ध्याड़े री कमाई दिती।

चुणिरे चेले रे काम 15:11

एह्ड़ा करणा सही नी आ, पर आस्से विस्वास करहा ऐं कि जिहां स्यों प्रभु यीसू रे अनुग्रह रे ज्रीए उद्धार पाहें; तिहां ई आस्सा भी उद्धार पाणा ना की मूसा री व्यवस्था रा पालन करणे ले।”

रोमियो 16:20

होर सांति देणे वाल़ा परमेसर सैताना जो खत्म करी किन्हें तेस जो तुस्सा रे अधीन करी देणा। हांऊँ प्रार्थना करहा कि आस्सा रा प्रभु यीसू मसीह तुस्सा जो आपणा अनुग्रह देंदा रहे।

1 कुरिन्थियो 15:10

पर अगर आज हांऊँ चुणिरा चेला आ ता परमेसरा रे अनुग्रह ले आ, होर तिन्हें जो अनुग्रह मेरे पर कितेया, से बेकार नी हुआ। पर मैं तिन्हा दूजे चुणिरे चेलेया ले बढ़ी किन्हें मैहनत किती; तेबे बी ये मेरी तरफा ले नी हुएया, पर परमेसरा रे अनुग्रहे मेरी बड़ी मदद किती कि हांऊँ तेसरा काम करी सकूं।

1 कुरिन्थियो 3:10

परमेसरे जो अनुग्रह मुंजो दितिरा, तेता रे ज्रीए मैं एक खरे राजमिस्त्री साहीं तेस घरा री निउंआं पाई, होर दूजे लोक तेस ही निउंआं पर घर बणाहें। पर हर एक माह्णुं चतन्न रहे कि से तेस निउंआं पर केह्ड़ा घर बणा।

2 कुरिन्थियो 13:14

हांऊँ प्रार्थना करहा कि प्रभु यीसू मसीह रा अनुग्रह होर परमेसरा रा प्यार होर पवित्र आत्मा री साझेदारी तुस्सा सभी रे साउगी हुन्दी रहे।

2 कुरिन्थियो 4:15

क्यूंकि जो भी दुःख आस्से सैहण कितिरे से तुस्सा रे फायदे रे कठे, ताकि परमेसर रा अनुग्रह ज्यादा ले ज्यादा लोका जो मिले, होर बौह्त सारे लोक परमेसरा री महिमा रे कठे तिन्हारा ज्यादा ले ज्यादा धन्यावाद करणा।

2 कुरिन्थियो 8:9

आस्सा रे प्रभु यीसू मसीह रे अनुग्रह जो तुस्से ठीक ढंगा किन्हें जाणहां ऐं कि, से अमीर हुई किन्हें भी तुस्सा रे कठे गरीब बणी गया ताकि तेसरे गरीब हुई जाणे ले तुस्से अमीर हुई जाओ।

गलातियो 1:13

तुस्से जाणहां ऐं कि हांऊँ यहूदी धर्मा री बिधिया रे मताबक जिन्दगी जीया था, हांऊँ परमेसरा री कलीसिया रे लोका जो बौह्त स्ताहां था, होर मसीह पर विस्वास करणे वाल़ेया जो नास करणे री कोसिस करहा था।

1 थिस्सलुनकियो 1:3

होर जेबे आस्से आपणे बापू परमेसरा किन्हें प्रार्थना करहा ऐं, तुस्सा रे कामा रे कठे जो विस्वासा री वजहा ले तुस्से करहा ऐं, होर दूजेया किन्हें प्यार करणे रे कठे जो मैहनत करहा ऐं, होर आस्सा रे प्रभु यीसू मसीह मन्झ उम्मीद रखणे रे वजहा ले जो धीरज पैदा हुंहाँ, तिन्हा गल्ला जो आस्से हमेसा याद करहा ऐं।

1 थिस्सलुनकियो 5:8

पर आस्से ता ध्याड़ीया रे टैमा मन्झ काम करणे वाले ऐं, विस्वास होर प्यारा री झिलम पैन्ही किन्हें होर उद्धारा री आसा रा टोप पैन्ही किन्हें चतन्न रैहया।

1 तिमिथियुस 2:15

अगर ज्नानिया मसीह पर विस्वास करही, होर दूजे लोका किन्हें प्यार करही, होर पवित्र होर सही ढंगा किन्हें जी, ता परमेसर जनानिया जो बच्चे जणने रे ज्रीए तिन्हारा उद्धार करणा।

1 तिमिथियुस 4:12

कोई तेरी जुआनी जो बेकार नी समझणे पाए; पर जो गल्ला तू बोल्हा, होर आपणे चाल चलना रे ज्रीए, दूजेया रे कठे तेरे प्यारा रे ज्रीए, होर मसीह पर तुस्सा रे विस्वास होर तुस्सा री पवित्र जिन्दगी रे ज्रीए, तू विस्वासी लोका रे कठे एक उदाहरण बणी जा।

1 तिमिथियुस 6:11

पर हे तिमिथियुस, तू जो परमेसरा रा जण आ, तू इन्हा गल्ला ले दूर रेह। हर एक कोसिस कर कि तू धर्मा रे काम करी सके। परमेसरा री भक्ति करणे वाली जिन्दगी जी। मसीह पर विस्वास रख। दूजे लोका किन्हें प्यार कर। मुस्किल हालात मन्झ धीरज रख। होर दूजे लोका ले नम्रता साउगी बर्ताव कर।

2 तिमिथियुस 1:13

जो सच्चे उपदेस तैं मेरे ले सुणीरे, तिन्हा जो आपणा उदाहरण बणाई किन्हें रख। विस्वास होर प्यारा किन्हें तू इन्हा उपदेसा जो पूरा कर क्यूंकि तू यीसू मसीह साउगी एक आ।

2 तिमिथियुस 2:22

तिन्हा बुरी गल्ला ले दूर रेह जेस जो करणे जो जुआना री इच्छा करी; होर जो सुद्ध मना ले प्रभु री अराधना करहा ऐं, तिन्हा साउगी धार्मिकता री जिन्दगी, विस्वास, प्यार, होर सांति रखी किन्हें अगे बढ़दे रहो।

तितुस 2:2

खपरे आदमिया जो सखाया कि स्यों आपणे आपा पर काबू रखे होर तिन्हारा स्वभाव एह्ड़ा हो कि सब तिन्हारी इज्जत करहे, होर समझदारी किन्हें काम करणे वाले हो। परमेसरा पर मजबूत विस्वास करणे वाले, दूजेया किन्हें सच्चा प्यार करणे वाले होर सभ गल्ला मन्झ धीरज रखणे वाले हो।

1 पतरस 1:3

आस्सा रे प्रभु मसीह यीसू रे बापू होर परमेसर धन्यावाद हो, जिन्हें आपणी बड़ी दया ले आस्सा जो नौंईं जिन्दगी दिती। क्यूंकि परमेसरे यीसू मसीह जो मरिरे मन्झा ले जिउंदा कितिरा, आस्से आपणी जिन्दगी बड़ी आसा किन्हें जी सके यानि आस्से पूरी उम्मीद रखी सके की जो वादा तिन्हें आस्सा किन्हें कितिरा से तेस पूरा करणा।

1 यहून्ना 4:10

प्यार एता मन्झ नी आ कि आस्से परमेसरा किन्हें प्यार कितेया; पर प्यार एता मन्झ आ कि परमेसरे आस्सा किन्हें प्यार कितेया; होर आस्सा रे पापा रे प्रायस्चिता रे कठे आपणा मह्ठा भेज्या।

प्रकासना री गल्ला 22:21

हांऊँ प्रार्थना करहा कि प्रभु यीसू सभ परमेसरा रे पवित्र लोका जो आपणा अनुग्रह देंदा रहे। आमीन।