1 तिमिथियुस 1:11 - मंडयाली नंऊँआं नियम

¹¹ ये सच्चा उपदेस आस्सा रे परमप्रधान परमेसरा री महिमा री खुसी री खबरा रे मताबक ई, जिन्हें मुंजो एता री प्रचार करणे री जिम्मेदारी दितिरी।

1 तिमिथियुस 1:11 Iomraidhean Croise

लूका 2:14

“स्वर्गा मन्झ परमेसरा री महिमा होर धरती पर तिन्हा माह्णुं मन्झ जिन्हा ले से खुस आ, सांति हो।”

रोमियो 2:16

एह्ड़ा तेबे हूंणा जेस ध्याड़े परमेसरा मेरे ज्रीए प्रचार कितिरे खुसी री खबरा रे मताबक यीसू मसीहा रे ज्रीए माह्णुंआं री लुख्ही री गल्ला रा न्याय करणा।

1 कुरिन्थियो 9:17

क्यूंकि अगर हांऊँ आपणी इच्छा ले ये काम करहा, ता मुंजो मजदूरी मिल्हा ई, होर अगर हांऊँ आपणी इच्छा ले नी करूं, तेबे भी जो जिम्मेदारी परमेसरे मुंजो दितिरी, तेस्सा जो हांऊँ पूरा करहा।

2 कुरिन्थियो 4:4

होर तिन्हा अविस्वासी लोका रे कठे, जिन्हारी बुद्धि ऐस संसारा रे इस्वर सैताने काणी करी दितीरी, ताकि स्यों मसीह री खुसी री खबरा जो होर तेसरी महिमा जो नी समझी सके। होर मसीह ही परमेसरा रा स्वरूप आ।

2 कुरिन्थियो 4:6

इधी कठे परमेसरे बोल्या कि, “नह्यारे मन्झा ले प्रयासा चमके,” होर सेई परमेसर समझ रूपी चमका जो आस्सा रे दिला चमका आ, ताकि आस्से यीसू मसीह मन्झ परमेसरा री महिमा जो देखी सके।

गलातियो 2:7

पर एता ले उल्टा जेबे तिन्हें अगुवे देख्या कि, जिहां परमेसरे पतरसा जो यहूदी लोका जो खुसी री खबरा रा प्रचार करणे रा काम करणे रे कठे नियुक्त कितेया, तिहां ई गैर-यहूदी लोका जो खुसी री खबरा रा प्रचार करणे रे कठे हांऊँ नियुक्त कितेया।

इफिसियो 1:12

परमेसरे एह्ड़ा इधी कठे कितेया ताकि आस्से यहूदी लोक जिन्हें जे सभी ले पैहले मसीह पर आस रखिरी थी, आस्से परमेसरा री महिमा होर बड़ाई करहे।

इफिसियो 1:6

ताकि आस्से परमेसरा रे नौखे अनुग्रह रे कठे तेसरी बड़ाई करहे, जो तिन्हें आस्सा जो मुफ्ता मन्झ देई दितेया, क्यूंकि आस्से तेसरे मह्ठे साउगी एक ऐं, जेस किन्हें से बौह्त प्यार करहा।

इफिसियो 2:7

परमेसरे एह्ड़ा इधी कठे कितेया, ताकि आऊणें वाले टैमा मन्झ से संसारा रे लोका जो दसी सके कि तेसरा अनुग्रह कितना महान आ। आस्से जो मसीह यीसू साउगी एक ऐं, आस्सा रे कठे जो कुछ परमेसरे कितेया, ये अनुग्रह तिन्हें आस्सो दसेया।

इफिसियो 3:10

परमेसरा रा मकसद ये था कि ऐबे कलीसिया रे ज्रीए, तेसरे ज्ञाना जो जेसरी कोई सीमा नी, सारी आत्मा पर जाहिर करी दे, जो कधी नी देखिरी जगहा मन्झ हक रखी होर राज करही।

कुलुस्सियो 1:25

परमेसरे हांऊँ नियुक्त कितेया कि हांऊँ तुस्सा जो परमेसरा रे बचना जो पूरी तरहा समझाऊँ, होर एस वजहा ले ही हांऊँ कलीसिया रा सेऊआदार बणेया।

1 थिस्सलुनकियो 2:4

पर जिहां परमेसरे आस्सा जो लायक समझी किन्हें आपणी खुसी री खबर आस्सा जो दिती। इधी कठे आस्से माह्णुंआं जो नी पर दिला जो जांचने वाले परमेसरा जो खुस करणे रे कठे प्रचार करहा ऐं।

1 तिमिथियुस 2:7

एस वजहा ले परमेसरे मुंजो खुसी री खबरा रा प्रचारक होर चुणिरा चेला नियुक्त कितिरा। तिन्हें हांऊँ चुणिरा कि हांऊँ अन्यजाति लोका जो विस्वास होर सच्चाई रे बारे मन्झ सखाई सकूं। हांऊँ सच्च बोल्हा, झूठ नी बोलदा।

1 तिमिथियुस 6:15

परमेसर जो बढ़ाई रे लायक आ, होर एकमात्र राजा, से राजेया रा राजा, होर प्रभुआ रा प्रभु आ, तेस मसीह जो ठीक टैमा पर जाहिर करणा।

1 तिमिथियुस 6:20

हे तिमिथियुस, परमेसरे जो काम तुजो सौंपी रा, तू तेता जो पूरा कर। जो गल्ला आत्मिक नी, होर बेकारा री बैहसा ले दूर रह, होर तिन्हा ले भी जो परमेसरा रे सच्चे उपदेसा रे व्रोधा मन्झ ई, जिन्हा जो स्यों गलती किन्हें “ज्ञान” बोले।

2 तिमिथियुस 1:11

एस वजहा ले परमेसरे मुंजो खुसी री खबरा रा प्रचारक होर चुणिरा चेला नियुक्त कितिरा। ताकि हांऊँ अन्यजाति लोका जो सखाई सकूं।

2 तिमिथियुस 1:14

होर पवित्र आत्मा रे ज्रीए जो आस्सा मन्झ बस्सिरा, एस सच्चाई री रखवाली कर, जो तुजो सौंपीरी।

2 तिमिथियुस 2:2

तैं बौह्त लोका साम्हणें मुंजो मसीह रे बारे मन्झ संदेस स्खान्दे हुए सुणीरा था। इधी कठे हांऊँ चाहां कि तू भी इन्हा गल्ला जो दूजे भरोसे रे लायक विस्वासी लोका जो सखाई दे; जो होरिया जो भी स्खाणे रे लायक हो।

तितुस 1:3

पर ऐबे ठीक टैमा पर, परमेसरे एस खुसी री खबर आस्सा पर जाहिर किती होर एता रा प्रचार आस्से सभी किन्हें करहे, आस्सा रे उद्धारकर्ता परमेसरे मुंजो ये जिम्मेदारी सौम्पी री होर हुक्म दितिरा कि हांऊँ ये काम तेसरे कठे करूं।