1 तिमिथियुस 1:10 - मंडयाली नंऊँआं नियम

¹⁰ व्यभिचारीया, समलैंगिक, माह्णुंआं रा अपहरण करणे वाले, झूठ बोलणे वाले, झूठी कसम खाणे वाले, हर एक एह्ड़ा काम करहे, जो खरे उपदेसा रे बरखलाफ ऐे।

1 तिमिथियुस 1:10 Iomraidhean Croise

यहून्ना 8:44

तुस्से आपणे बापू सैताना ले ऐं, होर आपणे बापू री इच्छा पूरी करणा चाहें। से ता सूरहू ले ई खूनी आ, होर सच्चाई पर खड़ा नी रैंहयां, क्यूंकि सच्चाई ता तेस अंदर हाई नी। जेबे से झूठ बोल्हा, ता से आपणी आदता री वजहा ले बोल्हा, क्यूंकि से झूठा आ, बल्कि झूठा रा बापू आ।

रोमियो 1:26

इधी कठे परमेसरे स्यों नीच काम करणे रे कठे छाडी दिते, एथी तक कि तिन्हारी ज्नानिया भी मर्धा साउगी जायज रिस्ते रे बजाय एक दूजे साउगी ही जिस्मानी रिस्ते रखदी लगी।

1 तिमिथियुस 4:6

अगर तू विस्वासी भाई बैहणा जो इन्हा गल्ला जो याद कुरांदा रहे, जो मैं ऐबे तुस्सा जो करणे रे कठे बोलिरी। होर विस्वासा रे संदेसा रे ज्रीए होर खरे उपदेसा रे ज्रीए जेस जो तू मनदा आईरा, तू मजबूत बनाई गईरा, ता तुध मसीह यीसू रा खरा सेऊआदार बणना।

1 तिमिथियुस 6:3

अगर कोई गलत उपदेसा जो सखा; होर आस्सा रे प्रभु यीसू मसीह रे दितिरे सही उपदेस होर परमेसरा री भक्ति री बिधिया ले राजी नी हुंदा,

2 तिमिथियुस 1:13

जो सच्चे उपदेस तैं मेरे ले सुणीरे, तिन्हा जो आपणा उदाहरण बणाई किन्हें रख। विस्वास होर प्यारा किन्हें तू इन्हा उपदेसा जो पूरा कर क्यूंकि तू यीसू मसीह साउगी एक आ।

2 तिमिथियुस 4:3

हांऊँ ये तुस्सा जो इधी कठे बोल्या करहा कि, एक टैम एह्ड़ा आऊंणा; कि लोका खरा उपदेस सुणना नी चाहणा, पर आपणी इच्छा जो पूरी करणे रे कठे एह्ड़े लोक तोपी किन्हें स्यों सुणना चाहें।

तितुस 1:13

क्रेते टापू मन्झ रैहणे वाले लोका रे कठे ये गल ऐबे भी सच्ची ई, इधी कठे तिन्हा जो कड़ी चेतावनी देआ कर कि, स्यों यीसू मसीह रे बारे मन्झ सच्चे उपदेसा पर विस्वासा करहे।

तितुस 1:9

होर से तेस भरोसे रे लायक उपदेसा जो मजबूती किन्हें पकड़ी रखणे वाल़ा हो, जो आस्से तेस जो सखाईरा था; जेता ले दूजेया जो सखाई सके होर सच्चे उपदेस रे बरखलाप बोलणे वाल़ेया रा मुंह बंद कुराई सके।

इब्रानियो 13:4

आपणे ब्याह रा आदर करहा, होर लाड़ा लाड़ी एक दूजे रे प्रति वफादार रहे। क्यूंकि परमेसरा व्यभिचारिया, होर नजायज रिस्ते रखणे रा न्याय करणा।

यहूदा 1:7

इन्हा इस्राएली लोका होर स्वर्गदूता साहीं याद रखा कि सदोम होर गमोरा होर तेसरे ओरले परले सैहरा मन्झ रैहणे वाले लोका किन्हें क्या हुईरा था। स्यों लोक व्यभिचारी हुई गईरे थे होर हर प्रकारा रे नजायज यौन रिस्ते मन्झ पई गईरे थे, इधी कठे परमेसरे स्यों आगी किन्हें मारी दिते, होर ये झूठे उपदेस देणे वाले रे कठे एक चेतावनी की तिन्हा जो भी अनंतकाला री आगी ले सजा मिलणी।

प्रकासना री गल्ला 18:13

होर तिन्हा ले दालचीनी, मसाले, धुप, इत्र, लोबान, दाखरस, जैतुना रा तेल, मैदा, कणक, गाय-बोह्ल्द, भेड-बकरिया, घोड़े, रथ, लेणे वाल़ा कोई नी रैहया। होर जो लोक चीजा रा लेण-देण करहे स्यों ऐबे लोका जो नी बेची सकदे।

प्रकासना री गल्ला 21:27

होर तेस सैहरा मन्झ कोई असुद्ध चीज या दुस्ट काम करणे वाल़ा, या झूठ बोलणे वाल़ा, तेस मन्झ दाखल नी हुई पाणा। पर सिर्फ तिन्हा लोका ही दाखल हूंणा, जिन्हारा नांऊँ छेलू री जिन्दगी री कताबा मन्झ लिखिरे।

प्रकासना री गल्ला 21:8

पर जो मेरे पर विस्वास नी रखदे, स्यों तेस आगी री झीला मन्झ पाई देणे जो गन्धका किन्हें भख्दी रैंहयां ई, जो कि दूजी मौत ई। होर तिहां ही सभ लोक, जो दूजेया रे साम्हणें मुंजो मनणे ले डरे, होर बुरे काम होर खून करहे। जो व्यभिचारी ऐं होर जादू टोणा करहे, होर मूर्तिया री अराधना करहे; होर झूठ बोल्हे, तेस आगी री झीला मन्झ पाई देणे।”

प्रकासना री गल्ला 22:15

पर कुत्ते साहीं अपवित्र लोक, होर जादू टोणा करणे वाले, होर व्यभिचार करणे वाले, होर हत्या करणे वाले लोक, होर मूर्तिया री अराधना करणे वाले लोक, होर हरेक लोक जो झूठ बोलणा पसंद करहे, तिन्हा सभिया एस सैहरा ले बाहर रैहणां।