1 तिमिथियुस 1:1 - मंडयाली नंऊँआं नियम

¹ हांऊँ पौलुस, एस्सा चिठ्ठी जो लिख्या करहा। आस्सा रे उद्धारकर्ता परमेसर होर यीसू मसीह रे हका ले जेस पर आस्से आस रखे, हांऊँ यीसू मसीह रा चुणिरा चेला आ।

1 तिमिथियुस 1:1 Iomraidhean Croise

लूका 1:47

होर हांऊँ मेरे उद्धार करणे वाले परमेसरा री वजहा ले खुस ई।

लूका 2:11

होर से खबर येई कि आज राजा दाऊदा रे गांऊँआं बैतलैहम मन्झ एक उद्धारकर्ता तुस्सा रे कठे जम्मिरा, होर येई मसीह प्रभु आ।

चुणिरे चेले रे काम 9:15

पर प्रभुए तेस किन्हें बोल्या कि, “तू चला जा; क्यूंकि साऊल ता अन्यजाति लोका होर राजे माहराजे, होर इस्राएल देसा रे साम्हणें मेरा नांऊँ रा प्रचार करणे रे कठे मेरा चुणिरा एक जरीआ।

रोमियो 1:1

हांऊँ पौलुस ये चिट्ठी लिख्या करहा। हांऊँ यीसू मसीहा रा सेऊआदार आ। परमेसरे एक चुणिरा चेले रे रूपा मन्झ मेरा चुणाव कितेया, होर परमेसरे हांऊँ खुसी री खबर सुनाणे रे कठे नियुक्त कितिरा।

1 कुरिन्थियो 1:1

हांऊँ पौलुस, एस्सा चिठ्ठी जो लिख्या करहा। हांऊँ एथी आस्सा रे विस्वासी भाई सोस्थिनेस साउगी आ जो मेरी मदद करी करहा। हांऊँ परमेसर री इच्छा ले मसीह यीसू रा चुणिरे चेले हूंणे रे कठे नियुक्त कितिरा।

1 कुरिन्थियो 9:17

क्यूंकि अगर हांऊँ आपणी इच्छा ले ये काम करहा, ता मुंजो मजदूरी मिल्हा ई, होर अगर हांऊँ आपणी इच्छा ले नी करूं, तेबे भी जो जिम्मेदारी परमेसरे मुंजो दितिरी, तेस्सा जो हांऊँ पूरा करहा।

2 कुरिन्थियो 1:1

हांऊँ पौलुसा ये चिठ्ठी तुस्सा रे कठे लिख्दा लगिरा। हांऊँ परमेसरा री इच्छा ले मसीह यीसू रा चुणिरा चेला आ। होर मसीह मन्झ आस्सा रा भाई तिमिथियुस मेरे साउगी आ। हांऊँ ये चिठ्ठी कुरिन्थुस सैहरा रे परमेसरा री कलीसिया रे लोका रे कठे होर सारे अखाया ईलाके रे सब परमेसरा रे पवित्र लोका रे कठे लिखी करहा।

गलातियो 1:1

हांऊँ पौलुस, एस्सा चिठ्ठी जो लिख्या करहा। होर हांऊँ चुणिरा चेला आ। मुंजो कुछ लोके या केसी माह्णुंऐ चुणिरा चेला हूंणे रे कठे नियुक्त नी कितेया। पर यीसू मसीह रे ज्रीए होर बापू परमेसरा रे ज्रीए हांऊँ चुणिरा चेला बणेया। परमेसरे यीसू जो मरिरे मन्झ ले जिउंदा कितेया। हांऊँ एस्सा चिठ्ठी जो गलातिया ईलाके री कलीसिया रे विस्वासी भाई बैहणा जो लिख्या करहा। होर जो विस्वासी भाई बैहण ऐबे मेरे साउगी एथी ऐं, स्यों तुस्सा जो नमस्कार बोल्हा ऐं।

गलातियो 1:11

हे भाईयो होर बैहणो, हांऊँ चाहां कि तुस्से ये जाणी लो कि जो खुसी री खबर मैं तुस्सा जो सुणाया था से माह्णुंआं रा बणाईरा नी आ।

कुलुस्सियो 1:27

क्यूंकि परमेसर चाहां था कि तेसरे लोक ये जाणी ले कि मसीह रे धन होर महिमा तुस्सा गैर-यहूदी लोका रे कठे भी हाई। होर लुख्ही री गल येई कि मसीह तुस्सा मन्झ वास करहा। होर एता ले आस्सो येह हिम्मत मिली कि आस्सा तेसरी महिमा रे साझीदार हूंणा।

2 थिस्सलुनकियो 2:16

आस्से आपणे प्रभु यीसू मसीह ले होर बापू परमेसरा ले प्रार्थना करहे, जो आस्सा किन्हें प्यार करहा; होर जिन्हें आपणे अनुग्रहा ले आस्सो हमेसा होंसला दितेया, होर मजबूत आस दितीरी।

1 तिमिथियुस 1:12

होर हांऊँ, आस्सा रे प्रभु यीसू मसीह रा धन्यावाद करहा, जिन्हें मुंजो सामर्थ दिती; कि तिन्हें मुंजो भरोसे लायक समझी किन्हें आपणी सेऊआ रे कठे नियुक्त कितेया।

1 तिमिथियुस 2:3

एस तरीके किन्हें सब लोका रे कठे प्रार्थना करना सही आ, होर आस्सा रा उद्धारकर्ता परमेसर एता जो ग्रहण करहा।

1 तिमिथियुस 2:7

एस वजहा ले परमेसरे मुंजो खुसी री खबरा रा प्रचारक होर चुणिरा चेला नियुक्त कितिरा। तिन्हें हांऊँ चुणिरा कि हांऊँ अन्यजाति लोका जो विस्वास होर सच्चाई रे बारे मन्झ सखाई सकूं। हांऊँ सच्च बोल्हा, झूठ नी बोलदा।

1 तिमिथियुस 4:10

आस्से एस जिन्दगी जो पाणे रे कठे मैहनत होर कोसिस इधी कठे करहा ऐं, क्यूंकि आस्सा री आस तेस जिउंदे परमेसरा पर ई, जो सभ माह्णुंआं रा, होर खास कर विस्वासी लोका रा उद्धारकर्ता आ।

तितुस 1:3

पर ऐबे ठीक टैमा पर, परमेसरे एस खुसी री खबर आस्सा पर जाहिर किती होर एता रा प्रचार आस्से सभी किन्हें करहे, आस्सा रे उद्धारकर्ता परमेसरे मुंजो ये जिम्मेदारी सौम्पी री होर हुक्म दितिरा कि हांऊँ ये काम तेसरे कठे करूं।

तितुस 2:10

चोरी, चलाकी नी करहे; पर एस गल्ला जो साबित करहे कि स्यों हमेसा ईमानदार ऐं, ताकि जो कुछ स्यों करहे लोक तिन्हारे खरे स्वभावा जो देखी किन्हें आस्सा रे उद्धारकर्ता परमेसरा रे उपदेसा रे बारे मन्झ सुणने री इच्छा करहे।

तितुस 2:13

आस्से एह्ड़ा ही करदे रहे जेबे कि आस्से आपणे म्हान परमेसर होर उद्धारकर्ता यीसू मसीह जो आपणी महिमा साउगी एस संसारा मन्झ वापस आऊणें री आस करदे लगिरे।

तितुस 3:4

पर फेरी भी आस्सा रे उद्धारकर्ता परमेसरे आस्सा माह्णुंआं पर दया होर प्यार जाहिर किती।

तितुस 3:6

परमेसरे पवित्र आत्मा जो आस्सा रे अंदर अजादी होर भरपूरी किन्हें वास करणे जो भेजेया, होर ये एस कामा री वजहा ले हुआ जो आस्सा रे उद्धारकर्ता यीसू मसीहे आस्सा रे कठे कितेया।

1 पतरस 1:21

तिन्हें मसीहे जो कितिरा तेता री वजहा ले ई तुस्से परमेसरा पर विस्वास करहे। तिन्हें ही यीसू जो मरिरे मन्झा ले जिउंदा कितेया, होर तेस जो महिमा दिती। इधी कठे परमेसरा पर तुस्सा रा विस्वास होर आस दुहें मजबूत ऐं।

1 पतरस 1:3

आस्सा रे प्रभु मसीह यीसू रे बापू होर परमेसर धन्यावाद हो, जिन्हें आपणी बड़ी दया ले आस्सा जो नौंईं जिन्दगी दिती। क्यूंकि परमेसरे यीसू मसीह जो मरिरे मन्झा ले जिउंदा कितिरा, आस्से आपणी जिन्दगी बड़ी आसा किन्हें जी सके यानि आस्से पूरी उम्मीद रखी सके की जो वादा तिन्हें आस्सा किन्हें कितिरा से तेस पूरा करणा।

2 पतरस 1:1

हांऊँ समौन पतरस तुस्सा रे कठे ये चिठ्ठी लिखी करहा। हांऊँ यीसू मसीह रा सेऊआदार होर चुणिरा चेला आ। हांऊँ ये चिठ्ठी तुस्सा सभी रे कठे लिखी करहा, जो आस्सा साहीं तेस कीमती विस्वास रा साझा करहे, जो आस्सा जो आस्सा रे परमेसर होर उद्धारकर्ता यीसू मसीहे दितिरा। से आस्सो परमेसरा री नजरा मन्झ धर्मी बणा।

1 यहून्ना 4:14

होर आस्से से मह्ठा देखी भी लया होर गुआही भी देहां ऐं कि, बापू परमेसरे आपणा मह्ठा, संसारा रा उद्धारकर्ता रे रूपा मन्झ भेज्या।