1 थिस्सलुनकियो 5:3 - मंडयाली नंऊँआं नियम

³ जेबे लोका ये बोलणा कि, “सभ कुछ सांत होर सुरक्षित आ,” तेस टैमा अचानक तिन्हारी पीड़ा सुर्हू हुई जाणी। ठीक तिहां ईं जिहां एक गर्भवती जनानिया जो बच्चे जमणे रे टैमा री पीड़ा अचानक सुर्हू हुई जाहीं, होर तिन्हा एस खरतनाक पीड़ा ले नी बचणा।

1 थिस्सलुनकियो 5:3 Iomraidhean Croise

मत्ती 23:33

तुस्से लोक जैहर्ले कीड़े रे बच्चे साहीं ऐं, तुस्सा नरका रे दण्डा ले नी बचणा।

यहून्ना 16:21

जेबे ज्नाने बच्चे जो जमणे रा टैम आहूँआं ता तेस्सा जो पीड़ा हुंहाँ ईं, क्यूंकि तेस्सा री दु: खा री घड़ी आई गईरी, पर जेबे से बच्चे जो जन्म देई चुक्हा ई ता से एस खुसी किन्हें कि तेस्से एक माह्णुं जो संसारा मन्झ जन्म दितेया से फेरी तेस पीड़ा जो दबारा याद नी करदी।

चुणिरे चेले रे काम 13:41

‘हे निंदा करणे वालेयो, देखा, हरान हुई जाऊआ होर मरी मिटी जाऊआ; क्यूंकि मैं तुस्सा रे जमाने मन्झ एक काम एह्ड़ा करहा; एह्ड़ा काम कि, अगर कोई तुस्सा किन्हें तेसरी चर्चा करहे, ता तुस्सा कधी विस्वास नी करणा।’”

2 थिस्सलुनकियो 1:9

स्यों हमेसा रे कठे प्रभु ले दूर करी दिते जाणे, होर तेसरी महिमामय सामर्था मन्झ साझी नी हूंणे, होर तेस तिन्हो अनंत विनासा री सजा देणी।

इब्रानियो 12:23

होर तुस्से परमेसरा रे पैहलौठे संताना री मण्डली मन्झ आई गईरे, जिन्हारे नांऊँ स्वर्गा मन्झ लिखे गईरे। ये धर्मी लोका री आत्मा ई जो हाल्ले स्वर्गा मन्झ ई होर तिन्हो सिद्ध कितिरा, होर तुस्से आपु परमेसरा वाले गईरे जो सभी गल्ला रा न्याय करणे वाल़ा।

इब्रानियो 2:3

ता आस्सा जो भी सजा मिलणी, अगर आस्से एस महान उद्धारा ले बेफिकर रहे। होर एस उद्धारा रे बारे मन्झ सभी ले पैहले प्रभुए आप्हुए बोलिरा था, होर जिन्हें चेले ये सुणीरा था तिन्हें लोके आस्सो ये साबित करी किन्हें दसेया कि ये सच्च आ।

2 पतरस 2:4

तुस्से जाणांहे कि बौह्त पैहले कुछ स्वर्गदूते परमेसरा रे हुक्मा जो नी मन्नेया था, ता परमेसरे तिन्हो सजा दिति। तिन्हें स्यों दूत नरका मन्झ भेजी दिते, जेथी तिन्हो सांगला किन्हें बान्ही किन्हें नह्यारे मन्झ रखीरा, ताकि से न्याय रे ध्याड़े तक जेबे तक तिन्हो सजा मिले, तेथी पईरे रेहणा।